دیتنەكا زانستی بۆ سێكسبازیێ‌

سرۆشتێ‌ مرۆڤی خودێ‌ ب ڕەنگەكێ‌ وەسا درستكرییە ئەو خودان دوو پێكهات بیت، ئەوژی (عەقل، شەهوەت)ن، هەر ئێك ژڤان پێكهاتان مە بەرڤ ئالیەكێ‌ ڤە دكێشیت و هندەك ڕەفتاران بمە ددەت كرن، گوهداریكرنا هەر كەسەكێ‌ بۆ عەقلی دبیت ئەوی بگەهینیتە ڕێزا فریشتەیان، هند باش و چاك بیت، چونكی وی ب هیچ ڕەنگی ئاگەه ژ خرابیێ‌ نامینیت، بەلێ‌ كەسەكێ‌ ب دویڤ شەهوەتا خوەدا بچیت، ڕەنگە بگەهیتە پلەیا ئیبلیسی و خرابیان ئەنجام بدەت، هەتاكۆ بگەهیتە پیسترین ڕەوش، و ببیتە خرابكرێ‌ ژیانێ‌ و وێرانكەرێ‌ جیهانێ‌.
خودێ‌ ب مەزنیا خوەڤە ئەم مرۆڤ یێن هایداركرین ژ شەرێ‌ شەهوەتێ‌، بتایبەت شەهوەتا سكسی، چونكی ئەڤ جۆرە دبتە ئەگەر بۆ وێرانكاریان لناڤ مللەتان و هەر مللەتەكێ‌ ئەڤ كریارە دناڤدا پەیداببیت، لوی دەمی ئەو مللەت توشی مەترسیدارترین ڕەوش دبیت، ئێدی ئەو نەشێن لهەمبەری مەترسیێن ژیانێ‌ خوە ڕاگرن، خودێ‌ ڕێگری ل وێ‌ یەكێ‌ كرییە ئەم ببینە مرۆڤێن شەهوانی و بتنێ‌ مە ئاگەهی ژ بن زكێ‌ خوە هەبیت، مە چ ئاگەهی لسەر ئاڤاكرنا مێشكێ‌ خوە نەبیت، هیچ دویڤ چوونەكێ‌ بۆ مێشكی نەكەین.
ژئالیێ‌ گەلەك كەسانڤە بانگەشا ئازادیا سێكسی دهێتە ڕاهێلان و داخازی دهێتە كرن هەر كەسەك د ڤێ‌ كریارێ‌ دا یێ‌ ئازادبیت، بلا كۆمەلگەهەكێ‌ ئاژەلی بهێتە درستكرن، نابت چ قەید وبەند هەبن و مرۆڤی گرێ‌ بدەن، بەلكۆ دڤێت ئەم ژهەمی قەید و بەندا بهێنە رزگاركرن، وەكۆ كابرایەك هاتی خوە ب پێشكەفتن خواز و مرۆڤ دۆست و مۆدرن دنیاسیت بانگەشا ڤێ‌ چەندێ‌ دكەت دەما دبێژیت: ((ئارەزویا سیكسی دیاردەیەكا سرۆشتیە و ئێكە ژ مافێن سەرەتایێن مرۆڤی نابیت بهێتە پێشێلكرن، بەلێ‌ دئیسلامێدا ئەڤ چەندە ب خرابترین گونەه هاتییە نیاسین كۆ ئەگەر مرۆڤ ب خواستا دلێ‌ خوە ئەڤێ‌ كریارێ‌ بكەت...)) كابرا بڤێ‌ ڕێكێ‌ ڕەخنێ‌ ل عەقلیەتا ئیسلامێ‌ دگریت كۆ مرۆڤێ‌ قەیدكری و نەهێلایە وەكۆ گیانەوەران ڤی كاری ئەنجام بدەت، ئەو كابرا نزانیت ب هەبوونا ڤان كریارێن گیانەوەران دێ‌ وێرانی بدویڤرا هێت، وەكۆ زانستێ‌ نوی سەلماندی، ئێك ژ حیكمەتێن مەزن خودێ‌ ڕێگری لڤێ‌ یەكێ‌ كری ئەوە داكۆ نەسەبا مرۆڤایەتیێ‌ بهێتە پاراستن، داكۆ هەر كەس بزانیت ژ كیڤە هاتییە، و كورێ‌ كێ‌ یە، وەكۆ خودێ‌ دبێژت: ((ۆهُۆ الَّژِی خَڵقَ مِنَ الْمَا‌و بَشَراً فَجَعَڵهُ نَسَباً ۆصِهْراً ۆكَانَ رَبُّكَ قَدِیراً)) الفرقان 54.
