یەكێتی تۆپی پێی كوردستان چەند بڕیار راسپاردەیەكی نوێی دەركرد

01/08/2019 - 09:38 بڵاوکراوەتەوە لە وەرزش/كوردستانی

 دوێنێ چوارشەممە 2019/7/31 بە پێی رێنماییەكانی یەكێتی تۆپی پێی كوردستان، ئەم بڕیار و راسپاردانەی خوارەوە دران:

1- لە یاری نێوان كۆیە و ڕانیە لە خولی پلەیەكی لاوانی كوردستان، بە هۆی شەڕ كردن و گرفت لەنێوان دوو یاریزان بەناوی (لازۆ عەلی) ژمارە 11 لە یانەی ڕانیە و (دارڤان ئەسكەندەر ) ژمارە 8 لە یانەی كۆیە، بڕیاردرا به

• راگرتنی هەردوو یاریزان بۆ یەك یاری.

• غەرامەكردنی هەریەكیان بە بڕی 150000 سەد و پەنجا هەزار دینار.

2- لە یاری نێوان دەروازە و سۆلاف لە خولی پلەیەكی لاوانی كوردستان، بە هۆی دەركردن و دەرچوون لە گیانی وەرزشی لە لایەن راهێنەری لاوانی یانە سۆلاف (عەلی یەحیا قاسم) بڕیاردرا بە:

• راگرتنی ناوبراو بۆ دوو یاری، كە نابێت لە نێو یاریگە ئامادە بێت.

• غەرامەكردنی ناوبراو بە بڕی 250000 دوو سەد و پەنجا هەزار دینار.

3- لە یاری نێوان ئاشتی و چەمچەماڵ لە خولی پلەیەكی لاوانی كوردستان، بە هۆی جنێودان و ووتنی وتەی ناشیرین و دوور لە گیانی وەرزشی، لە لایەن یاریزانی یانەی چەمچەماڵ (شێركۆ ئەحمەد) ژمارە 11، بڕیاردرا بە:

• راگرتنی ناوبراو بۆ یەك یاری.

• غەرامەكردنی ناوبراو بە بڕی 150000 سەد و پەنجا هەزار دینار.