عێراق و لوبنان لە كەربەلا رووبەرووی یەكتردەبنەوە

یەک شەممە, 08 نیسان 2018 08:07

 

یەكێتی تۆپی پێی عێراقی رایگەیاند رێككەوتنی كۆتایی كردووە لەگەڵ هەریەك لە هەڵبژاردەكانی لوبنان و فەڵەستین تا لەكۆتایی ئەم مانگە و سەرەتای مانگی داهاتوو دوو یاری دۆستانە لە عێراق لە یاریگاكانی كەربەلا و بەسرە ئەنجام بدەن.

فالح موسای ئەندامی یەكێتی تۆپی پێی عێراقی رایگەیاند ، بەشێوەیەكی فەرمی لەگەڵ لوبنان رێككەوتوین تا لە 27 ئەم مانگە یارییەكی دۆستانە لە نێوان هەردوو هەڵبژاردە لەسەر یاریگای كەربەلا ئەنجام بدرێت.

لەهەمان كات گوتی یاری دووەمی دۆستانە بەرامبەر بە فەڵەستین دەبێت لە حەفتی ئایاری داهاتوو لەسەر یاریگای بەسرە.

لەكۆتایشدا گوتی پەیوەندیمان بە چەندین هەڵبژاردە كردووە تا لە رۆژانی فیفا یاری دۆستانە لە عێراق ئەنجام بدەین تا باسم قاسم بەباشترین شێوە تیپەكە بۆ جامی ئاسیای داهاتوو ئامادە بكات.