ژبادینان بوعەبدولڕەزاق شەریفی" بوێربە ئێک شەڤ ل بادینان بنڤە.

عەبدولرەزاق شەریف بەرپرسێ مێدیا بزاڤا گوڕان گوتارەک ل ژێر ناڤێ (پیرى ئاخر شەڕ ) د ڕوژناما ئاوێنە ژ مارە(539) نڤیسیە و دمالپەرێ ئاوێنە ژی بەلاڤکریە ، تێدا بەحس ل فواد حوسێنی و بزاڤێن وی دکت  دسەرەدانا لایەنێن سیاسی دا ، د بەشەکا گوتارا خوەدا یەکگرتو وەکو لقا بادینان پارتی  پێناسەکریە.

نزانم لسەر چ پیڤەر عەبدولرەزاق شەریفی ئەڤەگوتیە ، من دڤێت بێژم کاک عەبدولرەزاقی ئەودەما کادرو ئەندامێن یەکگرتو ل بادینان دهاتنەگرتن،زیندانکرن،بریندارکرن،دەست درێژی لسەروان دهاتکرن ، دهاتنە سوتن، کوشتن وزیندانکرن  لسەردەستێ پارتی تولکیڤەبیێ، ل بیراتەناهێت؟ دبت تو ل خزمەتا هندەک دزوگەندەلا دابیێ و تەپێکێن شەرابێ بو دادگرتن، تو لبن چەنگێ وان مەزن دبیێ  لەوا تە هاش ئازارێن وان نەدبی، گەرتە ب لقەکا پارتی ناڤ نەدکرن.

ئەو دەما ئاگر لسەرسەرێ یەکگرتو ل بادینان دباری و ئاسن لسەر لاشێ نازکێ وان دهاتە حەلاندن ، دهاتنە بێ بارکرن ژ ژیانێ ، روژانە دهاتنە گورکرن، سەرا کورسیا ئەڤرو تو پێ نانێ خوە دخوی و گوتارا لسەر دنڤیسی، تو لکیڤەبیێ ، مانە تە دەست بو فیرعەونا دقوتان و تە لژێر سیبەرا زک مەزنان نانێ عەبدینێ دخوار.

گەر یەکگرتو لقەکا پارتی با بو چیمەزنە زەلامێن وێ ل بادینان هاتە شەهیدکرن ؟بوچی رێبەرێن وی ل زاخو دخوینێ هاتنە گەڤاستن؟گەنجێن وێ دهاتنە گولەبارانکرن؟

  یەکگرتو هەمی ئەڤ تەحەدایە کرینە ، بەس نابێژی تە و بزاڤا تە بوچی خوە ل بادینان نەگرت، بوچی هەر ڕوژ هەڤسەنگەرێن تە چەپەرێن خوە دگوهرن و دچنە بن رەحما پارتی و تەحەمولا هەرەشا لسەرژیانا خوەناکن، تەجارەکێ ژی ئەڤ پسیارە ژخوەکریە  ؟ بوچی تانوکە تە وێرەکیا هندێ نینە  بهێ بتنێ چایەکی ل بادینان ڤەخوی نەک چالاکیێن سیاسی بکی.

کاک عەبدولرزاق  لسەرێ گری نەقەبە و کەرەمکە وەرە بادینان دابزانین تو چ زەلامەکی ،دێ شێ بتنێ ئێک شەڤێ ژی ژ ترسا ل بادینان نڤی، کەرەمکە ل بادینان کومێنتەکێ بتنێ ژی لسەر پارتی بنڤیسە ،یان ژی لێدوانەکێ بتنێ ژ بو مێدیا خوە یان دەزگەهەکێ نەپارتی بدە، گەر تەئەڤە کر پاشی کەرەمکە گوتارا بنڤیسیە وشکەستنا خوە و بزاڤا خوە بکە دستویی یەکگرتو دا ، ئەو پارتا تە و سەرکردایەتیا تە وێرەکیا وێ نەبی دەما مەکویا بادینان ڤەکری کو مەزنترین ئورگانا بزاڤاتەیە ل رێ و ڕەسمان بو چەند چرکان  ژترسا پارتی ئامادەنەبین.

 ڤێجا یا یەکگرتو ل بادینان ب  روژەکێ دکت، تو ب هەمی دیروکا خوە نەشێ ل جهی یەکگرتوو نەک چالاکیان بکی بەلکو دوعا ژی بکی.لەوا وەکو هەلەدنی گوتی مالاتە شویشەبیت بەرا د مالێن خەلکێ  وەرنەکە، چنکی بومالاتە گەلەک خرابە.