سامسونگ راگەیاندنی مۆبایلە نوێكەی دواخست

24/04/2019 - 10:13 بڵاوکراوەتەوە لە هەواڵ/تەكنەلۆژی

 

 

سامسۆنگ بڕیاریدا كە ئاهەنگە تایبەتیەكەیان سەبارەت بە ڕاگەیاندنی مۆبایلە نوێكەیان (Galaxy Fold) دوابخات كە وا بڕیار بوو ئەم هەفتەیە لە هۆنگ كۆنگ و شەنگەهای بكرێت، ئەمەش لە دوای ئەو ڕووداوانەی كە بەسەر مۆبایلە نوێكە هاتووە كە بە ئاسانی ڕونماكەی دەشكێت.

بەڕێوبەری سامسۆنگیش هیچ لێدوانێكی لەسەر ئەم دواخستنە نەداوە، هەروەها هیچ بەروارێكی نوێش دیاری نەكراوە، پێش ئەوەی لە بەرواری (26) ی ئەم مانگە لە ئەمریكا ڕابگەیەنرێت لەلایەن میدیاكاران و شارەزایانی تەكنەلۆژیاوە تاقیكرایەوەو سەركەوتوو نەبوو، كە لە دوای یەك ڕۆژ بەكارهێنان ڕونماكەی تووشی شكان و تێكچوون هاتووە.

(سامسۆنگ) دڵنیاییكردەوە كە ڕێژەیەكی كەم زەرەریان پێگەشتووە لە ڕونماكانیدا كە نزیكەی (1980) دۆلارە، ئەم ڕووداوەش هەمان ڕووداوی مۆبایلی (Galaxy Note 7) مان بیر دەخاتەوە كە سێ ساڵ پێش ئێستا بەهۆی تەقینەوەی پاتریەكەیەوە هەموو مۆبایلەكانی لە بازاڕدا كشاندەوە.

كاروان ئایتی