مینوتی جارێكی دیكە ریال مەدریدی رەخنەباران كرد

31/03/2016 - 10:02 بڵاوکراوەتەوە لە هەواڵەكان

 

سیزار لویس میونتی راهێنەری پێشووی هەڵبژاردەی ئەرجەنتین كە بە دژی یانەی ریال مەدرید ناسراوە ، جارێكی دیكە هێرشدەكاتەوە سەر یانە ئیسپانییەكە".

مینوتی لەلێدوانێكیدا بۆ ئێستگەی (كادینا سێر)ی ئیسپانی ووتی : " ریال مەدرید ؟ ، پێم وایە ئەو تیپە نازانێت چی دەكات و لەسەر یاریگا پێویستی بە چییە".

ئەو ووتیشی : "  ریال مەدرید خاوەنی ناسنامەی خۆی نییە ، خاوەنی پلانێكی روونی نییە ، یاریزانەكان تەنها لەسەر چیمەنی یاریگا یاری دەكەن ، ئەگەر دڵخۆشبن دەبەنەوە ، بەپێچەوانەوە نەخێر".

مینوتی ستایشی بارسا دەكات و دەڵێت : " لەراستیدا ئەم تیپە ساڵانێكی زۆری بەرێكرد بۆ ئەوەی بگاتە ئامانجی خۆی ، من پێم وایە بابەتەكان تەنها پەیوەندی بە مێسی نییە وەك ئەوەی باسی دەكرێت".

رێكان عزیز