بریتانیا و ئێکەتیا ئەوروپا ، پشتی تەلاقدانێ

پشتی خەلکێ بریتانیا دەنگ دای د بەرژەوەندیا دەرکەفتنا بریتانیا ژ ئێکەتیا ئەوروپا دا ئێدێ بریتانیا و ئەوروپا ب گشتی بەرەف چارەنفیسەکێ نە دیار چوو، چونکی پشتی ئەنجامێ راپرسیێ ھاتیە راگەھاندن چەندین پرسیار دھێنە کرن و ژوان پرسیاران ئەرێ چارەنڤیسێ وان ئەوروپیا چلێ ھێت ئەفێن ئاکنجی ل بریتانیا ؟ چارەنڤیسێ وان بریتانیێت ئاکنجی ل ئەوروپا دێ چ لێ ھێت ؟ ئەرێ دێ ئازادیا ھاتن و چونێ دنافبەرا ئەوروپا و بریتانیا چ لێ ھێت ؟ ئەرێ دێ رەوشا ئابوری چ لێ ھێت پشتی جودابونێ ؟ ئەرێ دێ بریتانیا مینتە د چارچوڤێ دەڤەرا ئابوری یا ئەوروپا دا یان دێ ژ چارچوڤێ دەڤەرا ئابوریا ئەوروپا ژی دەرکەڤیت ؟ چونکی ئەگەر ژ چارچوڤێ ڤێ دەڤەرێ ژی دەرکەفت دڤێت کا چاوا بریتانیا سەرەدەریێ دگەل چینێ و کندا دکەت د بوارێ ئابوری دا وەسا سەرەدەریێ دگەل دەولەتێت ئەوروپی ژی بکەتن ، ئەرێ دێ پاسپورتا بریتانیا چ گوھرین سەردا ھێنە کرن ؟ ئەرێ دێ چارەنڤیسێ نافخویا بەریتانیا چبیت ؟ ئەرێ دێ بەرەف ژێکڤەبونێ چیت ؟ چونکی پشتی ئەنجامێ راپرسیێ ھاتیە راگەھاندن سەروک وەزیرێ سکوتلەندا داخویانیەک دا و گوت ئەم دبینین کو چارەنڤیسێ سکوتلندا یێ دگەل ئێکەتیا ئەوروپا و ئەڤە دبیتە بەلگە ژ بو ھندێ دووبارە سکوتلندا راپرسیێ بکەت ژبو سەربەخوبونێ ، یان ژی دێ بریتانیا جاران زڤریتە ڤە و دبیتە دەولەتا زلھیز یا ئێکێ ل جیھانێ ؟ چونکی جاران بریتانیا ئەو ئیمپراتوریەتە بو کو روژ لێ ئاڤا نەدبوو بەلێ پشتی سالا ١٩٧٠ روولێ بریتانیا ل سەر ئاستێ جیھانی ب شێوەکێ بەرچاف ھاتیە خارێ.

ھەروەسا بشتی ئەنجامێ رابرسیێ ھاتیە راگەھاندن دێ ماددا ٥٠ ژ پەیمانا لشبونا کەفیتە کاری کو دبێژیت (رێکارێن دەرکەفتنا ھەر دەولەتەکێ ژ ئێکەتیا ئەوروپا ژلایێ ئەندامێن ئێکەتیا ئەوروپا ڤە دھێنە دیارکرن و دەست نیشانکرن بێ کو دەولەتا داخازا جودابونێ دکەت بەشداریێ د دەنگ دانێ دا بکەت ) ل گورەی ڤێ ماددێ دێ دەرکەفتنا بریتانیا ژ ئێکەتیا ئەوروپا ب زەحمەت ئێخیت چونکی فرنسا و ئەلمانیا ب ھەمی رەنگا دژی دەرکەفتنا بریتانیا نە ژ ئێکەتیا ئەوروپا دا وئەڤە وەسا دیارکەت کو ریکارێن دەرکەفتنا بریتانیا ژ ئیکەتیا ئەوروپا یا ب سانەھی نابیت و دبیت ئەف رەوشا ئالوزا ئەوروپا و دانوستاندنێت دەرکەفتنا بریتانیا ژ ئێکەتیا ئەوروپا تا دوو سالێن دی بەردوام بن و پێشبینی دکەم دەولەتێت ئەوروپی رازیببن ل سەردەرکەفتنا بریتانیا ژ ئێکەتیا ئەوروپا بەلێ بریتانیا ھەر بھێلنە د چارچوڤێ دەڤەرا ئابوریا ئەوروپا دا ھەروەکی وەلاتێ نەرویج کو نەرویج ئەندام نینە د ئێکەتیا ئەوروپا دا بەلێ یا د چارچوڤێ دەڤەرا ئابوری یا ئەوروپا دا.