ژمارەكان لەبارەی ساڵێكی تەمەنت چی دەڵێن؟

  چوار شەممە, 02 کانونی دووەم 2019 07:35

دەمەوێت بە زمانی ژمارەكان دەست پێ بكەم,چونكە ئەوان هەرگیز هەڵەناكەن لە ئاخاوتندا.

ئەگەر ئاوڕێك لە ساڵی ڕابردووی هەر تاكێك بدەین و ژمارەكان بهێنینە گۆو ئامارێكی كارەكانمان بهێنێتە پێش چاو ئەوا دەبینن كە چەن بازمان بەسەر كاتەكاندا داوە.
ساڵێك كە ساڵی 2018 بهێنینە پێش چاو كە 365ڕۆژە وە8760كاتژمێرە.
ئەگەر لە شەو ڕۆژێكدا 8 كاتژمێری تەمەنمان بە خەوتن بەسەر بردبێت ئەوا لە ساڵێكدا 2920كاتژمێر خەوتوین , كە دەكاتە121 ڕۆژو 16 كاتژمێر.
هەموومان خواردن دەخۆین و ڕۆژانە بەتەواوی ژەمەكان و خواردنی نێوان ژەمەكان یەك كاتژمێرمان بەسەر بردبێت بە خواردنی خواردن ئەوە لە ساڵەكەدا 365كاتژمێر سەرقاڵی نان خواردن بوین كەدەكاتە 15 ڕۆژوو 5كاتژمێر.
ئەگەر ڕۆژانە 30 خولەكە بۆ چونە سەر ئاو تەرخان بكەین ئەوا كۆی ساڵەكە 182,5كاتژمێر مان بە چونە سەر ئاو بەسەر بردووە , كە دەكاتە7ڕۆژو 14كاتژمێرو نیو.
ڕۆژی یەك كاتژمێر تۆڕكۆمەڵیەتیەكان و تیڤی وهۆكاری پەیوەندییە كان بەكاربهێنین ئەوا كۆی ساڵەكە دەكاتە 365 كاتژمێر, كە 15 ڕۆژو 5كاتژمێرە
كۆی ئەو كاتژمێرو ڕۆژانەی بە خەوتن و نانخواردن و چونە سەرئاو بەكارهێَنانی تۆڕە كۆمەڵیەتیەكان بەسەر مان بردووە دەكاتە 3832,5كاتژێر , وە 159ڕۆو 16 كاتژمێر دەكات ئەوەی دەمێنیتەوە 4927,5كاتژمێری تەمەنمان لە ساڵێكە كە دەكاتە 205ڕۆژو 8كاتژمێر.
ئەگەر سەیرێكی كاتی ماوەی تەمەنمان بكەین و بزانین لەو كاتەدا چەندی بۆنوێژەكان تەرخان دەكەین؟ چەندی بۆ خوێندنی قورئان وە یان خوێندنی كتێبێك .ئەمە لەكاتێكدا هەریەكەمان بە پێی جۆری كارەكەی لانی كەم ڕۆژێك 6-10كاتژمێر دەبەخشێت بە كارەكەی .
دەبێت بپرسین لەخۆمان ئایا دوای خوێندنەوەی ئەو ژمارانە پێ بكەنین یان بگرین.یاخود بالەخۆمان بپرسین تەمەنێكی درێژ مان هەبوە كە ئەویش لە ساتی لەدایك بون و پێگەشتنی جەستەو خواردن و خەوتنە یان تەمەنێكی پان كە مرۆڤ كاتی خۆیلە پێناو گەشەو ئاگای و زانیاری و بەرزكردنەوەی ڕۆحی بەسەر دەبات
كاتێك پەیامنیرێك بە گەنجێك دەڵێت ساڵی ڕابردوو دڵتەنگ بویت؟ ئەویش دەڵێت: بەلێ‌ چونكە قلێكم نەبو ئەوەشی هەم بوو بۆڕابواردن بوو
كاتێك گەنجێكی وڵاتی من هەموو خەمی دۆزینەوەی قلێك و كات بەسەر بردنی بێت ئە بێت چی چاوەڕێی داهاتووی بكرێت؟ ئەبێت ژمارەی كاتەكان لەبارەی ژیانی ئەو چ كارەساتێك باس بكەن ؟مرۆڤەكان هەمیشە بیر لە تەمەندرێژی دەكەنەوەو هەوڵدەدەن تەمەنێكی درێژیان هەبێت نەك تەمەنێكی پان بۆیە كاتێك نزیكی كۆتاییەكانی تەمەنی دەبێتەوە دەست بە پان بونی تەمەنی دەكات.نابێت ئەوەمان لەیاد بچێت هەموو شتێك لەم ژیانەدا دوولایەنە بۆیە ئەوكاتەی هەیە بە هەمان شێوەی شتەكانی دیكەیە ئەوە ئێمەین كە چۆن بەكاری دەهێنێن و تێی دەپەڕێنین. ئەوەشمان بیربێت ژیانێك مردنی لە دوابێت كەوایە نرخێكی نییە