خوێندنەوەیەكی لەسەر خۆیانە بۆ بڕیارەكەی 24/12ی یەكگرتوو

  دوو شەممە, 25 کانونی یەکەم 2017 09:52



لەم دۆزە ئاڵۆزەی هەرێمی كوردستان كە ئێستا پێیدا تێ دەپەڕێ كە هەموو چینەكانی كۆمەڵگا لە بارێكی نا تەندروستی دەرونیدا دەژین ، چ ئەوەی خۆی لە بەرەی گەل دادەنێ تا دەگاتە ئەوانەی كە بەر پرسی حكومی و حیزبین .


بڕیار وەرگرتن لەم ڕۆژەدا نەك لە سەر ئاستی حكومی و حیزبی بەڵكو لە سەر ئاستی تاكیش زۆر قورسو گرا ن بوە ، چونكە ئاسۆكان زۆر ڕون نین و دەورو بەر تەم دای گرتووە .
ئەكرێ بە خەیاڵ و لە زیهنی كەسێكی بەهێزدا هەندێ لە ئاسۆكان وێنا بكێشرێ ، لەم ڕوانگەیەوە تێ دەگەین كە نابێ خوێنەری كورد یان لاوی ووڵات هەروا بە ئاسانی شەق هەڵدا لە بڕیارێك كە لایەنێكی سیاسی دەری كردوە ،هەر هیچ نەبێ ئەو بڕیارە بە دەیان كاتژمێری هزرو بیر و ژیری بیرمەندانی ئەو لایەنانەی تیا خەر ج كراوە تا گەشتوەتە ئەو بڕیارە ، بۆ یە پێویستە ئێمەی خوێنەر یان چاو دێر ڕێزلە هەر بڕیارێ بگرین كە لە لایەنێكی سیاسیەوە دەر دەچێت كە بە ئاشكرا دژ بە بەرژەوەندیەكانی ووڵات دەر نەچوبێ ، چونكە ڕێز گرتن لە بڕیاری لایەنێك بە جۆرێكی تر ڕێز گرتنە لە خۆت ، چونكە لە كۆتاییدا تۆش خاوەنی بیر و ڕایت و پێویستت بە كەسانێك هەیە كە ڕێز بگرن لە ڕاكانت .


پێش هەموو شتێ ئەبێ بزانین یەكگرتوی ئیسلامیی كوردستان لە سەر چ بنەمایەك بڕیارەكانی وەر دەگرێت ، ئەگەر بنەماكان دروست بون و عاقڵانەو واقعیانە بون بە تەئكید بڕیارەكانیش هەمان صیفاتیان بۆ دەگوێزرێتەوە ، ئەوەندەی ئاگادار بم هەمیشە یەكگرتوو بڕیارەسیاسیەكانی لە سەر ئەم بنەمایانە دەر دەكات بە كورتی ئاماژەیان پێ دەكەین : -
• یەكگرتوو كاتێ بڕیارێك دەر دەكات بەرژەوەندیەكی ماددی نیە تا پارێزگاریی لێ بكات وەك لایەنەكانی تری دەسەڵات ، نە بیری نەوت نە گورمرگی لایە ، بۆ یە ئەم خاڵە وای لێ دەكات ئازادانە ترو ئازایانە ترو واقیعیانە تر بڕیار دەر بكات .


• مێژووی سیاسی ئەم حیزبە پێمان دەڵێ بڕیارەكانی بە دەوری بەرژەوەندیەكی تەسكی حیزبیدا ناخولێتەوە تا دەستی بكەوێت ، بۆ یە زۆر جا ر بڕیارەكانی لە لای زۆربەی خەڵك یان چاودێر مەفهوم نیە و پێویستی بە شەرح و شی كردنەوە هەیە .
• یەكگرتوو زۆر دوربینانە بیر دەكاتەوە و زۆر جار ئەم دور بینیەی بۆ ناخرێتە چوار چێوەی چەند رستەیەكە وەو لە ڕاگەیاندن باسی بكات ، و ئەمەش وای لێ ئەكات زیاد لە قەبارەی سیاسی خۆی بەر پرسیاریەتی هەڵبگرێت و لەوانەیە بە قەدەر ئەم كۆڵەش خەڵكی ئامادە نەبن پێزانینی خۆیا ن بۆ ئەم لایەنە سیاسیە دەر ببڕن
بۆیە چاودێر باشە پێش ئەوەی هەڵوێست وەر بگرێت بپرسێ ئەم هەڵوێستە بۆچی ؟


