ئەڤ گێژەلوكا كو روژهەلاتا ناڤین كەفتیە تێدا كو مەزندەیا كار و كارڤەدان و سەروبەرێن سەرسورهێنەر و جودا جودا لێ دئێتە كرن,ژ بەر شەرێ داعشێ و ئاریشا سوریایێ و دەست وەردانا روسی و ئەمریكی ژ ئالیەكێ و شیعی و سوننی ژ ئالیەك دیڤە,و بەرەف پێشچونا پرسگرێكا كورد ژ هەرچوار پارچێن كوردستان تایبەت ل باشورێ كوردستانێ.


خەونا دەهان و سەدان سالیا كورد ژ دروستكرنا كیانەكێ سەربەخو زور جار سەروبن بیە ب ئەگەر چەندین فاكتەرێن نافخویی و بیانی كو نوكە بابەت ئەو نیە ل سەر ڤێ چەندێ پاخڤین. ئەڤ دەرفەتا كو نوكە هاتە پێش ژ دیروكێ دا نموونێت وێ دكێمن.لەوما فەرە كو كارەك هەڤپشك بێتەكرن بو ڤێ مەرەمێ و پشتەڤانیا پێكولێن "سەروكێ هەرێما كوردستانێ" بێنەكرن تایبەت پشتی سەرەدانا ڤێ داویێ بو پاریس و كومبون ل گەل سەروك ئولاندی و ئەو سوزێن كو ب بارزانی هاتیە دان تایبەت ئەو گوتە كو هاتیە پشت راستكرن كو ئولاند د گەل دیاركرنا دەمێ راگەهاندنا سەربەخویا كوردستانێ یە و دێ پشتەڤان بیت بو پێكولێن بارزانی و گەلێ كورد كو ب درێژاهیا دیروكێ قوربانی دانە بو دەست ڤە ئینانا سەربەخویی و هەروەسا ئەو رولێ گرنگێ كو هێزێن پێشمەرگێ كوردستانێ گێرایی ل شەرێ دژی دەولەتا تیرورستیا داعشێ هەروەسا دوستاتیا كوردی بو هێزێن روژئاڤایی دبنە ئەگەرێ هندێ كو وەلاتێن ئەورەپی ل دژی سەربەخویا كوردستانێ نەبن.


داویێ فەرە تشتێ هەرە پێشینە ل پێشیا سەركرداتیا كوردی و ئالیێن كوردستانی مەسەلا سەربەخویێ بیت و مفا وەرگرتن ژ ڤێ دەرفەتا دیروكی یا گرنگ كو هەر دەمێ ئەڤ دەرفەتە نەهاتە ئستغلال كرن وی دەمی وەك كورد دبێژن تەر و هشك دێ ب هەڤرا بسوژن و باش و خراب یێ ب زەرەر بكەڤنە و دیروك دێ هەر كەس و ئالیەكێ دادگەه بكەت كو ل ڤان روژا دا كوردبون و سەربەخوییا كوردستانێ نەكریە كارێ خویێ پێشینە و خەم ژێ نەخاری.

هەروەسا ئالیێن كوردستانی هەمی بێ جوداهی خەودانێ ڤێ ئاخێنە و ل رابری و داهاتی دا خوەدینە و هەر ئێكێ دیف سەنگا خوە ئەرك و فەرمان ل سەر هەنە و فەرە كو هەر ئێك ژ جهێ خوە كار بكەت ئەڤ روژا كو بیە گرێ بو باب و كالێن مە بێتە ڤەكرن.