فەیسبووك هەڵمەتێكی بلۆككردن دەست پێدەكات

04/05/2019 - 09:25 بڵاوکراوەتەوە لە هەواڵ/تەكنەلۆژی

 

 

كۆمپانیای فەیسبوك هەڵمەتێكی نوێی دەسـتپـێكردووە بۆ سڕینەوەی فەیسبوكی ئەو كەسانەی بیروباوەڕی توندڕەوی و ڕەگەزپەرستی لەسەر فەیسبوكەكانیان بڵاودەكەنەوە.

لە ڕاگەیاندنێكدا فەیسبوك نووسیویەتی هەمیشەو بەبێ جیاوازی ئەو كەس و ڕێكخراوانەمان بلۆككردووە كە بانگەشە بۆ بیروبۆچوونی توندڕەوی و ڕق و كینە دەكەن.

فەیسبوك كە خاوەنی ئینستیگرامیشە، دەڵێت : ئەو كەس و ڕێكخراوانە لە ئینستیگرامیشدا بلۆك دەكرێن.

كۆمپانیاكە لە كۆتایی هەفتەی رابردوەوە فەیسبوك و ئینستیگرامی كۆمەڵێك كەسایەتی بلۆك كرد، لەوانە پـۆڵ نێڵێن، سیاسەتمەداری كۆماری لە ویلایەتی ویسكەنسن و لۆرا لومەر، چاڵاكوان و ڕۆژنامەوانی سەر بە پارتی كۆماری لە نیویۆرك و میلۆ یانۆپـۆڵس، كەسایەتی بەریتانی كە ئەم سیانە پـێـیان ‌وایە خەڵكی سپی پـێست لە سەروو خەڵكی دیكەوەن، هەروەها لویس فەرەخانی تەمەن (85) ساڵیش بلۆكراوە، ئەوەی لە ئەمریكا سەرۆكایەتی كۆمەڵەی (Nation of Islam) دەكات و وتاری دژی سامیەت بڵاودەكاتەوە.

كریستینا لۆپـێز، جێگری بەڕێوەبەری بەشی توندڕەوی لە كۆمەڵە میدیای "Matters for America" لەم بارەیەوە بە ئاژانسی دەنگ ‌و باسی فڕانس پـرێسی گوت: ئەم ڕاگەیاندنەی فەیسبوك هەنگاوێكی بە ئاڕاستەیەكی دوروستدا، دەڵێت بلۆكردنی پـۆڵ نێڵێن و لۆرا لومەر و میلۆ بانۆپـۆڵس هەتا ڕادەیەك یارمەتیدەر دەبێت لە دانانی سنوورێك بۆ بڵاوبوونەوەی بیروباوەڕی ڕاستڕەوی توندڕەو.