یان وەك منی یان لە دژمی

 


لەم سەر دەمی پێشكەوتن و گۆڕانكاریەدا لەم قۆناغی كرانەوەدا بەڕوی جیهاندا لەگەڵ ئاشنابوون به كلتورو شارستانیەكاندا،ئەبیستین و ئەبینین جۆرێك لە توتد ڕەوی فكری و تاكڕەوی لەبڕیارداندا باڵی كێشاوە بەسەر ئەم ووڵات و هەرێمەدا لەكاتێكدا هەموومان باش ئەو ڕاستیە ئەزانین كە ژیان بەجیاوازیەكانەوە جوانەو ناكرێت هەموومان وەك یەك بیر بكەینەوە ئەمە لەكاتێدایە هەموو گروپ و دەستەو حیزبێك بانگەشەی بۆ ئەكات وە یەكێك لەبنەما فیكریە نەگۆڕەكانی بیریتیە لە ئازادی، بەڵام بەداخەوە ئەمە هەر دروشمەو نووسینە لەدنیای كرداریدا زۆر بەئەستەم جێگای ئەبیتەوە، ناكرێت و نابێت تا ئەو كاتە باشبیت كە بیرو بۆچونەكانت لە گەڵ ئەودا یەك ئەگرێتەوە یان لە چوار چێوەی بەر ژەوەندیەكانی ئەودا ئەخولێیتەوە، بەڵام هەركاتێك وەك ئەو بیرت نەكردەوە بۆ چونێكی جیاوازت هەبوو كە تەعبیر لە خودی‌ خۆت بكەیت ئەوە بچیتە بەرەی دژەگەل و خائین بكرێت ئەمە ئەوپەڕی دكتاتۆریەتی فكریە كەبەداخەوە لەم هەرێمەدا زۆر بە ئاشكرا هەستی پێ ئەكرێت چونكە ئەگەر من خۆم بم نابێت تۆبم وە ئەگەر من تۆبم كەواتە من وەك خۆم بونم نیە یان ئەتوانین بڵێن كەواتە تۆ ڕیگەنادەیت من وەك خۆشم بژیم ئەبێت وەك تۆ بژیم كە ئەمەش سەرەتای هەمو كێشەكانەو هۆكاری هەموو ئاریشەكانە بۆیە كاری لەپێشینەمان ئەبێت، بریتی بێت لەوەی كە ڕاستگۆبین لە دروشم و ووتارو كردارماندا كاتێك ڕاستگۆنەبوین لە سەرەتادا چۆن ئەتوانین داهاتو بنەخشێنین یان ئەمەش هەر خەو خەیاڵە،لێرەدا ئەو پرسیارە دێتە ئاراوە ئەگەر تۆ وەك تاك و لایەن جیاوازی كەسانی ترت قبوڵ نیە ئەی خۆت بۆ دروست بویت لەكاتێكدا پێش تۆ كەسانی ترو لایەنانی تر هەبوون، بەداخەوە ئەوەندەی كار لەسەر تێكدانی كەسایەتی كوردی كرا ئەوەندەكار لەسەر تێگەیاندن و پێگەیاندی و بنیاتنانی تاكی كوردی نەكرایەوە لەكاتێكدا هەموان بانگەشەی خزمەت بە خەڵك و خاك ئەڵێنەوە.


ناكرێت و نابێت هەموو تەمەنت لەدژایەتی ووتارو ڕەفتاری كەسانێك و لایەنێك و بنەماڵەیەكدا بەسەر بردبێت كەئەو چەندان ساڵ پێش تۆ وای كردوە بەڵام ئێستا خۆت بێت نەك وەك و ئەو بەڵكو لەو خراپتر ئەنجام بدەیت ئەمە چی پێ ئەوترێت جگە لە گاڵتە كردن بە عەقڵ و كات و تەمەنی ئەوانەی شوێنت كەوتون .


ناكرێت خۆت كە هەلت بۆ ڕەخسا حیساب بۆ كەس نەكەیت و هەموان بەجێ بێڵیت بەڵام بەخەڵكیش بڵێت نابێت بێ من هیچ هەنگاوێك بنێت ناكرێت هەموتەمەنت باسی بەسیتەمكردن و بەدەزگایی كردنی كاری حیزبیت كردبێت ودروشمی بەدەزگایكردنی دامودەزگاكانی ووڵاتت بەرزكردبێتەوه ‌و دژایەتی حوكمی بنەماڵەو ماڵبات بوبیت بەڵام خۆت ئێستا هەمان ڕێبازی ئەوان دوبارە بكەیتە ئەو پرسیارە دروست ئەبێت كەواتە بۆ واتكرد یان بڵێن ڕاستگۆ نەبویت لەگەڵ خۆشت و خەڵكیشدا.


ژیان هەمووی بریتی نیە لەیاخی بوون و ناشیرنكردنی هەمووشتەكان جگە لەكارەكانی خۆت ئەوە ئەو پەڕی خۆپەسندی و خۆ پەرستیە كە هەر خۆتت قبوڵ بێت و كەسانی ترت بەلاوە خراپ بێت، چونكە دواجار ئەوانیش مافی ئەوەیان هەیە كە بۆخۆیان بیر بكەنەوە و بۆ خۆیان بڕیار بدەن،تا ئازادی لە دروشمەوە نەكرێت بە بەرنامەو كار، پێشكەوتن دروست نابێت چونكە كێبڕكێی تەندروست ڕووناِدات تاژیان ببێت بە گوڵزارو بەهەموو ڕەنگ و بۆ چونەجیاوازەكانەوە باخی ژیان بنیات بنێین نەك ژیان و جوانیەكان بكرێتە دۆزەخ.
ژیان وایە ئێمە و ئێوەو تۆ ئەوانیش ئەڕۆین دەیان گروپ و حزب و دەستەو تاقم دێن و ئەڕۆن ئەوەی ئەمێنێتەوە هەر گەلە بۆیە ئەمڕۆمان مێژوی داهاتومانە گرنگە سەروەری و خزمەت و كاری باش تۆماربكرێت نەك ڕق و كینەو ئاژاوە،گرنگە لەبری تێكدان ئاوەدانی و لەبری كێشە تێگەیشتن و هاوكاری و لەبری دژایەتی دۆستایەتی و لەبری ڕوخان بنیاتنان ولەبری لێكترازان پێكەوەژیان ..هتد ئەنجام بدریت.

 

A