ووڵاتێكی دەوڵەمەندو گەلێكی هەژار


ووڵاتێك لەسەر دەریایەك لەنەوت دەوڵەمەند بەسامانە سوشتیەكان ڕۆژانە بە ‌بەردەوامی پرۆسەی فرۆشتنی نەوت بەردەوامەو نرخی‌ نەوتیش تا ئەندازەیەكی باش بەرز بەرزبۆتەوە ،لەكاتێكدا بەهۆی دابەزینی نەخی نەوتەوە حكومەتی هەرێم پڕۆژەی پاشەكەوتكردنی موچەی ڕاگەیاندو لیژنەی ڕوبەڕووبونەوەی قەیرانەكانی دروستكردو بڕیاری كەمكردنەوەی خەرجیەكان و زۆر كردنی داهاتیاندا ،بەڵام بەداخەوە ئەم حكومەت و دەسەڵاتدارانە بون بەمۆتەكە بەسەر ژیانی تاك بەتاكی هاووڵاتیانی ئەم هەرێمەوە سەدان بەلێنیان دا بەڵام یەك دانەیان جێ بەجێ نەكرد . وتیان نرخی بەنزین گران ئەكەین تا لەقەیران ڕزگارمان بێت و بتوانین موچەی فەرمانبەران دابین بكەین ،نرخی بەنزینەكەیان گران كرد بەڵام نەیان توانی موچەی فەرمانبەران دابین بكەن .


وتیان داهات زیاد ئەكەین كردیان باج و غەرامەو رسوماتیان چەندان قاتكردەوەو دەستیان خستە ناوگیرفانە خاڵیەكانی هاوڵاتیانەوە تاداهاتەكان زیاد كەن بۆ نمونه ‌تەنانەت پارەی خێرۆمەندی پڕۆژە خێرخوازیەكانی هاووڵاتیانیان لە بانقەكانیشدا برد ،بەڵام نەیان توانی موچەی فەرمانبەران دابین بكەن ئەم حكومەتە بوە بە حوت هیچ خۆی بۆنگرێ ووڵاتی وێران كرد متمانەی نەهێشت ئەزمونەكە یان لەكەدار كرد هیوای گەلێكیان لەناوبرد.


ووتیان سیاسەتی سەربەخۆی ئابوری ڕائەگەیەنین پێویستیمان بەكەس نابێت ووڵات ئەكەین بەدوبەی و سندوقی داهاتی نەوتیان ڕاگەیاند بەڵام ڕاستیان كرد سیاسەتی ئابوری سەربە خۆیان كە بۆخۆیات بێت ڕاگەیاند و میللەتیان قەرزاركرد سنوقەكەش چاوی بەپارەی پاشەكەوتكراوی نەوت نەكەوت نەك سنوقی داهات نەبو ئەوەی لەناو سنوقی ماڵەكانیش دابوو نەما.


ووتیان لیژنەی ڕوبەڕوبونەوەی قەیرانەكان بڕیاری چاكسازی ئەدات بەڵام بڕیاری پاراستنی حیزبە دەسەڵاتدارەكانی داو میللەتی توشی چەندان قەیرانكرد ،موچەی بندیوارو خانەنشینە نایاساییەكان وەك خۆی مایەوە موچەی تەواویان لەكاتی دابەشكردنی موچەی مانگانەیاندا بەڵام موچەی فەرمانبەرە یاسایەكانیان وەستاند موچەی چوارمانگی ساڵی 2015 یان پێنەدراو لەساڵی 2016 دا تەنها 8هەشت چارەكە موچەیان وەرگرت كەئەكرێت بڵێن لە ماوەی یەكساڵدا تەنهاو تەنها 2دوو موچەی تەواویان وەرگرد ئەمە كارەساتی ئەو لیژنەیەبو هینایان بەسەر فەمانبەرە دڵسۆزو یاسایەكان و ئەوانەی كە بەڕەنجی خۆیان خوێندنیان تەواو كردو خزمەتی فیعلیان هەبو لەفەرمانگەكانی هەرێمی كوردوستاندا .
بەداخەوە ئەم دەسەڵاتە ژێر زەوی تاڵانكرد سەرزەوی وێرانكرد شیرازەی ماڵەكانی تێكدا دەرونەكانی شێواند متمانەی لەناخی هەموناندا نەهێشت ئەزمونی حوكمڕانی هەرێمیان بۆ ئێستاو مێژوولەكەداركرد .