خاڵە لاوازەكانی كۆنگرەی یەكگرتو


گە رچاوێكی یاسای بگیڕین بەكۆنگرەی حەوتی یەكگرتودا بیخۆماندوكردن‌و قوڵبونەوەو وردكردنەوە وتێرامانی زۆر لەپەنا خاڵە ئەرێنی‌و جوانەكاندا(بەستنی كۆنگرە لەكاتی خۆیدا، پە خشی ڕاستەوخۆ، دەستاودەستی ئاشتیانە، كیبەركێی شیاو یاسای بۆ پۆستی یەكەم، نەبونی تەزویر) كۆمەڵێك خاڵی نایاسای‌و لاوازو نەرێنی دەبینین، كە زۆربەیان لە شێوە‌و فۆرم دان، بەڵام لەڕوی یاساییەوە لەكە‌و پەڵەو خەوشن‌و، جێكەوتەی خراپیان هەیە، لەوانە:-


1. نەبونی ڕێساو سیستەم بۆ هەڵبژاردن(كە دەبو ڕیسای هەڵبژاردن هەبێ‌‌و لە پەیڕوو پرۆگرامیشدا ئاماژە بە وە بكرێ‌ كە دەبێ‌ لە هەڵبژاردنەكانی ناوخۆی حزبدا جێبەجێبكرێ‌، یان یاساو ڕێساو ڕێكارەكانی كۆمیسێۆن جێبەجێ بكرێ‌ ).
2. نەبونی قۆناغ بەندی بۆ هەڵبژاردنەكان، لە ڕوی یاساییەوە پرۆسەی هەلبژاردن دەكرێ‌ بە چوار قۆناغەوە:
أ‌- قۆناغی تۆمار
ب‌- قۆناغی پاڵاوتن
ت‌- قۆناغی بانگەشە
پ‌- قۆناغی دەنگدان‌و راِگەیاندنی ئەنجام
هەریەكێ‌ لەم قۆناغانە ڕێكاری یاسای‌و مەرج‌و پێویستیاتی خۆیان هەیە، كە نابێ‌ پشت گوێ‌ بخرێ‌.
3. كارنەكردن بە تۆماری دەنگدەران، ڕاستە تۆماری ئەندامانی كۆنگرە هەبو بەڵام كاری پێنەكرا بۆ دابەشكردنی كارتی دەنگدان.
4. مۆرنەكردنی كارتی دەنگدان، بۆ ئەنجومەنی سەركردایەتی ئیمزاش نەكرا. ئەمە لەكاتێكدا لەڕوی یاساییەوە دەبێ‌ هەمو كارتێ‌ مۆركرێ‌.
5. نەپاراستنی نهێنی دەنگدان، زۆرجار ئەندامان لای خۆیانەوە(لەشوێنی دانیشتنەكەیان دەنگیان دەدا، نەك هەر هێندە بەڵكو سەرپەرشتیاری دەنگدانەكە ڕاپرسی دەكرد بۆئەوەی ئایا پێویست بەكابینەو پاراستنی نهێنی دەنگدان دەكات یان نا ! بێئاگابو لەوەی كە دەنگدان بەنهێنی لە یاسا‌و بنەماكانی هەڵبژاردنە،‌و پەیوەست نەبون پێیەوە هەڵبژاردنە كە دەخاتە ژێر پرسیارەوە.
6. نەبونی چاودێر (ناوخۆی‌و دەرەكی).
7. نە گونجانی هۆڵەكە بۆ پرۆسەی دەنگدان (جێگای كابینەكان گونجاو نەبو).
8. نەبونی وێنە لە سەر كارتی ئەندامانی گۆنگرە.
9. داوانەكردنی بەڵگەنامەی كە لەكاتی پێدانی كارتی دەنگدان.
10. دابەشكردنی كارتی دەنگدان بەسەر ئامادەبواندا لەشوێنی دانیشتنیاندا بەبێ‌ داواكردنی هیچ بەڵگەنامەو پرسینەوە‌و دڵنیا بونێك، لەكاتی دەنگدان بۆ ئەندامانی سەركردایەتی.

 

ماوەتەوە بڵێین یەكگرتو هەنگاوە گرنگ‌و قورس‌و چارە نوس سازەكانی ناوە، ئەو هەنگاوانەی كە ئومێدە ببنە سەرەتای وەرچەرخان لەمێژوی دەستاودەستی ئاشتیانەی دەستەڵات، لای حزبە كوردیەكان، بەڵام ئەوەی جێی پرسیارو سەرسوڕمان‌و نیگەرانیە بۆ لەم خاڵانەدا پەیوە ست نابێ‌‌و یاسا جێبەجێ ناكات ! تامانگی گۆنگرەی ببێتە چواردە، لەكاتێكدا لەشكرێ‌ لە خەڵكی بەئەزمون‌و پسپۆڕی هەیە لە هەڵبژاردندا، نازانم ماڵی پڕ لە ڕازیانە چیەتی لە دەردی دڵ.

am