فێرکرن لبن سيبەرا دەستهەلاتا خومالی ؟

ئەگەر راستی دگەل بەرژەوەندي يا هندەکا نەگونجيت بشانازيڤە دێ بن پێکن، ژمێژوەرە دکوردەواريدا گوتيە " گەر نەزانی جاڤدە جيرانی " دەمو دەليڤە کەلەک بورين حکومەتا هەرێما کوردستانێ پشتی بورينا 25 سالێن حوکومداري يا خومالي هێشتا نەگەهشتە وێ باوەريێ کو جارەسەرييا بنەرەتی بو هەمي وان کەمو کوری و ئاريشێن هەين دهەمی سێکتەرێن ژيانێدا بتنێ گرنگيدان بکەرتێ پەروەردێ و فێرکرنێ يە هەر ژ قوناغا باخچێ ساڤايان تا دگەهت زانکوێ دڤێت لسەر سیستەمەکێ تەندورست و گونجاي دگەل ژيانا سەردەم بێت جێبەجێکرن ، وەکو ياديار بو ئەنجامدانا گەلەک کارێن خو حکومەتا هەرێمێ هەولدایە کەسانێن بسپورو شارەزا دبوارێن جودا جودا ژدەرڤەي وەلاتي بينيت بو هندەک کارێن خو ێت تايبەت جهێ داخێ يە پشتي بورينا ڤی دەمێ درێژ و دەستهەلادارييا خومالي حکومەت نەشيايە گەنجێن ڤي وەلاتي بەرهەفکەت و ببن خودان بسپوري و شارەزايەکا باش دا ئێدي پێدڤی خەلکێ ژدەرڤەي وەلاتي نەبيت بو ئەنجامدانا کارێن خو سەرەراي هەبينا جەندين زانکو و پەيمانگەها و سالانە رێژەکا مەزن ژ قوتابييا ژێ دەردکەڤن ، ئەڤرو پشکا شێری ژ وان گەنجێن بەرەو ئەوروپا ڤە دجن و وەلاتی دهێلن ئەون ێت جارەنڤێسێ وان گرێدای ڤی کەرتی ئەگەر ژی گەلەکن ، بێگومان شەرەکێ دەرونی ژ مێژە وەرە دگەل ئەڤێ تەخاهە تێتە کرن دێ بينين ئەنجامێن گەلەک ژنوکە خرابتر لسەر مللەتی لپاشەروژێ پتر دياربن ، وەسا ديارە حکومەتێ حەتا نوکە بجدي هزر دوێ جەندێدا نەکريە مفا ژسەربورا وەلاتێن پێشکەفتي دبوارێن پەروەردێ و خاندنێدا وەرگريت جارێ ئەم بەحسل سيستەمێ سوێدي ناکين کەلەک ئاخفتن لسەر هاتينە گوتن بێگومان وەکي پێتڤي مفا ژێ نەهاتيە وەرگرتن و هەروەسا ژينگەها مە ژهەمي لايەکيڤە ياديرە ژينگەها وەلاتێ سوێدێ ئەڤەژي ئاريشەيەکە ئەگەر سيستەمێ سوێدي دبنەرەدا گەلەک پێشکەفتيە دبت خەلەل ژ مەيە نەژ سيستەمی ، هەر وەسا ئەگەرەکێ دي يێ سەرەکی ژ پاشکەفتنا کەرتێ پەروەردێ و فێرکرنێ دەستنیشانکرنا وەزيرێن پەروەردێ دکابينێن حکومەتێ ێن بوريدا ئەوە دەمێ وەزير لسەر بنياتەکێ نە تەندورست و پتر کەسانێن حزبي ئەف پوستە برێڤە بريە لشينا کەسانێن ئەکاديمی و پروفيشنال و خودان بسپوری و سەربور ، بێي پلانا ئستراتيجي و نەدامەزراويکرنا ڤێ وەزارەتێ و دەست تێوەردانێن حزبی ئەگەرەکێ دي يێ پاشکەفتنا وێ يە هندەک چارا لدەمێ وەرگرتنا وەزيرەکي بو ڤێ وەزارەتێ هەمي نەخشەو بەرنامێ وەزيرێ بەري خو ڤەداينە لايەکي و ئەوا دگەل ميزاجو هزرو بيرێن وی نەگونجاي راکت سەرو شني دەسپێکەت ، نزام حەتا کەنگي دێ خو خاپينين و خو دراستيێ ناگەهينين هەمی دەما بەروڤاژی رێکا راست دهاژوين لدونيا پێشکەفتي ژمێژە وەرە بتمامی خەلک گەهشتينە وێ باوەرێێ پشتی هەمی رێک چەرباندين ژهەمی جورێن تاوانا باش زانی بتنێ رێکا پێشکەفتنێ گرنگیدانە بکەرتێ پەروەردێێ و خاندنێ یە ئەوان پشتی دیفجونو ڤەکولینێن مەزن ئەنجامداین کو مەرەم ژئێکەم پەیڤا (‌أقرأ) بو پێغەمبەری (س) هاتی خار ژ دەف خوداێێ مەزن بتنێ ئەوە دەرگەهێ سەرکەفتنێ و پێشکەفتنێ و خوشکرنا ژيانێ بو هەر وەلاتەکی، ئەوان هەر زی و بێ دودلی گرنگێن هەرە باش دان بکەرتێ پەروەردێ و فێرکرنێ حەتا ئەڤرو گەهشتین ئەڤي ئاستێ پێشکەفتنێ .