كارگەی دروستكردنی رۆبۆت دادەمەزرێت

یەک شەممە, 16 کانونی یەکەم 2018 05:26

 

 

بۆ دروستكردنی ئامێری ڕۆبۆت، گروپی (ئەی بی بی) لە وڵاتی چین كارگەیەك دادەمەزرێنێت كە (150) ملیۆن دۆلار تێچووەكەی دەبێت.

(ئۆڵریچ سپیسۆڤەر) سەرۆكی جێبەجێكاری كۆمپانیاكە ئاشكرای دەكات، شەنگەهای بۆتە ناوەندێكی زیندوی بەڕێوبەرایەتی تەكەنەلۆجیای پێشكەوتوو بۆ گروپی (ئەی بی بی) و جیهان، كارگەكەش هەر لەم شارە دروستدەكرێت.

سپیسۆڤەر وتیشی: وڵاتی چین گەورە كریاری ئەم ئامێرانە بووە كە لە ساڵی (2017) لەسەر ئاستی جیهان فرۆشراون كە ژمارەیان (138) ئامێر بووە، وتیشی : كارگە نوێكەی لەسەر ڕووبەری (23) كیلۆمەتر دووجا دادەمەزرێت، پرۆگرامی پێشكەوتوو بەكاردێنێت، ڕێگە بە مرۆڤ و ئامێرە ڕۆبۆتەكان دەدات پێكەوە ڕۆژانە كاربكەن و ئەركی دروستكردنی پارچەی وورد جێبەجێكەن بۆ دروستكردنی ئامێری ڕۆبۆت.

ئامێرەكانی (ئەی بی بی) ئەركی جۆراوجۆری هەیە، وەك دروستكردنی ئۆتۆمبێل و كۆكردنەوەی ئامێری ئەلیكترۆنی بۆ دروستكردنی ڕۆبۆت بۆ ژمارەیەك لە پیشەسازییەكان لە كۆمپانیاكەی شەنگەهای.

 

 

ئـ . كـ