ئەمرۆ عێراق لە جامی ئاسیا رووبەرووی یەمەن دەبێتەوە

12/01/2019 - 09:18 بڵاوکراوەتەوە لە وەرزش/عێراقی

 

لەیاری دووەمی كۆمەڵەی چوارەمی جامی نەتەوەكانی ئاسیا ، لەسەر یاریگای یانەی شاریقە هەڵبژاردەی عێراق بەرامبەر بە یەمەن یاری دەكات".

عێراق لەیاری یەكەم بەرامبەر ڤێتنام سێ خاڵی گرنگی بەدەستهێنا بەتایبەتی یاریزانەكانی لە گێمی دووەم ئاستێكی بەرزیان پێشكەش كرد، عێراق هەوڵ دەدات لەم یارییەشدا بردنەوە تۆمار بكات و بگاتە قۆناغی دووەمی جامەكە بەر لەوەی لەدواین جەولە بەرامبەر بە ئێران توشی زەحمەتی ببێتەوە".

كاتانیچی راهێنەر لەم چەند رۆژەی رابردوو كاری لەسەر راست كردنەوەی هەڵەكانی یاری رابردوو كردووە، هەوڵ بۆ ئەوە دەدات تیپەكەی ئاستێكی بەرز پێشكەش بكات و بەكەمترین زەحمەتی بردنەوە لەم یارییەدا تۆمار بكات".

هەرچی یەمەنە لەیەكەم بەشداریدا بە ئاستێكی خراپ بەدیاركەوت و تا ئێستاش بە خراپترین تیپی جامەكە هەژمار دەكرێت، یەمەنیەكان بەهۆی شەڕو ئاژاوەكانی ناوەخۆ هیچیان نیە لەم یارییەدا لەدەستی بدەن، كار بۆ ئەوە دەكەن وێنەی تیپەكەیان جوان بكەنەوەو ئەنجامێكی چاوەڕوان نەكراو بەرامبەر بە عێراق تۆمار بكەن هەرچەندە ئەوەش دەزانین ئەركیان زۆر زەحمەتە بەڵام هیچ شتێك لە تۆپی پێ مەحاڵ نیە".