بنیات و به‌رهه‌مێن روحانیه‌تا ئیسلامی (4)

 

بلندبونا روحانیه تێ......(4)

 

هه‌روه‌كی هه‌ر لایه‌نه‌كێ دی د كه‌ساتیا مروڤی دا ئه‌گه‌ر مروڤ گرنگییه‌كا دروست و ساخله‌م ب ده‌ته‌ لایه‌نێ خو یێ روحی دێ گه‌له‌ك به‌رز و بلند بیت هه‌تا د گه‌هیته‌ ئاسته‌كی ،ره‌وشا ژیانا مروڤی هه‌میێ وه‌كی خو لێبكه‌ت.

 

* چه‌ند نموونه‌ بوو رونكرنا بابه‌تی

 

1- لایه‌نێ له‌شی :

 ئه‌گه‌ر له‌شێ مروڤی چه‌ند یێ نورمال و ئاسایی بیت و چ جارا ژی وه‌رزش نه‌ كربیت به‌لێ ب به‌رنامه‌كێ راهێنان و وه‌رزشێ دشێت بگه‌هیته‌ ئاسته‌كێ بلند د هه‌ر یاریه‌كێ دا.

 

2- لایه‌نێ مێشكی :

 گه‌له‌ك تشت یێن هه‌ین مروڤ هزر ناكه‌ت و د مێشكێ مروڤی دا نین ، به‌لێ ئه‌گه‌ر مروڤ گرنگی یێ بده‌ته‌ هه‌ر زانسته‌كی یان زمانه‌كی ، دشێت د ده‌مه‌كێ كێم دا د وێ مه‌یدانێ دا ببیته‌ ره‌وشنبیر یان زانا.

 

3- د لایه‌نێ ده‌رونی دا:

 ب سه‌دان كه‌س مه‌ یێن دیتین ب چاڤێ خوه‌ ده‌رونا وان پر ئێش و داكه‌فتی بوو به‌لێ پشتی چاره‌سه‌ریێ یێن بوینه‌ خودان ده‌رونه‌كا ته‌نا و شاد و دلخوه‌ش.

 

ئه‌ڤ نموونێن مه‌ ئاماژه‌ پێ كرین هه‌می ژبو هندێ بون دا بێینه‌ سه‌ر ناڤه‌روكا بابه‌تی و وان ئه‌گه‌ر و هوكارا دیار كه‌ین یێن د بنه‌ پالده‌ر بوو بلند بوونا روحانیه‌تا مروڤی و به‌ره‌ف خودێ ڤه‌ بچیت.

 

* ئه‌گه‌ر ئه‌م به‌رێ خو بده‌ینه‌ فقهێ روحی د ئیسلامه‌تیێ دا چه‌ند مه‌رجێن ب كریار ددانیت مروڤ ئه‌گه‌ر ب جھ بینیت و بكه‌ته‌ كار و لسه‌ر به‌رده‌وام بیت ،هه‌ر ئاسته‌كێ روحی مروڤی بڤێت دێ گه‌هیتێ

 

مه‌رجێن سه‌ره‌كی بو بلندبونا روحانیه‌تێ:

 

1- هه‌می ره‌نگێن عیباداتا ڤێجا چ فه‌رز بن و چ سنه‌ت بن ، مروڤێ ب دروستی ببیته‌ رێڤینگێ رێكا خودێ و ئاشقێ رازیبونا خودێ بیت دێ بزاڤێ كه‌ت روژانه‌ هه‌می لایه‌نێن به‌نداتیێ یێن فه‌رز و یێن ئه‌رك و یێن سوننه‌ت د ژیانا خودا زێده‌ بكه‌ت دا پتر نێزیكی خودایێ خو ببیتن و خودێ ژ خو رازی كه‌ت.

 

2- ب جھ ئینانا هه‌می وان ره‌وشتێن خودێ حه‌ژێ دكه‌ت ، هه‌ر ره‌وشته‌كێ خودێ د قورئانێ دا گوتی یان پێغه‌مبه‌ری (سلاڤ لسه‌ربن) گوتی و كریه‌ كریار دڤێت مروڤ بزاڤێ بكه‌ت كه‌ساتیا خو یا دیار و نه‌دیار پێ بخه‌ملینیت.

 

3- دڤێت مروڤ به‌رێ خو بده‌ته‌ ناڤ و سالوخێن خودایێ خو،روژانه‌ رامانێن وان د ژیانا خودا په‌یدا بكه‌ت .

 

4- خو په‌روه‌رده‌كرن(یان موجاهه ده‌) دڤێت دهه‌می مه‌یدانێن ژیانێ دا ولگه‌ل هه‌می شه‌هوه‌تا ببیته‌ ئێك ژ راهێنان و پلان و به‌رنامێن مروڤی یێن سه‌ره‌كی.

 

5- دڤێت مروڤ یێ ئاماده‌ بیتن بو هه‌ر ده‌مه‌كی قوربانیێ بده‌ت بوو دینێ خوو ب هه‌می حه‌ز و ڤیان و رازیبون بده‌ت .

 

6- گه‌له‌كا پێتڤی یه‌ مروڤ تێكه‌لییا وان كه‌سا بكه‌ت ئه‌وێن ب دروستی ئه‌ڤ رێبازه‌ گرتی ڤێجا چ د ساخ بن یان چوبنه‌ به‌ر دلوڤانیا خودێ و ببنه‌ هه‌ڤالێن مروڤی یێن دلسوز.

 

7- پێتڤی یه‌ مروڤ ب ره‌نگه‌كێ به‌رده‌وام ره‌وشنبیری یا خو دهه‌می مه‌یدانێن روحی و باوه‌ری و پاقژكرناده‌رونی داو به‌ره‌ف خودێ ڤه‌ زێده‌ بكه‌ت.

 

* گومان تێدا نینه‌ ئه‌گه‌ر‌ ئه‌ڤ خالێن مه‌ ئاماژه‌ پێ كری هه‌تا رێژه‌كێ ژی ببنه‌ پلان و به‌رنامێ ژیانا مروڤی و مروڤ بهه‌می رژدی گرنگیێ بده‌تێ و بكه‌ته‌ ژ كارێن خو یێن سه‌ره‌كی یێن گرنگتر ژهه‌ می گرنگی یا ، ب هاریكاریا خودێ لگه‌ل چركه‌ و خوله‌كا دێ روحانیه‌تا مروڤی بلند بیت و مروڤ دێ هه‌سته‌كا به‌رده‌وام و مه‌زن و خوش ب شرینییا باوه‌ریێ كه‌ت.