خویندنگا ئاینیەكانی كوردستان لەپەراوێزخستنەوە بەرەوكۆتایی

خوێندنی زانستە ئیسلامییەكان لەكوردستاندا،میژوویەكی زێڕینی هەزار ساڵەی هەبوو، زورێك لەشارو شاروچكەكانی كوردستان دیواری ئاساری ئەوخویندنگانەی تێدایەو باس لەسەربەرزی و دینداری ئەم میللەتە دەكەن، كەسەردەمانێك ڕوڵی زانكۆیان بینیوەو هەزاران ڕۆڵەی ئەم میللەتەیان بو هەمووپارچەكانی كوردستان لەرووی زانستییەوە پێگەیاندووە و پەروەردە كرووە، بەڵام مەخابن ڕۆژ بەڕۆژ بێ خزمەت و خەمخۆر ماوەتەوە.

لەم سەردەمی حكومەت و پەرلەمانی كوردیش لەباشوری كوردستاندا بونە قوربانی لەنێوان وەزارەتی ئەوقاف و پەرورەدەدا.
نە وەزارەتی ئەوقاف بە درێژای ساڵانی ڕابردوو توانی خەمێكی دڵسۆزانەیان لێ بخوات نە ئێستاش كەخراونەتەسەر وەزارەتی پەروەدە، ئێستا ڕووی گللەی هەمووی لە وەزارەتی پەروەردەیە، كە وا هەتس ناكات تەنها (مڵۆیەكیش هاتبێتەسەر خەرمانی) و هیچ ئاوڕێكی جدیان لێ ناداتەوە، وەك ئەوەی چاوەڕێی مەرگ و كۆتایهاتنیان بكات و ئەو سەرئێشەیەی لە كۆڵ بێتەوە، (مەنهەجێكی تێكەڵاو) لەنێوان خوێندنی (وێژەیی و ئیسلامی) و دواڕۆژێكی بەرتەسك و چارەنوسێكی نادیار كە زۆرێك لە قوتابیانی تووشی ڕاڕایی و دەڵەڕاوكێی كردووە.
لێرەوە ڕووی وشەم دەكەمە ئەم لایەنە پەیوەندیدارانە:
وەزیری پەروەدە، ئەم قوتابیانە ڕۆڵەی ووڵاتەكەمانن و لە چوارچێوەی دەسەڵاتی وەزارەتەكەی بەڕێزتاندایە، خەمخواردنیان ئەركی سەرەكی ئێوەیە، جا یان خوێندگاكانیان دابخەن یان لەبەشەكانی (زمان، یاسا، شەریعە) دەبێت و وەربگیرێن.
بەڕێوبەری خوێندگاكان: بەرپرسیارێتی ئێوەش كەم نیە، كاتی ئەوە هاتووە لەكفری تا زاخۆ یەك هەڵوێست و یەك داخوازی بن لە پێناو بێ بەرهەم نەبونی ماندونەكانمان.
قوتابیان: پێویستە لوبیك دروست بكەن و بزانن جوڵەی خۆتان خزمەتی باشتان پێدەكات و بێدەنگیتان چارەنوستان ونتر دەكات.

 

*ماموستا لە دواناوەندی سلیمانی ئیسلامی