سێ کوچکەی گۆڕان وگەشەسەندن 

  دوو شەممە, 05 تشرینی دووەم 2018 07:10

شارەزایان پێیان وایە بۆگۆڕانکاری و پێشکەوتنی هەرکۆمەڵگەیەک لەم چەرخەدا، سێکوچکەیەکی پێویست هەیە، ئەوانیش بریتین لە:

1ـ ئابورییەکی بەهێزو تۆکمە.

2- پەروەردەو فێرکردنێکی پێشکەوتوو.

3ـ مێدیایەکی پیشەیی بەرپرس. واتە ئەگەر ئەوسێ کەرتە لەهەر وڵاتێکدا بەهێزو پێزبوون،ئەوە کۆمەڵگە ڕوو لەگۆڕان و گەشەسەندن و پێشکەوتنە، دیارە پێچەوانەکەشی ڕاستە.

بەداخەوە لەکوردستانی خۆمان، لەکەرتی ئابوریدا زۆرتر تەرکیز لەسەرنەوتەو سێکتەرە ئابوریەکانی دیکە،بایەخێکی ئەوتۆی پێ نەدراوە.

زۆریش بەداخەوە ،کەرتی پەروەردەو فێرکردن،تەنها بەشێوەی ئاسۆیی فراوان دەبێ و دەکرێو لەڕووی ستونی و کوالێتیەوە،نەک جێی دڵخۆشی نیە، بەڵکو مایەی نیگەرانی پسپۆران و خەمخۆرانی ئەم بوارەیەو کەموکورتی زۆری تێدایە،چ لەژێرخان و چ لەسەرخانەکەشی..

سەبارەت بەمێدیاو ڕاگەیاندنیش، کەدەمێکە بەدەسەڵاتی چوارەم دراوەتە قەڵەم و نەتەوە یەکگرتوەکانیش جەخت لەسەر ئەوە دەکاتەوە کەپێویستە ئازادی ڕۆژنامەگەریی ومێدیا بۆ خزمەتی پەڕەپێدانی هەمەلایەنە بەکاربێت، لەهەرێمەکەی لەمەڕ خۆماندا، دیسان ئەوەندەی بە ئاسۆیی و ژمارە فراوان بووەو دەبێت ، دەیەکی ئەوە وەکو پەیامێکی شارستانی ،کۆمەڵایەتی ، پەڕەپێدەرو پیشەیی ،نەچۆتە پێش وگەشەی نەکردوەو بگرە نەلەلایەن دەسەڵاتەوەو نەلەلایەن کۆمەڵگەشەوە،وەکو پیشەیەکی ڕێزلێنراوی ـ ڕێکخراو ، سەیرناکرێ و هێشتا لە پاشاگەردانیدا دەژی.

حامد محەمەد عەلی

حامد محمدعلی لەدایكبووی 1960 خانەقین دەرچووی زانكۆی بەغدا ـ كۆلیژی ئەدەبیات ـ بەشی ڕاگەیاندن.. ماستەر لە ڕاگەیاندن و ڕۆژنامەگەریی لە زانكۆی سانت كلیمێنتس ـ ئۆنلاین ..ئەنامی دەستەی دامەزرێنەرو سكرتێری پێشووی سەندیكای ڕۆژنامەنوسان . لەساڵی 1985 وە لە بەغدا دەستی بەنووسین و بڵوكردنەوە كردووە بە عەرەبی و كوردی.. سەرنوسەری ڕۆژنامەی یەكگرتوو لە 1999ـ 2005 . بەشدارێكی كارا بووە لەداڕشتنی پڕۆژە یاساكانی سەندیكای ڕۆژنامەنووسان و ڕۆژنامەگەریی لە هەرێمی كوردستان .. بەشداریی لەدوو كۆنگرەی ڕاگەیاندنی ئێراقی كردووە لە بەغدا 2005 و لە پاریس 2007 .هەروەها بەشداری لە دووكۆنگرەی فیدراسێونی نێودەوڵەتی ڕۆژنامەنووسان كردووە لە ڕوسیاو لە ئەسپانیا لە 2007 و 2010..چەند نامیلكەیەكی چاپكراوی هەیە لەبواری جیا جیا ..