سعودیە رازی بوو لە خاكی عێراق یارییەكی دۆستانە ئەنجامبدات

سێ شەممە, 19 کانونی یەکەم 2017 06:10

 

سەرۆكی دەستەی گشتی وەرزشی لە سعودیە ، سەرۆكی یەكێتی تۆپی پێی وڵاتەكەی راسپارد بۆ كاركردن لەسەر بابەتی ئەنجامدانی یارییەكی دۆستانە لەسەر خاكی عێراق".

تركی ئال شێخ سەرۆكی دەستەی گشتی وەرزشی لە سعودیە بە داواكەی عێراق رازی بووە بۆ ئەوەی پشتگیری وڵاتەكە بكەن و یارییەكی دۆستانە لەسەر خاكی عێراق ئەنجامبدەن".

ئەو بەرپرسە ، عادل عیزەتی سەرۆكی یەكێتی تۆپی پێی سعودیەی راسپاردووە بۆ ئەوەی كار لەسەر بابەتی هەڵگرتنی ئابلوقەی وەرزشی سەر عێراق بكات و لە خاكی عێراق یارییەكی دۆستانە ئەنجامبدات".

لەبارەی كاتی ئەنجامدانی یارییەكە ، سەرۆكی دەستەی گشتی وەرزشی لە سعودیە رایگەیاندووە كاتەكەی لە سەرەتای چارەكی یەكەمی ساڵی (2018) بێت واتە پێش هاتنی مانگی ئازار".


 

رێكان عزیز