بەفەرمی ... ئەم دوو یاریزانە پیشەگەرە سەردانی هەولێر دەكەن

21/07/2019 - 11:02 بڵاوکراوەتەوە لە وەرزش/عێراقی

 

باسل كۆركیس بەرێوەبەری كارگێری هەڵبژاردەی عێراق رایدەگەینێت دوو یاریزانی پیشەگەر لەگەڵ هەڵبژاردەی نیشتیمانی بەشداری یارییەكانی جامی رۆژئاوای ئاسیا دەكەن".

كۆركیس لە لێدوانێكیدا وتی : " هەریەكە لە ئەحمەد ئیبراهیمی یاریزانی عەرەبی قەتەری و هومام تارقی یاریزانی ئیستقلال تەهران لەگەڵ عێراق گەشتی هەولێر دەكەن بۆ ئەوەی بەشداری یارییەكانی جامی رۆژئاوای ئاسیا بكەن كە بریارە لەكۆتای ئەم مانگە لە هەردوو شاری هەولێر و كەربەلا بەرێوەبچێت".

گرووپی یەكەم كە لە كەربەلا بەرێوەدەچێت ، هەریەكە لە هەڵبژاردەكانی عێراق وفەلەستین و سوریا و لوبنان و یەمەن لەخۆ دەگرێت ، گرووپی دووەمیش لە هەولێر ئەنجامدەدرێت بەبەشداری هەڵبژاردەكانی بەحرێن و ئوردن و كوێت و سعودیە".