كاری خۆبەخشی -وێستگەی گەورەبوون

  سێ شەممە, 12 حوزەیران 2018 12:57

بەندە نامەوێت باسی گەورەیی و ئەهەمییەتی كاری خۆبەخشی بكەم چونكە مەگەر تەنێ ئەوانەی چاوی دڵانیان كوێرە هەستی پێ نەكەن! كۆمەڵە دێرێك نانوسم باسی خۆبەخشی و مێژووی و هتد.. بكەم..
بەندە..دەمەوەێ شتگەلێ عەرز بكەم تا خوێنەری كورد هەست بكا كە حەقەتەن كاری خۆبەخشی لەم هەرێمەی كاولستانەدا وجودی هەیە و ئەویش هەر لە پەنجەرەی عەیشی خۆیەوە بۆی بروانێ و بە سادەترین هەوڵ سەپۆرت و پشتیوانی لێ بكات..
ژیران باش ئەزانن, لە گشت دەوڵەتێ كاری خۆبەخشی بەرادەیەك ئەهەمییەتی هەیە, سیڤیەكەت بەرز و باڵا دەكات, ئەمە لەلایەنی فەردی و بە شكڵی عمومی سەرانی دەوڵەت و حكومەتان و سەرمایەداران و بزنسمان و كۆمپانیاكان كاری ساڵانەیان دەعمی كاری خۆبەخشانە! وەلێ لەم هەرێمە كاولبووەدا ئەو شتگەلە وجودی نییە, بەڵام خۆنچەی پشكتوی خۆبەخشی لە باغچەی گەنجانا شین بووە و گەشە دەكات الحمدالله..
گەرچی ئەوئیلی كاری خۆبەخشی بە نیسبەت دەگەرێتەوە بۆ ئیسلامییەكان و ئەوان لە 1994 ەوە لەرێگای رابیتە و اغاسە و ندوە و دەیان شتی ترەوە كاری خۆبەخشی و خێرخوازیان ئاوێتەی یەككردووە و تا ئێستێش داینەمۆی ڤۆلێنتێریان بە داگیرساوی هێشتووەتەوە, رێكخراوی بەختەوەری و رێكخراوی هانا نمونەی حەی و زیندوون و خەڵاك شایەتی بۆ دەدات, وەلێ ئەوەی یاد دەیهەوێ بیخاتە روو شوعلەی نوری تازەیە بە دەستی گەنجانەوە..
لەگەڵا ئەم رەمەزانە شەریف و موبارەكەدا گەورەتیرین كارێ كە خۆبەخشان مژۆلی بوون ئیهیتمام دان بوو بە بەشە ناوخۆییەكان و ئیفتاریان, ئەوان هۆشمەندانە دەركیان بە مەدای زەرورەتی ئەوە كردبوو چەندە گرنگە گەنجێ كە لە دوورە مەملەكەتی خۆ عەیشی گوزەر ئەكات تۆ ببیت بە میهرەبانێ بۆی و ئیفتاری بۆ بسازێنی..
1-خۆبەخشان لە رێكخراوی گەشەپێدانی قوتابیانی كوردستان لەم رەمەزانەدا كارگەلی وایان ئەنجام داوە‌ نەزانێ دیبێتی وتوویەتی ئەمە دەوڵەتێكی لە پشتە!! بێ ئاگا لەوەەی دافیعی دینی و دەعەوی لە هیمەت و لەپشتبوونی سەدان دەوڵەت بەهێزترە! كار لەبۆ خوداكردن چی ئاستەنگە لەبەردەمت لادەدات ! چی كارێكە بۆت سەهل و ئاسان دەكات‌ مرۆی دیندار كە خەریكی خزمەتە - تەسهیلاتی خودایی بە عەینی قەلبی ئەبینێت و لەسەر ئەوەش حەمد دەكات! گەشەپێدان لەهەموو ناوچەیەكی ئەم كوردستانە بەربانگی بۆ قوتابیانی بەشە ناوخۆیی رێكخستووە.. ئایا تۆ چوویت لە قاسە و خەزێنەی خۆتەوە دە وەرەقەیەك دەربینیت و بیخەیتە دەستی ئەو گەنجانە و پێیان بڵیت ئەمن مەمنون كە ئەوەی دەبێ ئێمە بیكەین ئێوە دەیكەن.. !!
