بەرێز سەرۆكی حكومەت ئایا ئەزانیت ؟


وادیارە ئاشكرایە لای هەموان كاری راوێژكاری كارێكی هەستیارو گرنگە بە تایبەتی بۆ پلە باڵاكان كاگێری لەهەر وڵاتێكدا پێشكەوتوو بێت یان دواكەوتوو بەڵام من پێم وایە بۆ وڵاتانی تازەپێگەیشتوو زیاتر گرنگە چونكە سیستمی بەها كارگێریەكان لەم وڵاتانە زۆرلاوازە وناتوانێت سستماتیكی كارەكان بڕوات بەرێوە وەك دەوڵەتە پێشكەوتوەكان ، بۆیە لەم سۆنگەیەوە لای خۆشمان لە بەرزترین یەكەی كارگێریەوە ( سەرۆكی وڵات) تا بچوكترین یەكەی بەرێوەبردن چەندین راوێژكاروموستەشارو كەسی بەناو پسپۆریان بۆخۆیان داناوە نەبا لە بریارێكدا بە هەڵەدا بچن و زەرەرێك لە هاوڵاتیان و داهاتی ئەم وڵاتە بدەن .وادیارە ئەم بەرێزانەش (راوێژكاروو) وەك خەمێك بۆ كارەكانیان شەو ئەخەنە سەر رۆژ بۆ كۆكردنەوەی زانیاریەكان وشیكاروهەڵسەنگاندنی پێشهاتە نوێیەكان ... بۆیە ئەمەش وای كردوە سەرجەم پێداویستیەكانیان بۆ فەراهەم كراوە تابیر لە بژێوی ژیان وبازرگانی ناكەنەوە وەك ئەوانی تر ، بۆیە ئەمانیش لەئاستێكی زۆر معرفی باڵادا بەچاوی باتنی وعەقڵی باتنی تێ ئەرواننە ‌حەدەس و روداوەكان بەشێوەیەك زوبدەی بابەتەكە ئەخەنە بەردەستی بەرپرسەكانیان، بە هۆی عومقی مەعرفی ئەم راپۆرتانە بەرپرسەكان نەك لێ حەڵی نابن باڵكو پێویستی بە چاند كۆرسێك ئەبێت بۆ لێ حاڵی بوون بەرئەنجام ئەم ئەرك و مانوو بوونە لە دۆڵێك و بەرپرسە كارگێرێكانیش لە دۆڵیكی تر .... دواتر ئەو بریارانەی كە ئەدرێت بۆ ساتێكێش لە گەڵ ئەرزی واقعدا نایەتەوە. پرسیار ئەكەین تۆ بڵێت ئێمەش لە هەرێمی كوردستان توشی ئەم دەردە بووبێتین !!!! بۆیە ئەپرسین ئایا سەرۆكی حكومەت ئەزانی لەوەتەی بریاری پەرلەمەن ستۆپت و پاشەكەوت كردنی مووچەت دەركردوە پاش راوێژكردن بە رەوێژكارەكانت كۆمەڵێك كێشە چارەسەر بووە كە لە باشترین حاڵەتی حكومەتدا بۆی چارەسەر نە ئەكرا:
1- ئەم هەموو دانیشتنە زۆرەی پەرلەمەن باس و خواسی كێشەی خەڵكی لەكاتێكا خەڵكی هیچ كێشەی نەبوو، بەتایبەتی كێشەی شای و زەماوەندەكەی پەرلەمان وشەرە قسەو شەرە بتڵی ئاوو ..... هەمووی چارەسەر بوو.
2- كێشەی ئەو هەموو سەردانە زۆرەی هاوڵاتیان بۆ دەزگا حكومیەكان زۆرجار بەبی هۆ كە ئەبوە هۆی مانوو كردنی فەرمانبەران وهاوڵاتیان خۆشیان بە سەرەگرتن و... تا ئەچونە ژورەوە دواتر پرسگەش بەیەك قسە هەمویانی بێ ئومێد ئەكردوو ئەیوت برۆن سبەی بێنەوە ئەمرۆ دانیشتنی هەیە ، وادیارە پرسگەكانیش پاش ئەزمونێكی زۆر بۆیان دەركەوت قسە لەمە باشتر نیە بۆ پاڵنانی هاوڵتیان .
3- كێشەی مانوو بونی هاوڵاتیان كە بە درێژایی مانگ لەدەوری بانكەكان بوون بۆ وەرگرتنی مووچەو سەرقاڵ بونی خەڵكی بەژماردنی و خەمی هەڵگرتنی و چۆنیەتی خەرج كردنی و.. وەك وتویانە پارە ئەگەرنەیخۆیت سەرت ئەخوات .
