هەمووان لە یادمانە كە لەسەر گڵكۆ و لە رێورەسمی بە خاكسپاردنی تەرمی مەرحوم (نەوشیروان مستەفا) بە هۆتافی (هۆی ها) جەماوەری ماتەمگێڕی گۆڕان پێشوازیان لە وتاری بەڕێز سەلاحەددین محەمەد بەهائەددین ئەمینداری گشتی یەكگرتوو كرد بە دەر لەهەموو عورقێكی سیاسی و كۆمەڵایەتی و شەهامەتی كوردانە .
هەمووانیش لەبیرمانە ئەم پیاوە كە لەنێو خەڵكی و بەگووتەی نوخبەی كوردستان بە حەكیم و هێمن و چاكساز ناسراوە چۆن وەلامی هوتافكێشەكانی دایەوە و تێیگەیاندن ئێستا كاتی ماتەمە كاتی تەسفییەی حیساباتی سیاسی و شەڕی كۆنە قین نییە .
تاوانی ئەمینداری گشتی یەكگرتوو و حزبەكەی هەرئەوەبوو كە لە حكومەتێكبوو پارتی سەرۆكایەتی دەكردو چەندجارێك سەردانی پارتی و خودی بارزانی كردبوو.
ئێستا پرسیار ئەوەیە دەبێ هوتافكێشەكانی بزوتنەوەی گۆڕان چی بڵێن كە حزبەكەیان رێكەوتنی سیاسی لەگەڵ پارتی واژوو دەكات ؟ دەنگ بە كاندیدای پارتی دەدات بۆ دەستەی سەرۆكایەتی پەرلەمان كە هەموو یان زۆرینەی پارتین ( سەرۆك و جێگری پارتی , سكرتێر نزیك لە پارتی) ئێستا دەبێ هوتافكێشەكان چی بەسەركردەكانیان بڵێن ؟ دەتوانن هوتافەكەیان بكێشنەوە و بڵێن ببورە حەكیم ؟
یان ئەوەی بۆ ئەوان و حزبەكەیان رەوایە بۆ خەڵكی تر حەرامە ؟