بنیات و به‌رهه‌مێن روحانیه‌تا ئیسلامى (21)

  چوار شەممە, 12 ئەیلول 2018 16:40

ده‌لیڤه‌وهه‌لكه‌فتێن خێرێ(خ21)

هه‌لكه‌فتێن خێرێ ژ بابه‌تێن گه‌له‌ك گرنگن د ئایینێ ئیسلامێ دا ژبه‌ر هندێ دێ بینی ب ره‌نگه‌كێ به‌رفره‌ھ و جودا جودا گرنگی ب هه‌لكه‌فتێن خێرێ هاتیه‌ كرن ، هه‌روه‌سا چ ئایینان وه‌ك ئیسلامێ گرنگی ب ڤی بابه‌تی نه‌دایه‌ 

هه‌لكه‌فتێن خێرێ د هه‌می روژ و حه‌فتی و مه‌ھ و سالاندا دیار كرینه‌
ژبه‌ر هندێ ئه‌گه‌ر هه‌ر مروڤه‌كێ ئیماندار ب رژدی كار لسه‌ر بكه‌ت و گرنگیێ پێ بده‌ت دێ خێرێن گه‌له‌ك مه‌زن ب ده‌ست خوڤه‌ ئینیت و دێ بیته‌ ئه‌گه‌رێ هندێ گه‌له‌ك نێزیكی خودێ ببیت و هه‌ژی رازیبوونا خودێ ببیت
لسه‌ر ڤی بابه‌تی خودێ حه‌ز بكه‌ت دێ پتر نموونا ئینین دا باش بومه‌ دیار بیت كا چه‌وا گرنگیێ پێ بده‌ین و ژ ده‌ستێن خو نه‌كه‌ین.

نموونا ئێكێ ره‌مه‌زان:
كا چه‌وا روژی و ره‌مه‌زان ئێكه‌ ژ شه‌نگستێن ئاینێ ئیسلامێ لسه‌ر ڤی بابه‌تی گه‌له‌ك هه‌لكه‌فتێن دی یێن هه‌ین هه‌ر په‌رستنن و وه‌كی روژیێ خودایێ مه‌زن یێن بومه‌ كرینه‌ ده‌لیڤێن خێرێ و ئه‌م پێ نێزیكی خودێ ببین
چه‌وا ده‌مێ مروڤ ژ ره‌مه‌زانێ خلاس دبیتن د ئیسلامه‌تیێ دا بوته‌ ده‌لیڤه‌ك یا هاتیه دان خێرێن ته‌ مه‌زنتر لێ بێن تو شه‌ش روژیێن دی بگری د هه‌یڤا شه‌والێ دا ، پشتی هه‌یڤا شه‌والێ خلاس دبیتن ده‌لیڤه‌كا دی دئێتن كو دبێژنێ ده‌هكێن جه‌ژنا قوربانی و تایبه‌ت گرتنا روژا عه‌ره‌فێ گوننه‌هێن دوو سالا د غه‌فرن ددویفدا ده‌لیڤه‌كا دی دئێتن دبێژنێ نه‌هین و ده‌هین كو ئه‌وژی گوننه‌هێن ساله‌كێ د غه‌فرن..
ب ڤی ره‌نگی دینێ مه‌ ژمه‌ دڤێتن ئه‌م لسه‌ر روژیێ دبه‌رده‌وام بین وه‌ك سننه‌ت دا هه‌ركارتێكرنا ره‌مه‌زانێ بمینته‌ لسه‌ر ژیانامه‌ و كه‌سایه‌تییا مه‌ پێ ب هێز بكه‌ڤیت
ژبه‌ر هندێ پێغه‌مبه‌ر سلاڤ لسه‌ر بن به‌رده‌وامیێ دده‌تێ و ڤی بابه‌تی به‌رفره‌هتر لێ دكه‌ت و هنده‌ك ده‌رفه‌ت و هه‌لكه‌فتێن دی بومه‌ دیار دكه‌تن وه‌ك گرتناسێ روژێن سپی كو دنیڤا هه‌ر هه‌یڤه‌كا عه‌سمانی نه‌ یان گرتنا دووشه‌مب و پێنج شه‌مبا ، بتنێ ئه‌ڤه‌ د بابه‌تێ روژیێ دا هه‌می ده‌لیڤه‌ و هه‌لكه‌فتن مروڤ خێره‌كا مه‌زن بده‌ست خوڤه‌ بینیت.

