بنیات و بەرهەمێن روحانیەتا ئیسلامی (16)

  یەک شەممە, 17 کانونی یەکەم 2017 14:03

 

چەوا بەنداتی دبیتە هێز(خ16)

چەوا باوەری دێ بیتە هێز ، چو رەنگێن هێزێ مروڤ نەشێت ب دەست خوڤە بینیت ئەگەر گرنگی یێ پێ نە دەت و راهێنانێ لسەر نەكەت ، باوەری و بەنداتی ژی د جیهانا روحێ دا هەر ب ڤی رەنگی یە ، تو چەند گرنگی یێ پێ بدەی و تو چەند راهێنانێ لسەر بكەی دێ ل وی ئاستی بو كەسایەتی یا تە بیتە هێز

بەلێ ژ وان كارێن گەلەك دلڤەكەر و مروڤ پێ شاد دبیت مە د دیروكا ئیسلامێ دا ب هزارەها نموونە هەنە هەر ژ پێغەمبەرێ خودێ سلاڤێن خودێ لسەر بن و ب هزارەها چاك و وەلی یێن خودێ بوینە خودانێن هێزەكا مەزن ب وێ باوەری یێ یا خودێ ژێ دڤێت .
ژبەر هندێ توو بەرێ خو ب دەیە وی جڤاكێ لگەل پێغەمبەری د ژیا سلاڤ لسەر بن ژ هەمی ئاستێن تەمەنی چ مروڤێن دان عەمربن و یان گەنج یان زاروك ژ هەردوو رەگەزا خودانێن هێزەكا گەلەكا مەزن بوون د باوەری یێ دا ب باوەریا خودێ ، هەر ژبەر هندێ ئەڤ نموونە هەتا ڤی سەردەمی ب هزاران دئێنە دووبارە كرن كا مروڤ چەوا ب باوەری یێ ب هێز دكەڤیتن ئەڤ رێبازە و ئەڤ سیستەمێ خودایی یێ بەردەوامە

بەلێ پێتڤی یە ئەم هندە خالێن سەرەكی دەست نیشان بكەین بومە ببنە وەك بەرنامەكێ بەردەوام ب رەنگەكێ بەردەوام هێزا كەسایەتی یا مە پتر لێ بكەتن هەروەسا كەسایەتی یا مە ب ڤان هزر و بوچون و هەستا ب خەملینیت یێن خودێ ژمە دڤێن.

1- دڤێت ئەم سەرەدەریەكا وەسا لگەل هەمی بنیات و شەنگستێن باوەریێ بكەین پتر ژ هەر راستی یەكا د ژیانا مەدا هەی ئانكو تە چەوا باوەری ب هەبوونا خو هەیە وەسا بەرێ خو بدەیە شەنگستێن باوەریێ د وی دەمی دا خودێ بهەمی سالوخ و ناڤێن خو ڤە دێ د هەست و هزرێن مەدا بیت فریشتە ژی دێ لگەل مە ژین و چو جارا بابەتێن قەبر و قیامەتێ ژ بیرا مە ناچن و ب رەنگەكێ بەردەوام دێ روحا مە ب هێز كەڤیت و هەر ئەو دێ بیتە مەزنترین هوكار د روژا دوماهیێ دا د مەیدانا مەحشەرێ دا سەرفەراز بین ل بەرامبەری خودێ.

2- بەنداتی ژی ب هەمی رەنگا دڤێتن ب كارتێكرنا باوەری یێ بێتە كرن ئانكو هەر كارەكێ بەنداتی یێ مروڤ بكەتن دلێ مروڤی و روحا مروڤی و دەرونا مروڤی و مێشكێ مروڤی د بەرهەڤ بن یان مروڤ ب هەمی لایەنێن كەسایەتی یا خوڤە د لایەنێ بەنداتیێ دا یێ بەرهەڤ بیت ڤێجا ئەڤ بەنداتی یە چ تو نڤێژەكێ بكەی یان زكرەكی بكەی یان قورئانێ بخوینی یان هەر كارەكی تە نێزیكی خودێ بكەت ، ئەڤ چەندە ژی دێ چارچوڤەكێ گەلەكێ ب هێز بووتە دانیت و دێ هەست ب هێزترین و بلند ترین پلەیێن ئازادیێ كەی د كەسایەتی یا خودا .

3- بەلێ هەروەكی دپێشەكی یێ دا مە ئاماژە پێ كری دڤێت وەك هەر بەرنامەكێ گرنگ بوو ژیانێ مروڤی بەرنامە بوو بەنداتیێ هەبن بو نموونە : چەوا نڤێژ دبیست و چار دەمژمێرا دا بەرنامەكێ تمامە بوو ژیانا مە وەسا پێتڤی یە زكرێ خودێ ژی ببیتە بەرنامەك د شەڤ و روژێن مەدا ، د وی دەمی دا دێ باوەری یاتە هند ب هێز كەڤیت نە شەیتان دشێت تە دسەردا ببەت و نە دەرونا تە لاواز دبیت و نە دكەڤی یە د داڤێن شەهوەتێ دا و دێ بیە كەسەك دویر ژ گوننەھ و حالەتێن نەرێنی.

4- هەروەسا ژ وان كارێن گەلەكێن گرنگ مروڤ بەردەوام بكەت دا باوەری یا مروڤی ب هێز بكەڤیت و باوەری بو مروڤی ببیتە هێز و ببیتە رەنگڤەدان بو كەسایەتی یا مروڤی ، مروڤ ب رەنگەكێ بەردەوام سەربوور و سەرهاتی و و ئەزمونێن وان كەسا بخوینیت یێن ب ڤی رەنگی خو ب باوەری یێ پەروەردە كری ، و ئەڤ رەنگە مروڤە كەسانە د دیروكا مروڤاتیێ دا لسەر دەستێن پێغەمبەران سلاڤێن خودێ لسەر هەمیا بن هەروەسا ددیروكا ئیسلامێ دا هەر ژ پێغەمبەری بگرە سلاڤ لسەر بن هەتا ڤی سەردەمی د هەمی مەیدانێن ژیانێ و دناڤ هەمی مللەتان دا هەنە ، بەلێ گەلەك یا گرنگە مروڤ ئنیەتا خو بینیت ئەزمونێن وان بو كریار و خەبات و بەنداتی بخوینیت نە بتنێ بو رەوشنبیری .

* ب ڤی رەنگی ئەگەر مە بڤێتن باوەری بومە ببیتە هێزو بهێزترین نموونێن باوەری یێ د ژیانا خودا دووبارە كەین دێ ب دروستی ئەو خالێن مە گوتێن بو خو كەینە پلانا ژیانێ و بەنداتیێ ، ب دان و هاریكاری یا خودێ ئەو ئاستێ مە دڤێت و خودێ پێ ژمە رازی بیت و ژمە قەبیل كەت بو دونیایێ و دوماهیێ دێ ب دەست مەڤە ئێت.