زانستێ‌ نوی لسەر كریارا سێكسبازیێ‌ و ب ڕەنگەكێ‌ بەلاڤبوونا گیانەوەرانە(هەرچەندە هەمی گیانەوەرژی وەسا نینن) بێ‌ دەنگ نەبوویە، ئەو ڤەكۆلینێن نوی ژی هاتیە پێشكێشكرن ب توندی دژی كریارا گیانەوەرانەنە دسكسی دا، سەرۆكێ‌ وەلاتێن ئەمریكی (جون كندی) لسالا (1962) ب ڕێكا ڕۆژنامە و دەزگەهێن هەوالی دیاركر (گەنجێن ئەمریكا یێن خاڤ و خرچ و ژبەرێكچووین، دناڤ دەریایا زمان پیسی و شەهوەتێ‌ دا نقوومبوونە، ژڤی ئەگەری ئەوان چ شیانەكا سەربازی نەمایە، وەكۆ بەرپرسەكێ‌ ئەمریكی ئەز هوشداریێ‌ ددم ژ هەبوونا ڤێ‌ مەترسیێ‌)، هەردیسان ڕێڤەبەرێ‌ ڤەكۆلینێن زانكۆیا (هارفارد) دناڤ كتێبا خوە یا بناڤێ‌ (كۆدەتایا سكسی)دا ئاشكرا دكەت(كۆمەلگەها ئەمریكی چاڤەرێ‌ كارەساتەكا مەزنە، ژبەر ئەگەرێ‌ پەیدابوونا بەرەلاییا سێكسی، ئەو یا بەرەڤ هەمان ئەزموونا شارستانیەتێن ڕۆمانی و یونانی دچێت، لافاوا مەترسیا سێكسی ژهەمی ئالیانڤە ئەمێن دۆرپێچكرین، و ژیانا مە یا ئێخستی دناڤ مەترسیاندا) دیسان هەر ل وەلاتێ‌ ئەمریكا و دسەردەمێ‌ دەستهەلاتا (جۆرج بۆش)ی (170) ملیۆن دۆلار بۆ قوتابخانان هاتنە مەزاختن بۆ مەرەما ڕێگری كرن لهەمبەر مەترسیا ڤی جۆرێ‌ سێكسكرنێ‌، چونكی بتنێ‌ دئێك قوتابخانەدا (13%) ژ كچێن وێ‌ دژیێ‌ (16-18) سالیێدا دووگیانبوون، دیسان (3/1) ژدایكبوویێن سالا(1983) ل باژێرێ‌ نیۆیۆرك، ئەو زارۆكێن ب ڕێكا نەشەرعی ژ دایكبووین، پتریا وانژی ژ كچێن دبن ژیێ‌ (19) سالیێدا بوون، ژمارا وان زارۆكان ژی (112353) بوون ئانكۆ دبنە (37%) كۆیا گشتی یا وان زارۆكێن ل وێ‌ دەڤەرێ‌ ژ دایكبووین.
دیسان ژ ئەمریكا بەرەڤ هەڤڕكا وێ‌ یا بەردەوامڤە كۆ ڕۆسیایە، لسالا (1962) ڕێبەرێ‌ ڕۆسی (خرۆشۆف) دانپێدان ب ڤێ‌ یەكێ‌ كر ( ڕێكخوەشكرن بۆ كریارا سێكسی، گەنجێن مە یێن توشی ژناڤچوونا ڕەوشتی و بندابوونێ‌ كرین، بڤی ڕەنگی هەرەشە یا لسەر مللەتێ‌ مە پەیداكری).
