زەورا بە سێ گۆڵ لە یانە پاڵەوانەكانی عەرەبی دۆرا

22/08/2019 - 08:36 بڵاوکراوەتەوە لە وەرزش/عێراقی

 

یانەی زەورای عێراق لەیارییەكانی گەڕی دووەمی پاڵاوتنی یانە پاڵەوانەكانی عەرەبی ، بەئەنجامێكی گەورە و بە (3 – 0) بەیانەی ئیتیحاد تەنجەی مەغریبی دۆرا".

لەخولەكی (26) سوفیان شەرەف دەرگای گۆڵەكانی لەیارییەكەدا كردەوە و یانەی ئیتیحاد تەنجەی بەگۆڵێك پێشخست ، دوای دوو خولەك لەم گۆڵە ، محمد عەمراوی گۆڵی دووەمیشی بۆ یانەی ئیتیحاد تۆماركرد".

لەگێمی دووەم و لە خولەكی (60) یانەی ئیتیحاد ئەنجامەكەی مسۆگەركرد بەتۆماركردنی گۆڵی سێیەم لەرێگای یاریزان (ساڵح تاهر) ، هەرچەندە یانەی ئیتیحاد بەهۆی كرانە دەرەوەی (كونانی ئەلحاجی) یارییەكەی بە (10) یاریزان تەواوكرد ، بەڵام توانیشی بردنەوە تۆماربكات".

بەم ئەنجامەش یانەی زەورا خاڵەكانی هەر لە (3) خاڵ مانەوە و بەجیاوازی گۆڵ لەگەڵ یانەی ئیتیحاد تەنجە پلەی سێیەمی گرتووە ، بەجیاوازی سێ خاڵیش لەدوای یانەی رفاعی بەحرێنی دێن".