بە بڕیاری حكومەت، ڕێگری لە بەكارهێنانی فڵچە و مەعجونی ددانیش دەكرێت!!

 

لەماوەی دوو ساڵی ڕابردوودا و لەگەڵ (دروستكرنی قەیرانە یەك لەدوای یەكەكان!)دا، حكومەتی هەرێم بە بڕیاری سەیر و سەمەرە و شێوازی جۆراو جۆر تەنگی بە هاوڵاتیانی هەرێم هەڵچنیووە و ئەشكەنجە و ئازاریان دەدات، یەكێك لەو بڕایارانە بریتیە لە (ڕێگری كردن لە بەكارهێنانی فڵچە و مەعجونی ددان دەكرێت لە لایەن هاووڵاتیانەوە!) ڕەنگە بڵێن چۆن؟!
ئاخر بەڕێزان كاتێك لە ماڵەوە كارەبا نەبێت، غاز نەبێت، نەوت نەبێت، ئاوی بەلوعەش ڕۆژ ناڕۆژ و چەند ڕۆژ جارێك بێت، ئێ‌ حەتمەن تەنكی سەربانیش بووەتە سەهۆڵاوێكی موحتەرەم و گونجاو بۆ چلەی هاوین، ئەڵبەت ئەگەر هەندێ‌ جار نەشی بەستێت و ناچار نەبیت بچیت ئاگر بۆ تەنیكەكە بكەیتەوە یان لەبارزاڕ ئاوی كانزایی بكڕیت.
بەم حاڵەوە كێ‌ جورئەت ئەكات دەم و ددانی بشووات، ئیدی باسی سەر شۆردن و جل شۆردن هەر ناكرێت، ئیدی با بوەستێت چۆن مناڵی ساوا داشۆریت و جل و بەرگیان بگۆڕیت، باوەڕ بكەن كاتێك بەیانیان لە خەو هەڵدەسی و ئاو لە دەم و ددانت ڕادەدەیت، هەر سی و دوو ددانەت دەكەونە ئازار و ئەڵێی نەشتەریان لێ‌ دەدرێت، خۆزگە دەخوازی كە بە بێ‌ دەمووچاو شۆردن بەرچایی بەیانیان بخۆیت، ئەڵبەت ئەگەر شتێك هەبێت بیخۆیت.
خوا بتانگرێ‌ و شەرمەزاری دیوانی خوا و بەردەم ئەم هاووڵاتیانە بن دەسەڵاتدار و حوكمڕانە فاشیل و شكستخواردووەكان، یاخوا بە خۆتان و ماڵ و مناڵ و هاوكارەكانتانەوە بكەونە ناو زەجر و ئازار و تەنگژەكانی ژیانەوە، زۆر زیاتر لەوەی كە ئەم میللەتەتان تووش كردووە.
خوا زللەی غەزەب و قەهری بدات لە یەك بەیەكتان، هەموو ئەوانەتان كە ئەم حاڵەتان تووشی ئەم خەڵكە كرد.
ئێوە دەسەڵاتدار و حوكمڕانە گەندەڵ و فاشیلەكان، یەك تۆزقاڵ ویژدان و ئینسانییەت و ئەخلاقی سیاسی و نەتەوەییتان هەبوایە، ڕازی نەدەبوون بەم حاڵەی كە ئەم خەڵكەی تێدا دەژی... ئێوە ڕووی هەموو دیكتاتۆر و گەندەڵ و ویژدان مردووەكانی مێژووتان سپی كرد.