ئایفۆن نوێترین مۆبایلی نمایش دەكات

پێنج شەممە, 10 کانونی دووەم 2019 05:58

 

 

نوێترین وێنەی مۆبایلی ئایفۆن بڵاوكرایەوە، كە گۆڕانكارییەكی زۆر لە دیزاینی كراوەو سێ كامێراشی لە پشتەوە بۆ دانراوە، كە تەواو جیاوازە لە نەوەكانی پێش خۆی.

كۆمپانیای ئەپڵ كار لەسەر نوێترین مۆبایلی دەكات كە لە ساڵی (2019) دا دەیخاتە بەردەستی بەكاربەرانی، وەك هەمیشەش سێ مۆبایلی جیاواز بەرهەمدەهێنێت، بەپێی زانیارییەكان مۆبایلی نوێی ئایفۆن لە ڕووی دیزاین و ژمارەی كامێراوە تەواو جیاوازە لە نەوەكانی پێش خۆی، وەك لە وێنەكاندا دەردەكەوێت مۆبایلەكە خاوەنی سێ كامێرایە كە لە چوارچێوەی چوارگۆشەیەكی بەرزدا جێگیر كراون، دوو كامێرەیان لە سەرەوەیەو ئەوی تریش لە خوارەوەیە.

ئەو وێنەیە هاوتەریبە لەگەڵ هەوڵەكانی كۆمپانیای ئەپڵ بۆ بەرزكردنەوەی تەكنەلۆژیای كامێرای پشتەوە، هەروەها ئەپڵ بە نیازە بە هەماهەنگی كۆمپانیای سۆنی تەكنەلۆژیای (دی تی ئۆ ئێف 3) لە مۆبایلەكانیدا دابنێت، بەمەش كامێرەكانی ئایفۆن رۆڵێكی گرنگیان دەبێت لە گرتنی وێنەی سێ دووری و نیشاندانی وێنە بە روونیەكی زۆرو هەمەلایەنە.

ئەوەی كە ئاشكرا بووە، ئەوەیە كە كامێرای سێیەم زیاتر تەركیز دەخاتە سەر ئەو شتەیە كەدەمانەوێت وێنەی سێ دووری بگرین و كارەكە خێراتر دەكات، هەروەها ئەو لەمپەرانەش تێكدەشكێنێت كە بەهۆی تاریكیەوە كار لەسەر وێنەكان دەكات، بۆ ئەمەش لەرێگەی شەپۆڵی لێزەری و پێوانەكردنی دوورییەكەیەوە لەمپەرەكە لادەبات، بۆ ئەم كارەش پێویستی بە ئامرازێكی هەستی هەیە كە بۆی دانراوە.

 

 

ئـ . كـ