كاتژمێری ئەپڵ گیانی نەخۆشێك لەمردن رزگار دەكات

سێ شەممە, 18 کانونی یەکەم 2018 07:54

 

 

بەكارهێنەرێكی كاتژمێری ئەپڵ ئاماژەی بەوەكردووە، كە كاتژمێرەكە پێی راگەیاندووە: كە ئەو نەخۆشی دڵی هەیەو پێویستە سەردانی پزیشك بكات.

ئەو كەسە رایگەیاندووە، ئەو حاڵی باش بووە، بەڵام بێ‌ ئاگا بووە لەوەی كە تەندروستی دڵی تەواو نییە، بۆیە لەڕێگەی كاتژمێرە ئەپڵەكەیەوە زانیاری وەرگرتووە كە لێدانەكانی دڵی تەواو نییە.

كەسەكە دەڵێت، خۆم هەستم بەوەنەكردووە كە ناتەندروست بووبم، بەڵام كاتژمێرەكە رۆژانە بۆی دووبارە كردۆتەوە كە تەندروستی تەواو نییەو دەبێت سەردانی پزیشكی تایبەتی بكات.

بۆ ئەو مەبەستە ئەو كەسە سەردانی پزیشكی تایبەتی دڵ و هەناوی كردووەو دوای پشكنین بۆیان دەركەوتووە كە تەندروستی دڵی تەواو نییەو لێدانەكانی دڵی باش نییە، هەربۆیە تووشی نەخۆشییەك هاتووە بەناوی (ئەتریاڵ فێبریلەیشن)، كە ئەو نەخۆشییە لە ساڵێكدا (200) هەزار بەدەستیەوە گیان لەدەست دەدەن.

 

 

ئـ . كـ