هەڵسەنگاندنێكی بابەتیانەی ڕەخنە لەهەڵوێستەكانی یەكگرتوو

  سێ شەممە, 12 کانونی یەکەم 2017 18:56

لەماوەی ڕایووردودا كەم و زۆر ڕەخنەو گلەیی ئاراستەی سەركردایەتی یەكگرتوو كراوە لەسەر هەڵوێستە نیشتمانی و ئیصلاحیەكانی بۆ چەواشەكردنی جەماوەر و شێواندنی ڕاستیەكان، بۆیە وەك چاودێرێك دەمەوێت لەچەند دێڕێكدا هەڵسەنگاندنێكی بابەتیانە بۆ هەندێك لە هەڵوێستەكانی ئەم دواییەی یەكگرتوو بكەم .

سەرەتا لە بابەتی پشتگیری ڕیفراندۆمەوە دەستپێدەكەم شاراوەنیە یەكگرتوو زۆر بە ڕاشكاوانە پشتگیری لە ڕیفراندۆمی سەربەخۆیی كوردستان كردوە ئەوەندەی بەدواداچوونم بۆكردوە تا ئێستەش سورن لەسەر هەمان هەڵوێست وشانازیشی پێوەدەكەن و بە هەنگاوێكی گرنگ و مێژوویی هەژماریدەكەن لە خەباتی سیاسیاندا , ئەو گلەییانەی لەسەر ئەم هەڵوێستە لە یەكگرتووكراوە و دەكرێت گوایە هاوئاواز و هاوهەڵوێستی پارتی دیموكرات بووە بەڕای من دوورە لەڕاستیەوە ئەگەر دووكەس یان زیاتر لە جومگەیەكی خەباتدا هاوهەڵوێست بوون مانای پاشكۆیەتی و هاوئاوازی نیە بەڵكو كاری سیاسی ئەوەدەخوازێت یەكگرتوو لەپێشتردا لەگەڵ گۆڕان و كۆمەڵ لەسەردەمی ئۆپۆزسیۆن بوون و سەرای ئازادی و....هتد و زۆر هەڵوێستدا هاوڕابوون و هیچكامیشیان پاشكۆنەبوە بۆ ئەویتریان ڕستی باسەكە سەرچاوەكەی بۆ موزایەدەچێتی و ڕقئەستووری و گڕگنی نێوان لایەنە سیاسیەكانی كوردستان دەگەڕێتەوە نەك یەكگرتو هەڵەی كردبێت, ئەگەر بەشداری ڕیفراندۆم هەڵەبووبێت كەواتە هەموو هێز و لایەنەكان هەمان هەڵەیان كردوە لەبەرئەوەی لەكۆتاییدا هەموویان بەشداربوون ئیدی بۆ تەنها یەكگرتو تاوانباربكرێت؟!!


سەدساڵ زیاترە گەلی كورد بۆ ئازادی و سەربەخۆیی شۆڕش دەكات و هەزاران قوربانی لەو پێناوەدا داوەو و سەدان كاولكاری و ئەنفال و كیمیاباران و دەربەدەری و.....هتدی لەو لەو ڕێگەیەدا بەسەرهاتوە . ئەگەر بۆسەربەخۆیی نەبوە ئەی لەپێناوی كێ و چیدا بووە؟؟. دەڵێن كاتی نیە ئەی كەی كاتی سەربەخۆییدێت؟؟ دەبێت تاكەی چاوەڕوانبین و كێ ئەو سەربەخۆییەمان پێشكەش دەكات! ئاخر سەربەخۆیی دەبێت بسەنرێت نادرێت . بۆیە ئەمانە هەموی چەواشەكاری و ململانێی حیزبینەبێت هیچ بنەمایەكی ڕاستی و دروستیان نیەیە.


یەكگرتوی ئیسلامی لە دواین دوو كۆنگرەیدا (هەوڵدان بۆ دامەزراندنی دەوڵەتی كوردوستان) ی لە ستراتیجی كاریاندا داناوە بەشداری كارای ڕیفراندۆم بەڵگەی ڕاستگۆیی یەكگرتوە لەگەڵ بەرنامەو ستراتیجەكەی و ئەندامان و جەماوەر و تەواوی كوردستانیان , بەبڕوای من تاكە هەڵەی یەكگرتوو ئەوەیە بەتەواوی ڕاشكاوە و بە ئەخلاقێكی بەرزی مەبدەئیبوونەوە بەشداری لە پرۆسەی سیاسیدا دەكات .


