ڕەخنەیەک بزمانێ مـــراندنا ســـــــــەرهلدانـــــــێ

سەرهلدان ئەو هێمایێ مەزنێ مللەتێ مەیە ژبوو نەقەبیلکرنا زۆلما ستەمکاران، هەروەکو یا دیار د ناڤ مللەتێ مەدا بەردەوام دژی ستەمێ ڕاوەستایە، سەرهلدان ژی هەمان چیرۆکا ڕاستەقینەیە، پشتی ستەمەکا مەزن ل دۆماهیێ مللەتی بریاردا"مــــرن بۆ ستەمکاران ، مان بۆ مللەتی" سەرهلدان بۆ دەرگەهەک بۆ خەلکی ستەمێ قەبیل نەکەن.

یا من دڤێت پرسیارەکێ بکەم و ڕەخنەیەکێ ئاراستەی جهێن شولەژێ وەکی (قایمەقامیا زاخۆ، ناحیا دەرکارێ، دەزگەهێن دیێن حکومی، هەروەسا پارتا دەستهەلاتدار ل دەڤەرێ) بکەم، ئەر بۆچی وە دڤێت (ســــــەرهلدانێ بــــمرینن)؟!
دەرکار ئەو ناحیا ئێکەم لسەر ئاستێ بەهدینان سەرهلدان دژی ستەمێ ل 13/3ئەنجامدای، ئەڤرۆ جهێن شولەژێ یێن من گوتین دڤێن بمرینن، چونکی یا دیارە هیچ گرنگیەکێ پێ نادەن، ژ خوە هەر بەحسا ڕەوشا دەرکارێ ناکم ژلایێ ژیارێ ڤە، چونکی حوکمەتێ تشتەک وەسا نەکریە گوهورین د دەرکارێدا پەیداببن.
ئەڤرۆ ل زاخۆ ئەڤ بیرەوەریە هاتە ساخکرن، لێ دڤێت بەرێز قایمەقامیا زاخۆ وەکی وەفایەک بۆ خەلکێ دەرکارێ و شەهیدێن وێ ل دەرکارێ ئەو بیرەوەریە هاتبا ساخکرن، بتنێ چەند گەنجەکا ئەڤرۆ سەرهلدان ساخکر ل دەرکارێ، نابێژم جەنابێ سیدای تە بۆ دەرکارێ کێشا ساخلەمیێ و گەنجان و ب دەهان کێشێن دی چارەکربان، لێ هەر چ نەبا ئەڤ بیرەوەریە هاتبا ساخکرن ل ناڤ دەرکارێ، دا چ نەبا خەلکێ پچەک ب ڕێزا خوە کربا.
بس یا ئەز دزانم تشتەک دیە ژ سەرهلدانا دەرکارێ، وە دڤێت سەرهلدانا دەرکارێ بەحس نەکن، چونکی ئەو کریار وە ئەنجام نەدایە، ڕاستە خەلکێ سەرهلدان ئەنجامدا، لێ کارەکتەرێن سەرەکی دوو کەساتیێن دەرکارێ بوون، ئەوژی (سادق عمر ، سعید عبداللە)، لێ چونکی ئەڤ دوو کەسە سەر ب پارتی نەبوون ، لەورا جهێن شولەژێ دڤێن بمرینن و چ گرنگیێ پێ نادن.
سەرهلدان مــــــر
ئارمانجێن وێ مــــرن.
یا خەلکێ دڤیا نەهات جهـ.

هیڤیە هوین ڤێ ڕاستیێ وەرگرن.