رێبینی گەڕایەوە یاریگاكانی سوێد

31/03/2016 - 10:30 بڵاوکراوەتەوە لە هەواڵەكان

 

رێبین ئەسعەد یاریزانی پیشەگەر كە لەریزەكانی یانەی هالمشتادی بەشدار لەخولی یانە پلە یەكەكانی سوید یاری دەكات گەڕایەوە یاریگاكان".

رێبین دووچاری پێكان هاتبوو بۆیە لەیاریگاكان دووركەوتبوویەوە ، بەڵام لەهەفتەی رابردوو بەشداری یارییەكانی تیپی دووەمی یانەكەی كرد و دوو گۆڵی تۆماركرد ، ئێستاش بۆ یارییەكانی تیپی یەكەم ئامادەیە".

رێبین لەلایەن هەڵبژاردەی نیشتیمانی عێراقەوە بانگهێشتكراوە بۆ یاریكردن ، بەڵام بەهۆی سەرقاڵی بە یارییەكانی خۆی لەگەڵ تیپە ئەوروپییەكان نەیتوانیوە پەیوەندی بەهەڵبژاردەكەوە بكات".

ئەمەو لەئێستادا چەند یاریزانێكی هەڵبژاردەی عێراق وەك یاریزانی پیشەگەر لەیانەكانی ئەوروپا و ئەمریكان ، لەدیارترینیان یاریزانان (جەستن میرام و ئەحمەد یاسین و یاسر قاسم و عەلی عەباس و ئوسامە رەشید)".

رێكان عزیز