حەجى بەرپرسانى بیانى بەرەو بەغدا

 

ئەمەریکا لە رۆژهەڵاتى فوراتى سوریا دەکشێتەوە، کەچى عێراق بووەتە ڕووگەى سەردان و جموجوڵە سیاسی و دیبلۆماسییە نێودەوڵەتى و ئیقلیمییەکان.

هێزە ئەمەریکییەکان پەیتا پەیتا لەوێوە بارگەو بنە دەپیچنەوە بەرەو بنکەکانى عێراق، هەفتەى ڕابردوو پۆمپیۆ هات،  یەکەم، بۆ ئەوەى جێگە بۆ ئەو هێزانە خۆش بکات، دووەمیش گوندەییەکەی تڕامپ لەسەر دەرونى هەندێ لە عێراقییە ناڕازییەکان سووک بکات کە شەوى سەرى ساڵ بەنهێنى و بەبێ پرس خۆى کرد بە ڕومادێدا، لەپەنا ئەوەشدا ڕاى ئاشکراى واشنتۆنى لەبارەى ئێرانەوە دا بەگوێى عێراقییەکاندا.

ئوردن لە سودمەندە یەکەمەکانى نەوت و بارزگانى عێراقە، هەروەها ترسی زۆریشى هەیە لە بیابانەوە داعشى سوریا بکشێن بەرەو سنورەکان، شا عەبدوڵڵا هاتووە بزانێت عێراق بۆ ئەم دوو دۆسیەیە چى بۆ دەکات؟.

بەغدا لەسەرەتاى قەیرانى سوریاوە (2011) تا ئێستا پەیوەندییە سیاسییەکانى لەگەڵ رژێمى ئەسەد بەردەوامەو کاتى خۆى مالیکى هاوارى کرد “بۆچى رژێمى سوریا بروخێت؟ چۆن دەروخێت!”، ئێستاش دەکرێت ببێتە دەروازە بۆ فەرەنساو هەر وڵاتێکیترى عەرەبى کە بیەوێ مەرحەباى بەشار بکات، یان ئەوانەى لەشکرو راوێژکاریان هەیە لە سوریا.

ئێرانییەکان بەگومان و دردۆنگن لە گواستنەوەى هێزە ئەمەریکییەکان لە سوریاوە بۆ نزیک سنورەکانى ئەوان، جگە لەوەش لەئیستادا عێراق کەوتۆتە چەقى کێشمەکێشى توندى نێوان واشنتۆن و تاران، جەواد زەریف هاتۆتە بەغداو پێنج ڕۆژى تەواوى پێدەچێت لەعێراق. لەم سەردانەدا زەریف، ئاوێکى کرد بەئاگرى نێوان عەسایب و حیکمەدا و دێتە کوردستانیش بۆ نێوانگرى پارتى و یەکێتى، بڕیاریش وەهایە بەدوایدا ڕۆحانى سەرى عێراق بدات و لەهەنگاوى یەکەمیشدا ڤیزاى سەر بازرگانان لادرا.

لە ئێستادا مەرجەعیەت و ئێران، لەمپەر ئەبن لەشەڕى گروپە شیعەکانى ئێران، چونکە کاتى ئەو پاڵەوان بازییە مناڵانەیە نییەو هەموو چاوەکان لەسەر ئەوەن عێراق چى دەکات لەنێوان پێداگریی ئەمەریکا بۆ گەمارۆى توندى تاران و گوشارى بەرپرسانى ئێران لەسەر عێراق تا بەگوێى ئەمەریکا نەکات.

بەلاى ئێرانییەکانەوە عێراق دەلاقەیەکە جگە لەوەى بازارێکى گەورەى ساغکردنەوەى کاڵاى هەرزان و کواڵێتى نزمە، دەکرێت لەرێگەیەوە بەئاسانى کۆنتاکت لەگەڵ دنیاى دەرەوە بکرێت بەو پێیەى جمەى دێت لە باڵیۆزخانەو بەرپرس و لەشکرى بیانى، هەروەها خاوەن سەروەریی خۆیشى نییە هەتا تێچوونى نێوانگرییەکەى قورس بێت و کاتى زۆر ببات، ئیرانییەکان هەرکات ویستیان دەتوانن بەڤیزاو بێ فیزا