شەهید كردنی د.هۆشیار: تەحەدایەكی دیكە لەبەردەم یەكگرتوودا

 

لە زۆربەی ئەو كۆمەلگایانەی كە كۆمەڵگای چەكدارین و حیزبی چەكدار تێدا باڵا دەستە, دروست بونی هێزێكی مەدەنی و بەردەوام بونی لەسەر كاری مەدەنی و بێ چەكداری كارێكی و قورسە و قوربانی گەورەی دەكەویتە ئەستۆ,كۆمەڵگای كوردی لە دوای راپەرینی ساڵی 1991 كۆمەڵگایەكی چەكدار بو و حیزب و پارتەكان خاوەنی هێزی تایبەت بە خۆیان بون كە لەو رێگایەوە ئەو هێزانە كێشەكانی نیوانیان یەكلای دەكردەوە,هەر لە دەرهاویشتەی ئەو دۆخەدا هێزەكان ناوچەكانەكانیان بەسەر خۆیاندا دابەش كرد و زۆنی تایبەتی خۆیان لە یەكتر جیا كردەوە .

لەو دۆخە شپرزاویەدا هێزیكی مەدەنی ئیسلامی ئیصلاحی دروست بو بە ناوی یەكگرتووی ئیسلامی كوردستان و بانگەشەی كاری مەدەنیەت و بێ چەكداری دەكرد,هێزیك كە نفوزی دروست كرد لە نیۆ زۆنی سەرجەم پارتەكاندا و وەك هێزیكی سەرتاسەری خۆی راگەیاند و خۆی تاقی كردەوە لەبەردەم دوو تەحدیی گەورەدا ئەویش پاشخانی ئیسلامیتی و كاری مەدەنیەتی بو كە دوو تەحدیی گەورە بون لەبەردەم كاری ئەم پارتەدا.

لە ماوەی 22 ساڵی كار كردنیدا, ئەم هێزە بە چەندین قۆناغ و ویستگەی هەستیاردا تێپەریوە بۆ تاقی كردنەوەی لایەنی كاری مەدەنیەتیكەی ,و هەمیشەش لایەنەكانی دێكە و بەشێك لە نوخبەی سیاسی و روشنبیری كۆمەڵگای كوردی داوای هەڵویستی نا مەدنیانەیان كردوە لەم پارتە بەو پێیەی پێان وابوە ئەم هێزە دەبێت لە چوارچیوەی واقیعێكی سیاسی تایبەتدا مامەڵە بكات وەك هێزیكی نا مەدەنی ,و داوایان لیكردوە كە كۆمەڵێ رێكاری نا مەدنیانە بگریتە بەر بۆ روبەروبونەوەی ئەو تەحدیانەی دێتە پێشی ,و هەندیك گرەویان كردوە لەسەر بەرەدەوامبونی ئەم هیزە بەم فۆرمەیەوە.

لە ئەگەری گۆرانی فۆرمی كاری یەكگرتوو بۆ هێزیكی نامەدەنی دەبێتە دوا بزماری هیوا لە تابوتی كاری مەدەنی سیاسی لە كوردستاندا,چونكە بە هۆی ئەو دۆخە سیاسیەی لە هەریمی كوردستان هاتوتە ئاراوە لە دەرهاویشتەی ئەزموونی چەند سالًەی كاری حیزبەكان و بەكارهنیانی هێز لە لایەن پارتەكانەوە دژی یەكتر لە كاتە جیاوازەكاندا ,تیروانینیك لای بەشێك لە نۆخبە سیاسیكانی هەریمی كوردستان دروست بوە سەبارەت بە مەحاڵی كاری مەدەنی لە هەریمی كوردستاندا و لەو چوراچیوەیشدا كۆمەڵی هێزی مەدەنی لە ئیستادا بەرەو بی هیوای دەرون لە كاری مەدەنیەتدا.