ئەگەر باس لە شكستهێنان و لەدەستدانی خاك و دەستكەوتەكان بكرێت ئەوە ناحەقیەكە بەزۆر بەسەر ڕیفراندۆم و گشتپرسیدا دەیشكێننەوە لەوانەیە هێرشەكانی خێراتر كردبێت بەڵام هەرگیز هۆكارنەبووە بەڵكو ئاشكرایە دەسەڵاتی بەغدا دەمێك بوو ئەو پلانەی دانابوو هێشتنەوەی حەویجە بەداگیركراوی تا كۆتاساتەكان ئامانجەكەی ڕوون بوو گەلێكجاریش دڵسۆزان هۆشداریان لەوبرەیەوە دابوو , ئەوەی شكستی بەسەر كوردهێنا ئاشكراو دیارە لەتبوون و یەكتر قەبووڵنەكردن و شەڕی كۆنەقینی نیوسەدە زیاتری نێوان هێزە سەرەكیەكانی هەرێم بووئەمە لەلایەك لەلەیەكیترەوە ناعەدالەتی و گەندەڵی و بڕینی مووچەو قوتی هاووڵاتیان ئەوەندە بێمتمانەیی لەنێو هاووڵاتیاندا دروستكردبوو نەك داكۆكی زۆربەی هاووڵاتیان تەمەننای ئاوابوونی خۆری دەسەڵاتی حیزبە خۆسەپێنەكان بوون.


ئیدی بۆ ڕەخنەبارانی هێزێكی مەدەنی وەك یەكگرتوو بكرێت لەسەر هەڵوێستێكی نیشتمانپەروەرانە لەكاتێكدا نەهۆكاری بەزین و شكستبووبێت و نە پێشمەرگەو جبەخانەو نە نەوت و داهاتی لەبندەستەو نەبودجەو مووچە لەلای ئەوبێت؟؟؟


ڕەخنەیەكی نابەجێیتریان باس لە پشتگیری نەكردن و بەدەمەوەنەچوونی حكومەتی كاتیە كەهەندێك لایەن بۆ موزایەدە بانگەشەیان بۆدەكرد ئاخر تەمەنی ئەم حكومەتە تەنها هەشت مانگی ماوە 26 ساڵە نەتوانراوە گۆڕانكاری بكرێت و هەموومان بەرگەمانگرتوە ئەم هەشتەش بالەسەر ئەو دەشتەبێت ئەوجا حكومەتی كاتی لەكئ پێكدێت ؟ لەهەموو بارێكدا دەبێت ئەوانەی داوای لادانیان دەكەیت ببنەوە بە سەرو شەرعیەتی زیاتریان پێبدرێتەوە !! ئەی باشترنبە ئەوەی ئێستا وەك كاربەڕێكەر بەردەوامبێت تا توشی قەیرانیتر نەبینەوە شاراوە نیە هێزەكان ئەوەندە دڵسۆزو لێبڕاونین بتوانن لەماوەیەكی كورتدا حكومەتێك پێكبهێنن , ئەوان بۆ پارێزگایەك خولێكی پەرلەمانییان پێویستە تا دوولایەن لەسەر دابەشكردنی پۆستەكان ڕێكبكەون ئەی ئەگەر حكومەتبێت دڵنیام هەشت مانگەكە بە وتووێژ تەواودەكەن و پێكنایەن ئیدی خۆڵ لەچاوكردنی جەماوەر و بەلاڕێدابردنی ڕاستیەكان تەنها لەپای بانگەشەی هەڵبژاردن و موزایدەی سیاسی نەبێت هیچیترنیە.


ماوەبڵێم دەتوانین بەمشێوەیە پۆلێنی هەموو ڕەخنەگرانی یەكگرتوو بكەین :
پلانێكی سیاسی ل ئاستی باڵای سیاسیدا داڕێژراوە بەئامانجی لەمپەردانان لە بەردەم گەشەی یەكگرتوو ئەوەش خۆی لە ململانێی ناشەریفانەی سیاسیدا دەبینێتەوە و هەندێك لە ڕەخنەكان وەك تۆمەتبەخشینەوە لەنێو هەڵوێست و لێدوان و ووتاری خاوەن پیلانەكاندا چەند سەرە ووشەیەك بۆ ناشیرینردنی خودی یەكگرتوو یان تانەدان لە هەڵوێستێكی دیاریكراوی یەكگرتوو ڕاستەوخۆ یان لەڕێی كادرەكانیانەوە فڕێدەدەنە نێوجەماوەر ئەوەی جەماوەرە دووجۆرە ئەوانەی سادە و بێلایەنن و ئاستی هۆشیاری گشتی و ڕۆشنبی سیاسیان سنوردارە تا ڕادەیەك لەگەڵ شەپۆلی ڕەخنەو گومانەكان دەڕۆن و دوای ڕونبوونەوەی ڕاستیەكان و خاوبوونەوەی شەپۆل ڕادەوەستن ڕەخنەی ئەم توێژەی جەماوەر لەبەر خراپی یەكگرتوونیە بەڵكو یەكگرتو بەخاوێن و سپی پۆشی نێو گۆڕەپانی جەنجاڵی پڕگەندەڵی ونادادی و پاشكۆیەتی سیاسی و ....هتد دەبینن تەنانەت هەڵەیەكی سیاسی بچوك لەیەكگرتووەوە جێی قەبووڵنیە لایان , هەرچی ئەو بەشەی جەماوەرە كە هەڵگری بیری پێچەوانەو هەڵوێستی سیاسی پێچەوانەن تائەوكاتەی یەكێك مابێت گوێیان لێبگرێت بێ گوێدانە هاوخەباتی و پێكەوەژیان و پرەنسیپە ئاینی و مرۆڤایەتیەكان دەهۆڵی قسەسواوەكان دەژەنن ..