وڵاتی عومان رازی نەبوو یاریزانێكی قوەجەویە بچێتە سەر خاكەكەیەوە

شەممە, 24 شوبات 2018 06:45

 

بەرپرسانی ئیداری شانشینی عومان رەتیان كردەوە رێگە بەیاریزانێكی سووری بدەن بچێتە سەر خاكەكەیان و رێگریان لێكرد".

بریارە لەیارییەكانی گەڕی دووەمی گرووپی یەكەمی جامی یەكێتی ئاسیا هەردوو یانەی قوەجەویەی عێراقی و سوێقی عومانی لە مەسقەت رووبەرووی یەكترببنەوە".

حوسام دەراجی بەرپرسی راگەیاندنی یانەی قوەجەویەی عێراقی وتی : " كارگێری تیپەكەمان زۆر هەوڵیدا و پەیوەندییەكی زۆری كرد بە بەرپرسانی یانەی سوێق و بەرپرسانی وڵاتی عومان بۆ ئەوەی رێگە بە (زاهر مەیدانی) بدەن لەگەڵ وەفدەكە بچێتە سەر خاكی عومان بەڵام ئەوان رازی نەبوون".

دەشڵێت : " پاسپۆرتەكەی زاهیر بەسەرچووە بەڵام لە بالیۆزخانەی سوریا لە بەغدا نوێی كردۆتەوە و ئێستا كارە یاساییەكانی تەواوكردووە بەلام هەر رێگەی پێ نادەن بچێتە عومان ، بۆیە ئێمە لەیەكێتی تۆپی پێی ئاسیا سكاڵامان تۆمار كردووە و چاوەرێی وەڵامین".


 

رێكان عزیز