مالكی و چاڤێن كوردا

بەری سەدام حسێنێ دكتاتور بكەڤیت پرانیا سەركردێن ئەڤرو حوكمی ل بەغدا دكەن ب رەش و رووتی ل چیایێن كوردستانێ بون و ب هەمی رەنگەكێ خزمەتا وان دهاتە كرن بێ جوداهی,بەلێ پشتی سالا2003 و كەفتنا رژێما بەغدا و هاتنا هندەك سەروچاڤێن دی بەلێ هەمان هزر و ئایدولوجیایا سیاسی و نەتەوەی و مەزهەبی ل سەری دا هەبوو ژ وانا ژی نوری مالكی بو ئەوێ بو دەمێ (8)سالا حوكم ل عیراقێ كری ل سالا(2006 - 2014). ژڤێرێ من دڤێت هندەك كارێن مالكی بەرامبەر كوردان بەحس بكەم ئەگەر دلسوزیە خوێنەر دشێن بریارێ ل سەر بدەن.ئایا ئەڤی زاتی چ دڤێت ل سەرەدانا خو؟ چ پێ دئێتە كرن؟ ئەرێ مانە بەس ئەم مالكی ناسین كو ئێك بویە ل ئەگەرێن ڤێ قەیرانا ئەم تێدا چ نەمایە نقوبین؟
ددەمێ دەسەلاتداریا مالكی دا عیراقێ ب گشتی و كوردستانێ ب تایبەتی هەڤركی دگەل پێكولێن كودەتایانەیێن مالكی هەبوون.مالكی دەستپێكێ كو جێ پێ خوكری ب دروستكرنا هێزێن دیجلە و گەف كرن ب هێرش كرنە سەركوردستانێ و كێمكرنا دەسەلاتا كوردی ل دەڤەرێن ماددێ (140) و دژاتی كرنا جێ بەجێكرنا ڤی ماددێ دەستوری هەرچەندە كێم كورتی ل ئالیێ كوردستانیی ژی هەبن لێ‌ مالكی ئەگەرەكێ سەرەكی بوو.هەروەسا هەر مالكی بوو دەمێ ب كێم كرنا روولێ كوردا دسوپایێ عیراقێ دا رابوو و چەندین سەركردە گورین و كەسێن عەرەب ئێنانە جهێ وان تایبەت ل كەركوكێ و دەڤەرێن ئاریشە ل سەر.و ب ڤێ چەندێ مالكی نەراوەستا بەلكو ب كومكرنا دەسەلاتا ددەستێ خوو نڤیسینگەها خو رابو و و و هەتا وەزیرێن كورد ل هندەك دەسەلاتا هاتبونە بێ بەش كرن و سەرەدەریەكا نە گونجای ل گەل دكر و ب ڤان دەسەلاتا نەراوەستا بەلكو ب دەسەلاتا سەروك كومار و یاسایی و پەرلەمانی و ئابوری زێدەتر ژی بكار دئینان بو دروستكرنا دەولەتا قائیدی و ئێك حزبی.مالكی ب هەمی شێوازەكێ دژی هەڤركیێن خویێن سیاسی دراوەستا ب پارە و چەك و گرتن و هەتا كوشتن و دەركرن و ل سەر بنەمایێ مەزهەبی كار دكر دگەل كوردا و سوننا و یا كوردا ب نەتەوەیی ژی بوو كو دبوو دەبل و ئەڤ چەندە نەما بەس ل سەر كاغەزا بەلكو ب بریارەكا تاك ئالی و نەیا چاڤەرێكری و كونەبوویە ل دیروكێ دا حكومەتەك قوتێ خەلكێ خو ببریت بوهندێ دەستبەردارێ مافێن نەتەوی و خوینا شەهیدا ببیت بەلێ مالكی ب هەمی هێز ڤە دگوت فلس بو هەرێمێ ناهێتە هنارتن هەتا سیاسەتا سەنترالیزمێ نەبیتە مەزهەبێ عیراقا عەزیم ل زاخو هەتا فاوو! ب مخابنی ئەڤە ئەڤ بریارە بیە ئەگەرێ سەرهلدانا قەیرانەكا مەزن یا ئابوری كو ل سالا1929ز ل چ جهان رینەدایە.