روسیا،داعشێك لەبەرگی دەوڵەت!

دیارە بەدرێژایی مێژوو بەتایبەت لە ئێستاو سەدەی رابردوودا ،هەر نەهامەتی و مەرگەساتێك بەسەر گەلانی رۆژهەڵاتی ناوەڕاستدا هاتبێ‌،ئەوە زلهێزەكان یاریكەری سەرەكی بووین لە ئیبادە و قەتڵ و عامكردنی خەڵكی بێ‌ تاوان.

یەكێك لەم زلهێزانەش روسیایە،كە بەدرێژایی سەدەی رابردوو لەسەر دەستی گەورە رابەرانی وەك لینین و ستالین، سەدەی بیستەمیان كردوە بە خوێناوی ترین چەرخ و زەمان. بەڵێ‌ لە سەدەی بیستدا شوعیەت بەهۆی شەڕ و قەتڵوعام و كۆمەڵ كوژیەكانی، زیاتر لە 250 ملیۆن كەسی كوشتوە. ئاخر شوعیەت لە یەكێتی سۆڤیەتی كۆن و چین وڤێتنام و كۆریا و كەمبۆدیا و ئەمریكای لاتینی و ئەفریقیا چی نەكرد؟! هەر كەس بیەوێ‌ لە تاوانەكانی شوعیەت تێبگات دەتوانێ‌ سەیری (كتاب الاسود) بكات و تێبگات چۆن زەریایەك خوێنی بەناحەقیان رشتوە.
ئێستاش 5 ساڵە لەبری ئەسەدی شیعە مەزهەب،روسیای شوعی بەوەكالەت شەڕی خەڵكی سڤیل و بێ‌ دیفاع و میللەتێكی بێ‌ كەس دەكات.لەم 5 ساڵەدا روسیای روسیاه ، هەر چەكێك كە بەرهەمی هێناوە لە دوای شەڕی دووەمی جیهانیەوە لە سوریا تاقیكردەوە.بەمەش هەم هەموو چەكەكانی تاقیكردوە و، هەم غەریزەی خوێن رشتنی خۆشی تێركرد و،هەم سەلماندی كە هەموو رۆژئاوا بە ئەمریكاشەوە ناتوانن سنورێك بۆ بێ‌ حورمەتیەكانی دابنێن.
بەداخەوە 5 ساڵە لە سوریا شەو و رۆژ، جگە لە دەنگی تەقە و تەقینەوە و بۆردومان و داڕوخان و ئاگر و دوكەڵ و تەپ و تۆز و فرمێسك و خوێن و، لاشەی بێ‌ سەر و سەری بێ‌ لاشەی مرۆڤ هیچی تر بەدی ناكرێ‌!!!ئەمە جگە لە ئابڵوقەی ئابوری شارەكان و برسیكردن تا ئەو ئاستەی پەنا ببرێ‌ بۆ خواردنی سەگ و پیشلە!!!
هەموو ئەوانە لەسەردەستی داعشێكە لە بەرگی دەوڵەدا كەپێی دەوترێ‌ روسیا.بەڵی 5 ساڵە روسیای شوعی بووە بە چەتر و قەڵغانی ئەسەدی شیعی،ئەرێ‌ كەس ناپرسێ‌ و بڵێ‌ ئاخۆ شیعە و شوعی چی كۆیان دەكاتەوە جگە لە مرۆڤ كوژی؟
باشە قەتڵ و عام و وێرانكای و خوێن رێژی و، ئیبادەكردن و سوكایەتی كردن بە رۆح و جەستەی مرۆڤی بێ‌ تاوان و بێ‌ دیفاع، داعش بیكات یان داعش سیفەتەكان بیكەن جیاوازیان چیە؟سەیرە یانی ئەگەر ناوت دەوڵەت بوو، ئاڵایەكت لە چایخانەی بەناو نەتەوە یەكگرتووەكان هەڵكرا،ئیتر ئەوكات قەتڵ و عامەكانت دەچنە چوارچێوەی یاسا و ئەو كات داعشێكی قانونی؟!
باشە بۆ 65 دەوڵەت خۆیان سەخڵەت كردوە و پارەی دنیا خەرج دەكەن لە شەڕی داعشدا، با ئەزیەت بكێشن بە بڕیارێك داعشیش بكەن بە دەوڵەت و پارەكەش بكەنە گیرفانی خۆیانەوە.
ئای كە قێزەونە بانێك و دوو هەوا، شەڕی داعشی بكەی و خۆشت داعش بیت!!!ئاخر داعش بۆیە بێزراوە، بۆیە گڵاوە، بۆیە قێزوەنە، بۆیە نەفرەتیە،چونكە دین و ئەخلاق و ئینسانیەت نازانێ‌ و تەڕ و وشك بەیەكەو دەسوتێنێ‌. ئیتر هەركەس وابوو هەڵگری ئەم سیفەتانە بوو ،هەزار جار باسی دیموكراسی بكات درۆ دەكات،باسی دینداری بكات درۆ دەكات،باسی مافی مرڤ بكات درۆ دەكات،باسی عەدالەت بكات درۆ دەكات،چونكە هەموو داعش سیفەتێك هەر داعشە، با ناوی دەوڵەتی روسیا و سوریا و لوبنان بێ‌،ئەوسا خراپتر لە بری گروپێكی داعشی،دەوڵەتێكی داعشی ئیبادەی خەڵكی بێ‌ تاوان دەكات.
باشە رەشەكوژیەكانی داعش و رەشەكوژیەكانی حیزبوڵڵا و حەشدی شەعبی جیاوازیان چیە؟! بەدڵنیاییەوە هیچ جیاوازیەكیان نیە، جگە لەوەی داعش بە ناوی سوننەوە خوێن دەڕێژێ‌، بەڵام حیزبوڵڵا و حەشدی شەعبی بە ناوی شیعەوە خوێنی بەناحەق دەرێژن!!!
بەداخەوە خەڵكێكی كاڵ فام لەم رۆژگارەدا، وا نیشان دەدەن كە روسەكان دۆست و پشت و پەنای كوردن و، كورد دەگەێنن بەئامانج، بێ‌ خەبەر لەوەی هەر ئەم روسانە بوون كە یەكەم ئەزموونی كوردی، پێشەوا قازیان لەناو برد و كوردیان بە دەسەڵاتدارانی ئەوسای ئێران فرۆشت.
لەوانە كەسێ‌ هەبێ‌ و بڵێ‌، ئاخر لە ئێستادا ئێمە خۆمان هەزار و یەك دەردمان هەیە،چیمان داوە لە خەڵكی سوریا. بەڵام نا ئێمە هەر برسی كراوین و ئیرادەمان زەوت كراوە. بەڵام ئەوان جەستەیان خەڵتانی خوێن بووە و، لاشەی كوژراوەكانیان لەسەر شەقامەكان هاوشێوەی سەگ و پیشلە بێ‌ نرخانە فڕێدراوە. ئای لەم بێ‌ رێزییە،ئای لەم زوڵمە،ئای ئەگەر كەسێك ئەوەندە ویژدانی مردووبێ‌ و، بەم دیمەنە جەرگ بڕانە ناخی نەسوتێ‌،ئیتر راستی دەبێ‌ گومان لە مرۆڤ بوونی خۆی بكە. هەزاران نەفرەت لە داعش و دەوڵەتە داعشەكان، كە سوكایەتی بە رۆح و جەستەی مرۆڤ دەكەن و، لە خوێن رشتنی خەڵكی بێ‌ دیفاع چێژ وەردەگرن!!!