بیانوو گرتن بەئیسلام

  چوار شەممە, 14 شوبات 2018 13:20

 

هەندێ كەسی قین لەدڵ بەرامبەر ئایینی ئیسلام كە ئایینی زۆرینەی كوردە وبەكوێرایی چاوی ئەوان شانازی پێیەوە دەكەن.ئەو قین لەدڵانە وا دەزانن دەتوانن بەدوو هەڵوێستی نەشرینی خۆیان دەتوانن وا لەخەڵك بكەن ببنە نەیاری ئیسلام .ئەوەیان لەبیر چووە كە 1400 سال زیاترە ئەو هەوڵاتە هەمویان فشەل بونەو هیچیان پێ نەكراوە سەرەنجام خۆیان وخەیاڵە پڵاوەكانیان بۆ وەرگرتنەوەی پاداشتی خۆیان چونە ژێر گڵەوە.

بۆیە ئەوانە هەڵدەستن بەقۆستنەوەی هەندێ هەڵەی سیاسی وڕەفتاری نادینی وسیاسیانەوبەرژەوەندی خوازانەی هەندێ حكومات بۆ ئەوەی لەپەنای ئەوانەوە بەبۆچونی كورت بینی خۆیان گورز لەئیسلام بوەشێنن.ئەوانە ویستیان بلێن صدام نوێنەری ئیسلام بوو كە انفالی كرد وداعیش نوێنەری ئیسلامە وئێستا دەلێن ئەردۆغان یان هەر كەسێكی تر نوێنەری ئیسلامە .بۆئەوەی بیكەنە بیانوو بۆ لێدانی ئیسلام كەچی ئەم سێ كەسانە هەرسێكیان جیاوازن صدامێكی خاوەن حزبێكی عەرەبی وئیشتراكی كوێی بەئیسلام دەخوات..بەچ مافێك ناوی ئاینی بۆ كارە قێزەونەكانی دادەنێ ئەگەر مەبەست لێی لێدانی خودی ئیسلام نەبوبێ ئەدی هەر صدام نەبوو هەزاران مزگەوتی ڕوخاند لە گوندەكانی كوردستان؟؟بەڵام ئایا ئەمە بووە هۆی ئەوەی نەتەوەی كوردی موسلمانی ڕەسەن واز لەم ئیسلامە بهێنێ؟؟ بێگومان نەخێر..چونكە خەلكی سینە ساف بۆ ئیسلام دەزانێ ئیسلام ئەوە نیە.

ئەوەی داعش كردی بۆ خزمەتكردنی پڕۆژەیەكی هەواڵگەری جیهانی كە مەبەستی ئێستا زۆر ڕوون و دیارە بۆ چی بوه.

بەكار هێنانی ئیسلام وموسلمانە توندڕەوەكان بۆ لێدانی ئیسلام وهەندێ ئامانجی حكوماتی هەرێمی ناوچەكە.كوا چی كرد بۆ ئیسلام جگە لە ناشیرین كردن ؟؟ .ئینجا ئەم قین لەدڵانە دەیانەوێت بلێن بەڵێ ئەمە ئیسلامە وداعش وصدام نوێنەری ئیسلامن كەواتە تۆی قین لەدل هەمان ئامانجی ئەوان دەهێنیە دی كە بۆیان نەچووه سەر‌.كە تۆیەكی كورد دژایەتی ئایین دەكەی ئەوە یارمەتی ئەوان دەدەن كە پێیان وایە كورد بێ دینە وشایەنی ئەوەیە بكوژرێن بەناوی دینەوە ..كەواتە جیاوازی تۆو ئەوانە لەكوێدایە؟؟ هەردو‌كتان یەك ئامانجتان هەیە بەڵام هەر یەكێكتان هۆكارێكی جیاواز بەكار دێنن.وەكو ئەو حزبە ماركسیانەی سەردەمی شاخ كە بە خەلكیان دەوت یەكێتی سۆفیەت هی صۆفیەكانە.


ئێستاش كە ئەردۆغان بەناوی سورەتی فەتحەوە بۆخۆی پیرۆزی بە كاری خۆی دەدات ئەوە بۆخۆیەتی وبۆ زیادكردنی پشتگیری ناوخۆییە نەك ئیسلام ڕێگای پێ دابێ ..ئەی بۆچی ئێمەی كورد پیرۆزی بەكاری خۆمان نەدەین بەناوی ئاینی 1400 ساڵەی باب وباپیرانمان ..ئێستا هەندێ داخ لەدڵی كورد دەیەوێت ئامانجی نەیارانی كورد بهێننە دی بەسوتاندنی قورئان یان قسە ووتن بەئیسلام..وەكو ئەوە وابێ نەیاران پارەی پێ دابن كەچی ئەوان بەخۆڕایی خزمەتی ئامانجی ئەوان دەكەن.چ ئامانجێكت پێكا ؟؟

بەرخودانی ڕاستەقینە ئەوەیە لە عیفرین بیت خوێنی خۆت ببەخشی ودەبابەی ئەوان بشكێنی.. لەهەمان كاتدا لەمینبەری مزگەوتەكانەوە وورەی خۆت بەرزكەیەوە..دڵنیا بن ئەم نەتەوەی كوردە واز لە ئیسلام ناهێنێ لەبەر ڕەفتاری هەلەی ئەم وئەو.ئیسلام لەگەل خوێن وگۆشتی ئەم میلەتە تێكەڵە بۆیە خۆتان ماندو مەكەن پارەكانتان لەم بوارە بەهەدەر مەدەن.بڕۆن بۆخۆتان پشت وپەنا پەیدا بكەن لەلایەن خواو نەتەوەی خۆتان.پەند وەرگرن لەشاهی ئیران وصدام وقەزافی ومبارەك وبن عەلی وصالح ودەیانی تریش كە هەمویان قەومی وبێ دین بون ئەلقە لەگوێی ئەم وئەو بوون سەرەنجامیان چی بوو؟جگە لەدۆڕان وچونە ناو تەنەكەی زبلێ مێژوو.تەنها نەفرین نەبێ هیچیان بۆ ناچێ.