2-رێكخراوی سكۆلەر! رووی بەعزە ئیعلامێك رەش بێت كە بۆگەنییەت لەهەر مەقامێ وجودی بوو نەقڵی ئەكەن‌ فەساد لە هەر شوێنێكی ئەم ئەرزە بوو وەری دەگێرن .. وەلێ رێكخراوێك كە كۆمەڵە گەنجێكی دیندار و خوداناس و خزمەتگوزار, بە هیمەت و فیداكار بەرێوەی ئەبەن غەیری كەناڵی ئیعلامی فەیسبوكی خۆیان كەسی تر نەبێ نەقڵی بكات! كاڵفامانە مەڵێ با كاری چاكە نەقڵ نەكرێ و لەنێوان بەندەهـ و خودادا بێت.. ئەمەی تۆی نەخوێندەوار دەیڵێیت بە رەخنەیەكی زۆر بەهێزی دەزانیت باسی كەسێكە كە كردارەكە و حاڵەكە لەنێوان خۆی و خودای دابێ ! نەك كۆمەڵە خۆبەخشێ كە گەر ئاشكرای نەكەن یارمەتی و هیمەتیان بۆ نایەت ! ستایش بۆ پەروەرێن كە گەنجگەلی وەهای خولقاندووە كە خزمەت بە واجب بزانن و بێ ئەوەی چاوەنواری پاداشتێكی دونیەوی بن ئەوانە زێر و گەوهەرێكن..
3- رێكخراوی دڵنەوا ! بە ساكینی, كەس نازانێ, لەسەر سفرە و هەرخوانێ‌ دڵنەوا ئامادەگی هەیە! ئەرێ ئێوە چ كەسێكن! خزمەت لاتان, عەشقە و وەفا, لاتان بی ئەرزشە خراپە و جەفا! خەریكی چین هەموو رۆژێ سەد سەبەتە خۆراك لەبۆ ئەو و سەدانی تر بۆ وانی تر! خەریكی چین! بەربانگێك بۆ دڵنەوایی لەلایەن رێكخراوی دڵنەوا ! خوداوەند دڵنەوای دڵاتان بێ‌ تا ئەبەدی یارمەتی دەری كارتان بێ!
-غایەتی من .. ئەوە بوو خوێنەری بەرێز كاری خۆبەخشی لە ماڵەكەی خۆتەوە دەست پێبكە.. سادەترین هەوڵا و پشتیوانی لە رێكخراوی گەشەپێدان لە سكۆلەر و لە دڵنەوا بكە ! ئەوەی كاری خۆبەخشی كرد وا گەورە بوو.. هەم لای خودا.. پلیكان بە پلیكان دەچێتە سەما! لای خەڵاكیش هەم ئیسمی دەبێ هەمیش موسەما !
پشتیوانی مادی و مەعنەویت, هەم خودا دەیبینێ هەم رەسولی سەردار (سەلامی خودای لەسەر) هەمیش خەڵاك.. دڵت گەورە بكە وجودت گەورە دەبێ.. گەنجانی خۆبەخشت چاوەرێتن..
ۆقُلِ اعْمَلُوا فَسَێرَی الڵّهُ عَمَڵكُمْ ۆرَسُولُهُ ۆالْمُۆْمِنُونَ

یاد نورسی

-وتاربێژ
-وه‌رگێر
-کارگێری راگەیاندنی رێکخراوی شافعی
-خاوه‌نی دوو به‌رهه‌می چاپكراو
-نوسین و وتاره‌كانی له‌ سایت و گوڤار و رۆژنامه‌كان بڵاوده‌كاته‌وه‌