یەكگرتووی ئیسلامی كوردستان لە نێوان هەڵوێستەكانی ئەمڕۆ و تۆمەتی موزایەدەچیەكانی ڕابردویدا

هەرچەندە وردە وردە بۆ خەڵكی كوردستان ڕون بویەوە كە ئەو تۆمەت و موزایەدە ناڕەوایانەی كە لەماوەی چوار ساڵی ڕابردودا لەلایەن مزایەدەچی و پۆستچی و كورسی چیەكانەوە یەكگرتووی ئیسلامی كوردستانی پێ كرایە ئامانج هەمووی ناڕاست بوون و وەك كەفی سەردەریا زۆری نەبرد توانەوە ، هاوكات زەمەن دەریخست كە بە پێچەوانەوە یەكگرتوو مێژەوە سپی و بێگەردەكەی پڕ بوە لە وتنی هەق و ڕاستی و هەرچیشی كردبێت بێ منتەت بوە لە قوربانیداخۆیشی تەنانەت ئەگەر لەسەریشی كەوتبێت لە قۆناغێكی هەستیاری سیاسیدا,
چونكە ڕاستی دوای سەدەیەكیش بێت هەر دەردەكەوێت و ناڕاستی و درۆ و چەواشەكاریش زووتر لەبەردەم خەڵكدا دەپوكێتەوە و شەرمەندەی لای خوا و مێژووش دەبن.
لەوەی كە لە چوارساڵی ڕابردودا چیان پێكرابێت لە میدیا و تۆڕەكۆمەڵاتیەكان و كۆڕ و كۆبونەوەكانیاندا بەرپرس و پەرلەمانتار و كەسەباڵاكانی ناو بەشێك حیزبەكان بەرامبەر یەكگرتوو قسور و درێغیان نەكرد بەڵام ئەم هێزە ئیسلامیە ڕەسەنە بەو قەناعەتەی كە هەیبوو لە فیكری ئیسلامی و لەبەرچاوگرتنی دۆخی هەرێمی كوردستان و بەرپرسیارانە مامەڵەی لەگەڵ دۆخەكەدا كرد و بەرگەی هەموو تۆمەت و موزایەدەكانی گرت ، بە سیاسەتی حەكیمانەی خۆی نەیهێشت درۆكانیان تاسەر بڕ بكات.

ڕۆژ هات و چوو درۆكان بونە پەتێك چونە گردنی خۆیانەوە ئەوە بۆ خەڵك سەلمایەوە كە یەكگرتوو بەدوای پۆست و پلەوە نابێت ئەگەر نەتوانێت بیخاتە خزمەتی خەڵكەوە ئێستا بوێرانەتر لە جاران درێژە بە خەباتی سیاسی و پەرلەمانی خۆی دەدات خوداش یاربێت ڕاستی دیكە بۆ خەڵك ئاشكرادەبێت.

هاوكات لەخولی نوێی پێكهێنانی حكومەتێكیشدا كە هیچ چاوەڕوانیەكی ئەنجامدانی چاكسازی لێ ناكرێت جیاواز لە حیزبەكانی دیكە كە سەرقاڵی كۆكردنەوەی حسابات و بەرژەوەندیەكانیانن ، بۆ وەرگرتنی پۆست وەزارەت و بەڕێوەبەری گشتی دەرگای لە لیژنەی دانوستانكاری پێكهێنانی حكومەت نەكردەوەو ئەوەشی بۆ هاوڵاتیان ڕونكردەوە كە هیچ پۆست و بەرژەوەندیەكی حیزبی نیە و هیچ كاتێك لە ستراتیژی خۆی لاینادات كە ئەویش بەریگری كردنە لەمافەكانی هاوڵاتیان.