ئەم نەزیفانە بۆ ناوەستن .!؟

لەكتێبێكدا كە لەساڵی 1968زدا بڵاوكراوەتەوە بەناوی( موچەخۆرانی بەریتانیا لەئێران)

لەنوسینی (اسماعیل رائین) سەفیری بەریتانیا لەئێران بەم جۆرە باسی كوشتنی قائیمقام(میرزا ابولقاسم فراهانی) دەكات.

قائیمقام فراهانی تاكە نیشتیمان پەروەری ئێرانی بو كە ئێمە نەمانتوانی بیكڕین, هەرچی بەرتیل و پارەمان پێ ئەدا, وەری ئەگرت, بەڵام پارەكەی ئەدایەوە بەشا...!!

لەكۆتایدا من نامەیەكم بۆ بەریتانیای عوزما ناردو تیایدا داوای پارەم كرد بۆ كوشتنی قائیمقام..!!

پاش ئەوەی پارەكەیان بۆ ناردم, شەوانە ئەڕۆشتم بۆماڵی ئیمام جومعەی تاران و بڕێك پارەم ئەدا بەخۆی و بڕێكیشم ئەدایە بۆ دەست و پێوەندەكەی و پێم وت: پێویستە لەوتاری هەینیدا قائیمقام تەكفیر بكەن...!!

بۆ سبەینێ لەهەموو مزگەوتەكانی تاراندا مامۆستاكان ڕۆشتنە سەر میمبەرو هاواریان كرد: ئەی موسوڵمانان هاوار لەدەست ئەو كافری بێ دینە...

هاوار لەدەستی قائیمقام!! چونكە دەوڵەتی ئیسلامی سوك و زەلیل كردوە....!!

كاتێك دەنگو هاوار بەرز بویەوە, سەرەتا شا لەوتاردان دوری خستەوەو پاش هەفتەیەك فرمانی كوشتنیشی واژۆ كرد...

پاش كوشتنی ئەو پیاوە قارەمان و جوامێرە سواری ئەسپەكەم بوم و ڕۆشتمە ناو خەڵك تا كاردانەوەكانی خەڵك بزانم دەربارەی ئەو ڕوداوە..

سەیرم كرد كە خەڵكی هەروەك شەوی جەژن لەكوچەو كۆڵانەكاندا خەریكی بەخشینەوەی نوقڵ و چكلێتن و یەكتری لەئامێز دەگرن, وە لەخۆشی كوشتنی ئەو كافری بێدینە پیرۆزبایی لەیەكتر ئەكەن..!

جا ئەمەوێت بڵێم سەیركەن ئەم چیرۆكە چەند هاوشێوەی ڕوداوەكانی ئەم سەردەمەی خۆمانە, ئەم وڵاتانە چۆن ئیمە بەرئەدەنە گیانی خۆمان و دواییش تەماشای كاردانەوەكانمان ئەكەن و بەعەقڵمان پێ ئەكەنن, لەم چیرۆكەوە سەرچاوەی هەموو نەهامەتیەكانی گەلانی چەوساوە ئەزانیت, هۆكاری نەزیفی خوێنی گەلی كورد ئەزانیت, ئەزانیت كە ئەو وڵاتانەی سەرپەرشتیمان ئەكەن و ئێمەیان بەسەردا دابەشبوە لەكوێوە هان ئەدرێن كە قەتڵ و عاممان بكەن و دواتر خۆشیان ئەبنەوە قوربانی زلهێزەكان و لەناو ئەبرێن و كەسێكی تر ئەخەنەوە شوێنیان, بەڵێ ئەوەتا بەچاوی خۆشمان ئەیبینین كە وڵاتە زلهێزو بەرژەوەند خوازەكان سەرچاوەی هەموو ئەم نەهامەتیانەن, بەڵام ناچارین دانی پێدا بنێین كە فریادڕەسمانن, بەداخەوە هیچ بژاردەیەكی تریان بۆ نەهێشتوینەتەوە!