مە لپێشتر ژی ئاماژە پێكر مەرەم ژ ڕێگری كرنا ئیسلامێ‌ ژ سێكسبازیا گیانەوەرانە پاراستنا نەسەبا مرۆڤیە و ڕزگاركرنا مرۆڤاتیێ‌ یە ژڤان دەردەسەریان و وێرانیان، كابرایەكێ‌ جارەكێ‌ ژهەمی شارەزاییا خوە لدەڤ مە دگوت: ئەرێ‌ بۆچی ڕێك ب گەنجی ناهێتە دان هەردەما ئەوی ڤیا حەزێن خوە یێن سێكسی تێربكەت، ماچ خرابیەك تێدا هەیە؟! بلا یێ‌ ئازادبیت! بەلێ‌ ئەو بەرێزە نزانیت كۆ ئەڤ كارە وەلاتی بەرزە دكەت، دسەرژمێریەكا ئەمریكیدا هاتییە دیاركرن (برۆس شامبمان) د كۆنفرانسەكێ‌ ڕۆژنامەگەریدا ڕاگەهاندییە (53%) ژ خەلكێن (سان فڕانسیسكۆ) سەلت و زگوردن، هەردیسان ئەوژی گوت: ب دیتنا من ئەڤ هژمارە یا مەترسیدارە و دبیت ژیانا خێزانی ئێدی ئاسایی نەمینیت.
ل ئالیەكێ‌ دی ئەگەر باس ل وان نەساخی و ئێشان بكەین ئەوێن ب ڕێیا شەهوەتا گیانەوەرانە دهێنە ڤەگوهاستن، ئەڤرۆ هندەك هژمارێن مەزنن و بوینە مەترسیەكا مەزن لسەر جیهانێ‌ و دنوكەدا هەرچەندە پارەیەكێ‌ زۆر لێ‌ دهێتە مەزاختن، لێ‌ هێشتا چارە بۆ نەهاتییە دیتن، سالانە نێزیكی (250) ملیۆن كەسان توشی نەساخیێن (تریكۆمۆناس، كلامیدیا، سیلان، خرابوونا ئەندامێن سێكسی، ئایدز...هتد) ئەڤ هەمی نەخوشیەژی ژ ئەگەرا پەیوەندیێن نەشەرعیێن دناڤبەرا ژن و زەلاماندا پەیدادبن، ئانكۆ ئەو پەیوەندیێن گیانەوەرانە دبنە ئەگەر بۆ هەبوونا ڤان نەساخیان، دیسان لدویڤ ڕاپۆرتا ڕێكخراوا ساخلەمیا جیهانی (WHO) یا سەر ب نەتەوەیێن هەڤگرتی ڤە، ژمارا كەسێن توشبووی ب نەخوشیا (ئایدز)ێ‌ دایە دیاركرن، ژمارا توشبوویان گەهشتییە (50) ملیۆن كەسان و دبت هەتا نهاژی (16) ملیۆن كەس ژڤێ‌ ئەگەرێ‌ مرنە، و پێشبینی دهێنەكرن بۆ (10) سالێن داهاتی هژمارا وان كەسان بگەهیتە (100)ملیۆن كەسان، و ئامار ڕادگەهینن هەر (11) چركان كەسەك توشی ڤێ‌ نساخیێ‌ دبیت.
لدۆماهیێ‌ ژی من دڤێت جارەكا دی گوتنا وی كابڕایێ‌ نۆیخاز و سەردەم و خوە ب ڤەكۆلەر دزانیت دووبارە بكەم ڤە، دەما دبێژت: ((ئارەزویا سیكسی دیاردەیەكا سرۆشتیە و ئێكە ژ مافێن سەرەتایێن مرۆڤی نابیت بهێتە پێشێلكرن، بەلێ‌ دئیسلامێدا ئەڤ چەندە ب خرابترین گونەه هاتییە نیاسین كۆ ئەگەر مرۆڤ ب خواستا دلێ‌ خوە ئەڤێ‌ كریارێ‌ بكەت...)) و پاشی من دڤێت حەدیسەكا پێغەمبەرێ‌ مرۆڤاینیێ‌ ژی محەمەدی (سلاڤ لێ‌ بن) دیاربكەم بۆ هەوەیێن هێژا، دەما دبێژت: ((لم تڤهر الفاحشە فی قوم قگ حتی یعلنوا بها الا فشا فیهم الگاعون و الاوجاع التی لم تكن فی أسلافهم الژین مچوا)) ها بڤی ڕەنگیە، ئەگەر سێكسبازیا ب ڕەنگێ‌ گیانەوەرانە و هاتن و چوونا ب كەیفا خوە و سێكسكرنا لدۆیڤ سرۆشتێ‌ خوە و بێ‌ بەرچاڤگرتنا عەقلی، لوی دەمی نساخی لدویڤ نساخیان و ئاستەنگ لدویڤ ئاستەنگان بدویڤ خوەدا دئینیت.