گەڕانەوە بۆ سانسۆر پاشەکشەیە

  شەممە, 09 حوزەیران 2018 23:24

بەداخەوە پاش 25 ساڵ لەدەرچونی یاسای ژمارە 10 و هەڵگرتنی سانسۆر لەسەرچاپەمەنیەکان ، جارێکی دیکە لەهەرمی کوردستان سانسۆر بۆسەربەشێک لەچاپکراوەکان گەڕاوەتەوەو لەدەرەوەی دەقی یاساییش، کەناڵی ڕاگەیاندن دادەخرێ؟!


ڕاستە بەحوکمی سروشتی دینامیکی کاری ڕاگەیاندن و ڕۆژنامەگەریی ، پێویستە یاساکانی ئەم بواره ناوە ناوە پێداچونەوەیان پێدابکرێت و بەجۆرێک هەمواربکرێن کەلەگەڵ ڕەوتی سەردەم و بەرژەوەندی و واقیعی کۆمەڵایەتیدا بگونجێن..هەروەها ئێمە بۆشایی یاساییشمان زۆرە من پێشتر لە وتارێکدا لەهەفتەنامەی (ڕوداو) بەیانم کردوون، پێویستە ئەوانیش پڕ بکرێنەوە..


بەڵام وەکو مەبدەء وڕێزگرتن لەیاساکانی پەرلەمانی خۆمان، پاشەکشە کارێکی خراپە،ئێمە پاش 25 ساڵ لە هەڵوەشاندنەوەی سانسۆر،چۆن ئەبێ بگەڕێینەوە بۆ ئەو نەریتە دواکەوتوە؟ یان چۆن ئەبێ بەبێ بوونی دەقێکی یاسایی کەناڵی تەلەفزێونی دابخرێ؟! ئەمانە پرسیاری جددی و جەوهەرین،دەبێ لایەنی پەیوەندیدار وەڵامیان بداتەوە.

حامد محەمەد عەلی

حامد محمدعلی لەدایكبووی 1960 خانەقین دەرچووی زانكۆی بەغدا ـ كۆلیژی ئەدەبیات ـ بەشی ڕاگەیاندن.. ماستەر لە ڕاگەیاندن و ڕۆژنامەگەریی لە زانكۆی سانت كلیمێنتس ـ ئۆنلاین ..ئەنامی دەستەی دامەزرێنەرو سكرتێری پێشووی سەندیكای ڕۆژنامەنوسان . لەساڵی 1985 وە لە بەغدا دەستی بەنووسین و بڵوكردنەوە كردووە بە عەرەبی و كوردی.. سەرنوسەری ڕۆژنامەی یەكگرتوو لە 1999ـ 2005 . بەشدارێكی كارا بووە لەداڕشتنی پڕۆژە یاساكانی سەندیكای ڕۆژنامەنووسان و ڕۆژنامەگەریی لە هەرێمی كوردستان .. بەشداریی لەدوو كۆنگرەی ڕاگەیاندنی ئێراقی كردووە لە بەغدا 2005 و لە پاریس 2007 .هەروەها بەشداری لە دووكۆنگرەی فیدراسێونی نێودەوڵەتی ڕۆژنامەنووسان كردووە لە ڕوسیاو لە ئەسپانیا لە 2007 و 2010..چەند نامیلكەیەكی چاپكراوی هەیە لەبواری جیا جیا ..