وتارەكەی ئەمیندار دید‌و سیاسەتی یەكگرتوو


ڕاوێژكاری سیاسی ئەمینداری گشتی

ئەوەی كە سەرنجی دابێت دەبینیت كە لەو وتارەدا جەنابی ئەمیندار لە كۆنگرەی حەوتەمی یەكگرتووی خوشكاندا، دوێنێ پێشكەشی كرد،جیاواز لە تەقلیدی یەكگرتوو باسی لە بارودۆخەكە كرد، ئەویش بۆ گونجان لەگەڵ یا بەرزبونەوە بۆ ئاست ئەو ناهەموارییە بەسەر گەلی كوردستاندا تێدەپەڕێت، سەختی‌و ناڕەحەتییەكە زیاتر دەخوازێت دەستەواژەی جەرگبڕی دەوێت، ئەگەر ئەو كەرت بونەی بەسەر گەلدا هاتووە نەبوایە، بەڵام بۆ ئەوەی ئەو نا تەباییەی كە كوردستان تیایدا (دەكوڵێت) خراپتر نەبێت، ئەو سەقفەی گرتە خۆ...


1-كاتێك جەنابیان دەڵێن كە یەكگرتوو بەقەدەر ئەو بەشدارییەی لە حكومەتدا هەیەتی بەشداری ئەو قەیرانانەیە‌و هاوبەشی ئەو تۆز‌و خۆڵەیە دەكرێتە چاوی خەڵَك، ئەمە لەگەڵ ئازایەتیدا بەڵام لەهەمان كاتدا بیرخستنەوەیەكە بۆ ئەو بەلاغەی كە لە دوو حەفتەی ڕابوردوو سەركردایەتی دەریكرد – كە لەو كاتەدا تیشكی پێویستی نەخرایە سەر-، تیایدا هاتبوو كە ئەگەر قەیرانەكان بەتایبەت موچە چاك نەبوو ئەوە یەكگرتوو وەك حزبێكی كوردستانی چاو بەهەڵوێستی خۆیدا بخشێنێتەوە تا ئاستی كشانەوە لە حكومەت، وە وەزیرەكان بەسوپاسەوە ئامادەیی تەواویان دەربڕیوە بۆ جێبەجێكردنی سیاسەتی حزب، چونكە لە مەنهەجی یەكگرتوودا نییە بەشداریكردنی تاوانی خۆڵ كردنە چاوی هاوڵاتیان‌و خەڵەتاندنییان، جا ئەگەر بونی لە حكومەت تەنها بۆ خۆل لەچاوكردن بێت، ئەوە بەحوكمی بنەماكانی كەلەسەری دامەزراوە دەبێت لەو تاوانە خۆی دوربگرێت‌و خۆی ئەستۆی خۆی پاك بكاتەوە، ئەمەش بە پێچەوانەی لێدوانێكی كاك جەعفەر ئیمینیكی لە ڕۆژنامەی ڕوداودا تیایدا دەڵێت یەكگرتوو ئەو تەهدیدەی كردی دەیەوێت زیاتر دەنگی بیستراو بێت لای پارتی‌و شایستەی زیاترن..ئەگەر بۆ پۆستی زیاتر بوایە وەك بەڕێزییان ئاماژەی بۆ كرد، وەزارەتی كارەبا تەسلیم نەدەكرایەوە..


3- بڕگەیەكی قسەكانی م.صلاح الدین، ڕو بە سەركردەكانی كوردستان بوو، كە نابێت سەركردە بەرژەوەندی میللەت بكات بە قوربانی حەزو ئارەزووەكانی خۆی، ئەگەر لە حاڵەتێكی دەرونی نا تەندروستدا بڕیارێكی ( سەقەت) دراوە، وە ئێستا بەرژەوەندی گەل بە ئاراستەی پێچەوانەی ئەو بڕیارەیە، ئەوە ئەركی سەركردەیە بە حوكمی بەرپرسیارێتی ئەو بڕیارەی خۆی ژێرپێ بخات‌و، وەك سەركردەیەكی دڵسۆز هەڵوێست لە ڕوداوەكانی ڕابورودوو بگرێت، چارەسەركردنی ئەم بارودۆخە بڕیاری سەركردانەی دەوێت، بڕیاری مەردانەی دەوێت، ئیش بە قینكردن‌و مانگرتن ناوچاو گرژكردن ناڕوات، عەقڵەكان دەبێت بۆ چارەسەر بگەڕێن، نەك تەنها بۆ شكاندنی ئەویتر لە بڕیارە ( سەقەت)ەكان پاشگەز نەبینەوە، ئەوە هەڵەیە دەرهەق بە میللەت‌و مێژوو دەكرێت..كەسایەتی سەركردە لە خوێندنەوەی بورژەوەندی جەماوەرەوە دێت‌و ڕێژەی خۆشەویستی‌و خۆنەویستی، نەك بە ڕاكێشانی قەیرانەكانی مێژوو تەحەكوم كردنییان بە عەقڵەكانی ئێستادا..


4- زۆر كەس دەڵێت، هەر لایەكیش بۆ خۆیەتی، كە بۆچی یەكگرتوو خۆی یەكلای ناكاتەوە یان ڕاستییەكان نادركێنێ‌، كاتێك ئەمینداری گشتی لە وەڵامی ئەو دەنگانەدەداتەوە، ووتی ئەگەر ڕاستییەكان بڵێین ئەوە كەس لێی بەری نابێت‌و ئەوەندە تاڵن بەرگەی ناگرن، بەڵگەیە لەسەر ئەوەی كە هەموو تاوانبارن، نابێت خۆم فریشتە بم‌و ئەوانیتر شەیتان، كەسیش لە شەیتانەوە بەشەو‌و ڕۆژێك نابێت بە فریشتە، واتە سیاسەت‌و دیدی یەكگرتوو هیچكام لەوانەی كە جەمسەرەكان لە یەكتر دور دەخەنەوە قبوڵ ناكات‌و، بۆ ئەوە ناشێن یەكگرتوو بداتە پاڵیان، ڕەوا نییە لەگەڵ یەكێكیان ڕێك بكەویت دژ بەئەویدی، چونكە هیچلایەك ئەو كەڵكەی نییە خۆتی بۆ ساغ بكەیتەوە، لەهەمان كاتدا كاتێك كە یەكگرتوو بەو شكلە ئاخاوتن دەكات، واتە هیچ لایەك وا نەزانێت وتاری ڕەخنەییانەی یەكگرتوو ڕو لەئەو ناكات‌و دژ بە بەرامبەرەكەیەتی، بەڵكو ئەو قسە ڕەخنەییانە ڕو لەتۆش دەكات... تاوان دەرهەق بە خواستەكانی گەل بڵاوبۆتەوە بەسەر كۆی حزبە سیاسییەكانی ناو حكومەتدا، هەرلاو بەڕێژەی بەشداریی لە بەڕێوەبردن‌و كاروبارەكاندا...