نموونا دووێ نڤێژ:
كا چه‌وا وه‌ك شه‌نگسته‌ك لسه‌ر بوسلمانا فه‌رزه‌ هه‌ر ب وی ره‌نگی ئیسلامه‌تیێ چه‌ندین ده‌لیڤه‌ و هه‌لكه‌فتێن دی داینه‌ مه‌ ئه‌م ب نڤێژێ خو نێزیكی خودێ بكه‌ین وه‌ك سوننه‌تێن لگه‌ل نڤێژێ یان رابوونا شه‌ڤێ به‌ری نڤێژا سپێدێ یان كرنا سوننه‌تا روژهه‌لاتێ ( صلاة الضحی ) كو به‌رامبه‌ری سێ سه‌د و شێست خێرایه‌
هه‌روه‌سا سوننه‌ت وه‌ك شێوازێ نڤێژێ د گه‌له‌ك مه‌یدانێن دی یێن ژیانێ داهه نه.

نموونا سیێ زه‌كات:
كا چه‌وا زه‌كات وه‌ك شه‌نگسته‌ك لسه‌ر بسلمانا فه‌رزه‌ د ئیسلامێ دا ب ده‌هان رێكێن دی یێن هه‌ین هه‌ر ب مالی مروڤ خو نێزیكی خودێ بكه‌ت وه‌ك دانا سه‌ده‌قێ ب ره‌نگه‌كێ راسته‌وخوو هاریكاری بو هه‌ژاران یان دانا مالی وه‌ك چێكرنا پروژه‌كی به‌رده‌وام خێر پێڤه‌بێت یان هاریكاری یا مروڤێن زانا و بانگخواز بو به‌لاڤكرنا ئیسلامێ یان بو چاره‌سه‌ری یا هه‌ر ئارێشه‌كێ دناڤ جڤاكێ بسلمانا دا

نموونا چارێ حه‌ج :
وه‌ك شه‌نگسته‌ك ژ شه‌نگستێن ئیسلامێ دبیت نه‌ وه‌كی شه‌نگستێن دی بیت ببه‌رفره‌هی مروڤ هاریكاریێ بكه‌ت یان هه‌لكه‌فتێن خێرێ تێدا بن به‌لێ مروڤ دشێت هه‌تا رادده‌كێ باش هه‌لكه‌فتێن گرێدایی ب حه‌جێ ڤه‌ په‌یدا بكه‌ت ، ئه‌گه‌ر خودێ چوونا حه‌جێ ب رزقێ ته‌ كربیتن ئه‌ڤه‌ ژ نیعمه‌تێن گه‌له‌ك مه‌زنه‌ لێ ئه‌گه‌ر ته‌ هێشتا ئه‌ڤ فه‌رزه‌ ئه‌دا نه‌ كربیت دڤێت تو هه‌می رێكا بكاربینی و وان ئه‌گه‌را به‌رده‌ست بكه‌ی دا بشێی ئه‌ڤێ فه‌رزێ لسه‌ر خو راكه‌ی
به‌لێ ئه‌و بابه‌تێن هه‌لكه‌فتا ب حه‌جێ ڤه‌ دروست دكه‌تن عومرێن به‌رده‌وامن یان هاریكاری یا هنده‌ك كه‌سا بكه‌ی كو بشێن فه‌رزا حه‌جێ راكه‌ن یان بوخو بچنه‌ عومرێ ، كا چه‌ند خێر دگه‌هیته‌ وان دێ ل وی ئاستی گه‌هیته‌ ته‌ژی ب تایبه‌ت ئه‌م بو وان كه‌سا دبێژین یێن خودێ نیعمه‌تا مالی لگه‌ل كری.

* بڤی ره‌نگی بتنێ مه‌ چار نموونێن شه‌نگستێن ئیسلامێ كرنه‌ نموونه‌ به‌لێ د هه‌می مه‌یدان و بیاڤ و كریارێن ئیسلامێ دا نموونه‌ د مشه‌نه‌ و ده‌لیڤه‌ و هه‌لكه‌فتێن خێرێ د زورن ئه‌گه‌ر مروڤ گرنگیێ پێ بده‌ت و روحا خو پێڤه‌ گرێده‌ت دێ ژیانا مروڤی ل دونیایێ و ئاخره‌تێ پری به‌ره‌كه‌ت كه‌ت.