دەولەتدمەدار مالكی بو كو ل مەزنترین پوستدا بوو كو دڤیا ب عدالەت و وەك ئێك دەست ل ئاریشا هاتبا سەحكرن رابوو ب گەف كرنا(الدم بالدم) دژی وی ئەفسەرێ كورد كو ب ب كوشتنا كەسەكێ عەرەب رابوی هەرچەندە ئەز دگەل كوشتنا چ كەسەكێ نیمە لێ تشتێ تێتە شروڤەكرن ئەوە كو مالكی عدالەت نەكر و ب سیستەمێ جاهلی گەف كر.ملكی دژاتیا سوننا كر هەتا سەر هێستكی و رابو ب داعشكرنا! سوننا ئەو ژی پشتی كوشتنا خونیشاندەرا و پشتگوه هاڤێتنا وان و دەركرنا سەركردێن وان و بێ بەش كرن ل مافێن سادە یێن ژیانێ.دەولەتمەدار مالكی رابو ب ئاڤاكرنا سوپایەكێ جەلادی كو هەمی پەیڤەكێ بێژن ئەو ژی فیداك یا مالكی و ب دەهان ملیار دولار ل سوپایی دا لێ داویێ ب سێ سەعەتا سێ ل سەر چارا عیراقێ ب كرێترین شێواز ب ریس و پێخاس رەڤین و كورد لێ بونە خودان ئەگەر نە دا ب هزاران هێنە ئەسیر كرن وەكی سپایكەر!پشتی ڤان هەمی كارا و زێدەتر ژی مالكی هاتە هایداركرن ژلایێ سەركرداتیا كوردی و هەتا وەلاتێن دەڤەرێ و نێڤ دەولەتی ژی بەلێ كابرا ل سەر یا خو بەردەوام بو هەتا ب هەمی شێوازەكێ كار هاتە كرن و ل سەر كورسیكێ هاتە لادان بەلێ ئەڤ لادانە نەبیە ئەگەرێ دیركەفتنا مالكی ل گورەپانا سیاسی و عسكری یا عیراقی و ل سەركارێن خو یێت دژاتیا كوردا بەردەوا بوو.
ل روژا18یولیو ا2016 ب سەرەدانەكێ گەهشتە سلێمانیی ئەو باژێرێ مالكی ب بیینا قوتێ خەلكێ وێ رابویە.مالكی ئەڤ سەرەدانە بو پیروزكرنا رێكەفتنا ناڤبەرا(ئێكەتی - گوران) تەرخانكربو بەلێ ئەڤ رێكەفتنە ل بەژنا مالكی مەزنترە ژبەركو ناڤەروكا ڤێ رێكەفتنێ ل گەل سەربەخویا كوردستانێ یە و كومالكی جوملەتەن و تەفسیلەن رەدكەت.بەلێ ئەڤ هاتنە بو كویرتركرنا ئاریشێن ناڤبەرا ئالیێن سیاسیێن هەرێمێ یە كو هیڤیا مە ئەوە نەهێلن ژ كەسەك نەمالكی و نە یێندیتر ب رولێ بەكویاتیێ رابن ل ناڤبەرا واندا.هاتنا مالكی بو هندێ یە جارەكا دی ببیتە پشتەڤانیا كوردان ب دەست بینیت و دا كو ب وان پلانا تمام بكەت و جێ بەجێ بكەت ئەوێن نەشیای جێ بەجێ بكەت.
داویێ فەرە ئاماژە ب هندێ ب هێتەدان كو پێتڤیە هەمی ئالیێن سیاسی بزانن مالكی بو وان ئاریشا چارەسەر ناكەت چونكی ئەگەر تێكدان بیت كابرا پسپورە تێدا.خالەكا دی بو هەمی لایەنێن سیاسی پێتڤیە كو باش بزانن خەلك هەمی چاڤدێرە ل سەر پێنگاڤێن وان و زێدەتر چی دەمی نادەت ب درێژكرنا ئاریشێن حزبی و كاریگەریا خراب ل سەر ئاستێ پرێسگرێكێن نەتەوی ژی بكەت.