هەولێر لە زاخۆی بردەوە

31/03/2016 - 09:40 بڵاوکراوەتەوە لە هەواڵەكان

 

KFA- لە خولی نایابی فاستلینكی كوردستان فەرحان شەكور سەركردایەتی یانەی هەولێری كرد بۆ سەركەوتنێكی گرنگ بەسەر یانەی زاخۆ و بە كۆكردنەوی چوار خاڵ پێشەنگی یانەكانی چوارگۆشەی زێڕینی وەرگرت.

لە میانەی یاریەكانی گەڕی دووەمی قۆناغی یەكەمی چوارگۆشەی زێڕینی خولی نایابی فاست لینكی كوردستان یانەی هەولێر پێشوازی لە یانەی زاخۆ كرد و یارییەكەی بە ئەنجامی (2 – 0) لێبردەوە".

لە خولەكی 24 لە پاسێكی جوانی (بەڵێن ووشیار) ، ( فەرحان شەكور ) یانەی هەولێری كردە خاوەن گۆلی یەكەم، هەمان یاریزان لە خولەكی 34 لێدانە سزاكەی سەركەوتوانە جێبەجێكرد و یانەكەی كردە خاوەن گۆلی دووەم".

یانەی هەولێر پێشەنگی چوار یانەكەی چوارگۆشەی زێڕینی خولی نایابی فاست لینكی كوردستانی وەرگرت بە كۆكردنەوەی چوار خاڵ.

رێكان عزیز