ئەمرۆ دوو نوێنەرەكەی عێراق لە جامی یەكێتی ئاسیا یاری دەكات

سێ شەممە, 10 نیسان 2018 07:04

 

یانەی قوەجەوییە بەشێوەیەكی باش ئامادەكاری كردووە بۆ یاری بەرامبەر جەزیرەی ئوردنی لە كۆمەڵەی یەكەمی جامی یەكێتی یانەكانی ئاسیا.

یارییەكە ئەمرۆ ئێوارە كاتژمێر 5:00 ئەنجام دەدرێت، جەزیرەی ئوردنی بە كۆكردنەوەی 10 خاڵ لە ئەنجامدانی چوار یاری پلەی یەكەمی ریزبەندی گرتوەو یانەی قوەجەوییەی خاوەن دوو نازناوی رابردوو بە كۆكردنەوەی حەفت خاڵ لە ئەنجامدانی سێ یاری پلەی دووەمی گرتوە.

لەیارییەكی دیكەش كاتژمێر 6:00 ئەمرۆ ئێوارە یانەی زەورا یاری سێیەم لە كۆمەڵەی دووەمی جامی یەكێتی یانەكانی ئاسیا ئەنجام دەدات.

زەورا لە یاریگای كەربەلا میوانداری یانەی عەهدی لوبنانی دەكات، زەورا خاوەنی پێنج خاڵە لە سێ یاری رابردوو یەك سەركەوتن و دوو بەرامبەری هەیەو پلەی دووەمی گرتوە، هەرچی یانەی عەهدە بە كۆكردنەوەی هەشت خاڵ پلەی یەكەمی ریزبەندی گرتوە، یاری چوونیش لە نێوان ئەم دوو یانەیە بەیەكسان بوون كۆتایی هاتوە.


 

رێكان عزیز