4- كیشەیەكی گەورەی خێزانەكان كە ئەویش كەمی ئامادەبوونی هاوسەرەكان بوو بەهۆی زۆری دەواموو سەرقاڵیان بە ئیش وكارەوە ئەمەش چارەسەر بوو بەهۆی كەمبوونەوی دەوامی فەرمان بەران بۆ دوو رۆژ لەهەفتەیەكدا كەئەكاتە ٢٤كاتژمێر لە مانگێكدا ئەمەش داهێنانێكی گەورە بوو لەم بوارەدا ئێستا بە ئەوپەری خۆشیەوە ماڵ و منداڵەكان پێكەوە كۆ ئەبنەوە بەبێ ئەوەی پێیان دەرگای ماڵەكانیان ببەزێنێت چونكە هەردەرچونیك ئەركو مەسروفی خۆی هەیە.

5- ئایا ئەزانی ئیستا هاوڵاتیان وەك جاران دەستیان بەرز ناكەنەوە بۆ ئاسمان .... ئەگەر بەرزیشی بكەنەوە ئەوە بۆ ژێرو ژوور بوونی ئەو بارو دۆخەیە چونكە لەوە زیاتر نایانەوێت.... هەر وەك ئەڵێن خەڵكی لە ئەوروپا خۆیان ئەكوژن تا تامی مردنیش بچێژن جونكە هیچ شتێك ناماوە فەراهەم نەبێت بۆیان.
6- ئایا ئەزانیت هاوڵاتیان لە پاردا ئەژین نەك خۆزگەكانیاندا ئەمەش دەسكەوتێكی گەورەیە .
7- ئایا ئەزانیت ئێستا هاوڵاتیان هێندە سەرقاڵی میدیاو هەواڵەكان نین تابزانن حكومەت خەریكی چیە ، چونكە حكومەت بوە بە قۆناغیكی مێژویی و تێپەریوە ، ئێستا لە قۆناغی راگوزەرداین بۆ پۆست حكومەت. هەروەها خەڵكی ئەیانەوێت بزانن میدیا حزبیەكان بۆ چارێك هەواڵكی راست پەخش ئەكەن .
8- ئایا ئەزانی بازرگان و دوكاندارەكان سەرسام و دڵخۆشن بە بریاری پێشوازی لە عەرەبەكانی ناوەراست و خوارو بەتیبەتی پاش ئەوەی كە پارێزگای سلێمانی بریاری تاپۆ كردنی زەویو زاری دا بۆیان بەبی هیج مەرجێك ، چونكە خۆ ئەگەر ئەم عەرەبانە نەبن ئەبێ دوكانەكانیان دابخەن وبچنە ماڵەوە واز لە كەسابەت بهێنن و سەرجەم پرۆژەی بەرپرسە باڵاكانی حكومەت رائەوەستێت میللەت ماڵ كاول ئەبێت !! .
9- ئایا ئەزانی ئەگەر مامۆستا بچرپێنێت بەگوێی ئەو نەوەی لەبەردەستیدایە ئەوا تەخت و بەختی ئەو دەستەڵاتەی كەدەستی خستۆتە بینی خەڵكی لەداهاتودا نغرۆ ئەبێت .
10- ئایا ئەزانی خەڵكی وشەی ئاشتی ئاشتەواییان لا ناشیرین و سوك رسوا بووە بەهۆی ئەو نەهامەتیانەی ئاشتی بەسەریاندا هێناویەتی و ئێوەش بەسەر ئاشتی ئاشتەوایتاندا هێناوە.
11- ئایا ئەزانی لەسایەی ئەم بریارانەدا رەمزە نیشتمانی و نەتەوەیی ئاینی و حزبێكان سووك ورسوا بوون شتێك نەماوە بەناوی سەرۆك و مامۆستاو باوك و دایكو بەرپرس.
12- ئایا ئەزانی ریفراندوم وپرسی سەربەخۆیی لای هاوڵاتیان وەك جۆرێك لە گاڵتە جاری یاری كردن بە ئەقڵی خەڵكی سەیر ئەكرێت چونكە پرۆژیەك لەم شێوە لەسایەی پەكخستنی دەزگا شەرعیەكان و پەرتەوازەیی ناوماڵی كورد تاودانی دەزگاكانی راگەیاندن لە دژی یەكتری جگە لە موزایەدەیەكی سیاسی هیچی تر ناگەیەنێت.
13- ئایا ئەزانیت ئەو كەلێنە گەورەی لە نێوان سەركردایەتی كوردوخەڵكدا دروست بووە هیچ مانایەكی نەهێشتۆتەوە كەشایەنی ئەوە بێت هەنگاوی گەورە بنێت و خەڵكیش بەشوێنی دا بێت.
لە كۆتییدا ئەڵێم باش وایە ئەم فەوجە لە راوێژكارو ووو لا بەرن خۆتان دابەزنە ناو جەماوەرو خەڵكی رەشو روتی ئەم هەرێمە بەچاوی خۆتان و بەگوێی خۆتان راستیەكان ببینن ،ببیستن و بارودۆخەكە هەڵسەنگێنن باشترە پێش ئەوەی كەشتێكە غەرق بێت.