چۆن و بەچی میکانیزمێک بەگەین بەکۆتای هێنانی گەندەڵی و سەرەتای دادپەروەری ؟؟

  سێ شەممە, 10 تشرینی یەکەم 2017 10:58

دیارە مرۆڤ بوونەوەرێکی ڕاڤەکەرە بەو پێیەیی گەلی کوردیش زۆرێک لەڕێگای تاقی کردۆتەوە بۆ گەشتن بەکەمەرانی ئینسانی بوون و ژیان کردن ،بەداخەوە کە دەرئەنجامێکی تاڵی چنیوەتەوە ، ئێستا ئەزموون گەواهیدەری ئەو ڕاستێیە کە لەهەموو ڕێگاکان باشتروو بە بەها تر ڕێگەی یەک قبوڵکردن و یەکبوون و یەکگرتنە بۆ چارەسەری کێشە ناوخۆی و دەرەکێکان.

ئێمە دەبێت جارێکی تر بەتەکنیک ودیقەو ووردەکاری و ووریایەوە پێناسەیەکی نوێ بۆ یاساو دەستوروو حزب و حکومەت و دەزگاو ماف و ڕێکخراوو تاک و سیاسەت و پەڕلەمان و حکمڕانی و بکەین ، بەدیدێکی نوێ وە خوێندنەوە بۆ ئەو چەمکە پێویستانە بکەین ، بەڕۆڵێکی ترەوە ئاشنای تاکی کوردی بکەینەوە ،هەوڵێکی سەرزەمینی بدەین بۆ گۆڕینی ئەو کردە نا عورفی و نائینسانیەی لەگۆڕەپانی سیاسی کوردستان دا دەبینرێت.

بەدرژای مێژووی کورد ئەوانەی هاتونەتەوە مەیدانی سیاسیئەوەی گرنگ و بەبەها بوە لایان دەست کەووتوو قازانجی ئابوری بووە نەک چەسپاندنی دادپەروری کۆمەڵایەتی و ومافی ئینسان و دەستکەووتی نیشتیمانی ..!

ئێستا ئێمە چۆن ؟لەچەرخی گەندەڵیەوە بچین بۆ چەرخی دادپەروەری ؟؟دەشێت لەهەنگاوی یەکەمەوە دەست پێبکەینەوە ڕەگی خۆشەوویستی وو و یەکقبوڵکردنی سیاسی و کۆمەڵایەتی و کولتوری لەناخماندا گەشە پێ بەین ، وابکەین ڕەنگدانەوەی لەپەروەردەکردنی کۆمەڵگایەکی مۆدێرنە باتەوەو ئاستی کۆمەڵگە لەڕەشبینیەوە بگۆڕێت بۆ گەشبینی ..


لەڕابردوو لە ئێستاش دا هیچ سودێکمان لە عینادی ویەکشکاندن و درخستنی عەیبی یەک نەدیوە بەڵکوو سیراع و ململانێکان بۆتە خۆرەی تەواوی کامەرانی کۆمەڵگەی لۆش داوە،هەتا ئێمە بەتەواوی بنەبڕی ناکۆکی نەکەین و دەست لەبرینی یەکدی هەڵنەگرین هەرگیز نامان پەرژێتە سەر چارەسەرکردنی برینەکان !

وەک "ناپلیۆن" دەڵێت : ناکۆکی کرمی ژاراوەیە لە ڕیخۆڵەی گەل دا !بۆیە کاری لەهەر پێشی کارەکانی گەلی کورد یەکڕیزی و تەبای و برایەتیە بۆ گەشتن بەهەموو مافە ئینسانی و نیشتمانیکان ،ئەبێت هەموومان لەوە تێبگەین کەوتن شەرمە لەو شەرمتر ئەوەیە نەتوانی هەستیتەوە ...

بۆیە تەنها میکانیزمی خۆشەوویستی وو یەکقبوڵکردن دەتوانێت لەقۆناغ و چەرخی گەندەڵیەوە بمانبات بەرەو دەدپەری ...