ماتا هەرەشە لە پێشەنگی پرێمەرلیگ دەكات

30/04/2016 - 09:38 بڵاوکراوەتەوە لە هەواڵەكان

 

خوان مانوێل ماتای ئەستێرەی یانەی مانچستەر یونایتدی ئینگلیزی هەرەشە لە یانەی لیستەر سیتی پێشەنگی یانەكان دەكات كە ئاهەنگگێرانیان بۆ هەفتەیەكی دیكە دوابخەن".

لیستەر سیتی پێویستی بە تەنها سێ خاڵ هەیە تا ببێتە پاڵەوانی ئەم وەرزەی خولی یانە نایابەكانی ئینگلتەرا و بۆ ئەمەش رووبەرووی یانەی مانچستەر یونایتد دەبێتەوە".

ماتا لە لێدوانێكیدا دەڵێت : " لەراستیدا ئەوان لە بردنەوەی نازناوی ئەم وەرزەی خولەكە زۆر نزیكبوونەتەوە ، بەڵام ئێمە رێگە نادەین لە ئۆڵدترافۆرد ئاهەنگ بگێرن و پێویستە بۆ هەفتەیەكی دیكە دوایبخەن".

ئەمەو ئەستێرە ئیسپانییەكە دەڵێت : " لەم وەرزە ئاستێكی باشمان پێشكەش نەكرد ، بەڵام هەوڵەكانمان بەگەڕخستووە بۆ ئەوەی پلەیەكی باش بەدەستبهێنین و لە خولە ئەوروپییەكانی وەرزی داهاتوو بەشداری بكەین ، بۆیە رێگا بە لیستەر نادەین بردنەوە تۆماربكەن".

رێكان عزیز