ئەبێ هەموومان ئەو راستیە بزانین كە ئەگەر هەموو حیزبێ لە هەموو دیاردەیەك یان ڕوداوێك هەمان هەڵوێست و بڕیاریان هەبێ ئەوە ئەیسەلمێنێ كە زۆریان زیادن ، بۆیە پارێزگاری كردن لە بیر و ڕای جیاواز پارێزگاری كردنە لە بنەمای كۆمەڵگایەكی دیموراسی و شارستانی و پێش كەوتوو ئەوەی خۆی بە خاوەنی هۆش ئەزانێ ئەبێ كار بۆ گەشە كردنی ئەم بنەمایە بكات .


لێرەدا بە پێویستی ئەزانم سێ خاڵ كە گرنگن بیخەمە پێش چاوی خوێنەران :-


1- یەكگرتوو هەر لە سەرەتای كاری سیاسی خۆیەوە بڕوای وا بوە پارێزگاری كردن لە قەوارەیەكی سیاسی و دەستوری وەك هەرێم لە قەناعەتە نەگۆڕەكانی كاری سیاسی بوە و پارێزگاری لێ كردوە و بەڵكو هەوڵی گەورە كردنی دەستوریی ئەم قەوارەشی داوە و هەر ترسیك و پلانێك هەستی پێ كردبێت لە بەرامبەردا شتەكانی تری بە لاوەكی سەیر كردوە و ئەم خاڵەی بە گرنگ زانیوە .


2- یەكگرتوو هەر لەم ڕوانگەیەوە وای زانیوە لە سەر ئاستی ناوەوەی هەرێم ترسناكترین خاڵ بۆ لە ناوچونی ئەم قەوارەیە بریتیە لە گەندەڵی و نا داد پەروەری و حەیف و مەیل و لەم مەجالەشدا تەواوی هۆكارە مەدەنیەكانی خۆی بەكار هێناوە بۆ شەڕ لە گەڵ گەندەڵی و گەندەڵ كاران و لەم پێناوەشدا خەباتی كردوە و خوینی ئەندامانی ڕژاوە و بارەگای سوتێنراوە و سوكایەتی بە ئەندامان و لایەنگرانی كراوە و مافی كەسەكانی خوراوە .


3- یەكگرتوو هەمیشە پێی وا بوە پارێزگاری كردن لەم قەوارەیە لە سەر ئاستی دەرەوە بریتی بوە لە یەك دەنگی و یەك وتاری و یەك ڕیزی لایەنەكان و لەم پێناوەشدا نەرم ترین لایەن بوە كە بە ئاسانی واز لە بەرژەوەندیەحیزبیەكانی خۆی بێنێ لە بەر خاتری پەرتەوازە نەبونی یەك دەنگی لایەنە سیاسیەكان .


4- بۆیە ئەم بڕیارەی ئەم دواییەی یەكگرتوو ئەڕژێتە خانەی پارێزگاری كردن لە قەوارەیەكی دەستوریی وەك هەرێمی كوردستان و پێی وایە ئەبێ ئەم هەرێمە بە هەر نرخێك بوە بمێنێتەوە و لە چوار چێوەی ئەم هەرێمەدا شەڕی دژ بە گەندەڵی بكەین و بەلاشمانەوە سەیر نەبێت لە كۆتاییدا یەكگرتوو كۆمەڵێك خەڵكن لە كوردستاندا ئەژین و لە مەریخەوە نەهاتوون و بڕیارەكانیان شایستەی هەڵسەنگاندن و تەعدیل و تصحیحن و بۆی هەیە نەیپێكن چونكە ئینسانن .