باری دەرونی تاكی كوردی بەرامبەر دوو وێنە


لە ماوەی دوو ڕۆژدا هەر لە كەناڵی ئاسمانی ڕوداو دوو وێنەدێنین و كەمێك لە سەریان دەوەستین و ئاماژە بە كاریگەری ئەو دوو وێنە دەكەین لە سەر باری دەرونی تاكی كوردی ، تا بزانین ڕاگەیاندن چ ڕۆڵێكی كاریگەری هەیە لە سەر باری دەرونی تاكەكەكانی ناو كۆمەڵگا .


1- لە بەرنامەكەی بەڕێز هیوا جمال شەوی 22/1/2019 كە لە گەڵ دوو ئەندام پەڕلەماندا بوو یەكێكیان بە ناوی ( هیفیدار ) كە ئەندامی پەڕلەمانی كوردستان بوو لە سەر لیستی پارتی دیموكراتی كوردستان ، ئەم برا دەرە لە ناو قسەكانیا كاتێ باسی لە سەرۆكی كۆماری عیراق دەكرد جار جاریش بە ناوە ڕوتەكەی خۆی بە دوور لە ئاماژە بە ئەو پۆستەی كە تیایدا كار دەكات ناوی دەبرد و مەرحەمەتی نواند كە ئەم ( بەرهەمە ) بۆ ی هەیە كە بچێتە هەولێر و بە دەوری قەلاِتیشدا بسوڕێتەو ەو وێنەش بگرێت ... هتد ، ئای كە مەرحەمەتێكی باش بوو ، جا ئەم برادەرە هیچ بە دەست نیە ئاوا مەرحەمەت ئەبەخشێتەوە ئەبێت ببێت بە شت چۆن لەناو مەرحەمەتی خۆیدا نوقممان بكات ، بەس وا بزانم لێی تێك چوو بوو هەر وای ئەزانی پەیمام نێرەكەی جارانی زووی ڕوداوە ، هەر چی بڵێو هەرچی بكات مەسموح بێت ئەو پەڕی بەدڵمان نیە وەك وەستا علی ئەڵێت ( بم گۆڕن و ئێمەیش ئەیگۆڕین ) ، ئای كە شەوێكی پڕ لە دەرون توندی بوو بۆ من و ئەوانەی وەك من نەفەسی ئەو دیو ئەو قسانەیان ئەخوێندەوە ، ( پڕ لە هەموو شتێك بوو بێجگە مەحەبەت ، پڕ لە هەموو شتێ بوو بێجگە پێكەوە ژیان ، بێجگە یەكتر قەبوڵ كردن ، بێجگە .... بێجگە ) .


2- وێنەی دووەم شەوی 23/1/2019 هەر لە كەناڵی ڕودا و كاتێ كوتلە كوردیەكانی پەڕلەمانی عیراق پێكەوە ئاماژەیان بە و دەسكەوتانە كرد كە لە بوجەی ساڵی 2019دا بۆ گەلی كوردیان پچڕیوە و لە هەمویان گرنگتر دابین كردنی موچەی فەرمانبەر و پێشمەرگە و خانەواندەی شەهیدان بوو هەموو پێكەوە یەك لە دوای یەك و بە یەك قسە و بە یەك وێنە ئاماژەیان بە هەما هەنگی كوتلە كوردیەكان كرد ، چەند وێنەیەكی گرنگ و مێژوویی بوو ، پێویستە ڕێز لە و ئەندام پەڕلەمانانە بگیرێت ، ئەو شەڕەی ئەوان كردویانە لە سەر قوت و ژیانی ئەو خەڵكە هەق وایە لە فرۆكە خانە كانی هەولێر و سلێمانی بە گوڵەوە پیشوازیی بكرێن ، هەموو كوتلەكان بۆ ناوچەكانی خۆیان هەوڵی تەواو دەدەن هەقی خۆیانە ، بەڵام ئەندام پەڕلەمانەكانی كوردستان ئەم ساڵ كاری نەوعیان كرد ( بە تایبەتی ئەو ئەندام پەرلەمانانەی لیژنەی دارایی) ، پێشنیار ئەكەم لە سەر ئاستی جەماوەری و ڕەسمی ڕێزیان لێ بگیرێت .

 

بغداد 23/1/2019 ئەركان رشید