بۆ جاری یەكەم پاڵەوانیەتی كیك بۆكسینگ لەسلێمانی بەرێوەچوو

05/08/2019 - 11:13 بڵاوکراوەتەوە لە وەرزش/كوردستانی

 

ئەردەڵان محەمەد

بۆ یەكەمجار لەسەر ئاستی شاری سلێمانی‌و كوردستان گەورەترین پاڵەوانێتی كیك بۆكسینگی لاوانی یانەكانی سنووری پارێزگای سلێمانی بەرێوەچوو.

بەسەرپەرشتی یەكێتی كیك بۆكسینگی سلێمانی‌و بەبەشداری 15یانە بۆ ركابەری لەسەر كێشەكانی (+51 تا +91كم) كە تائێستا ئەو رێژە لەسەر ئاستی لاوان بەشدار نەبووە پاڵەوانێتی لاوانی یانەكانی سنووری پارێزگای سلێمانی بەرێوەچوو.

ئازاد محەمەد سەرۆكی یەكێتی كیك بۆكسینگی لقی سلێمانی كوردستان ئەوەی خستەروو: ئامانج لەئەنجامدانی ئەم پاڵەوانێتیە بۆ زیاتر گرنگیدانە بەتواناكانی لاوان بۆ ئەوەی بتوانن ئاستی راستەقینەی خۆیان پیشان بدەن، هەروەها بەشداریكردنیان لەم پاڵەوانێتیە ببێتە پاڵنەرێكی بەهێز بۆ ئەوەی زیاتر ئەزموون پەیدا بكەن لەپاڵەوانێتیەكانی داهاتووی كوردستان‌و عێراق.

ئازاد وتیشی: لەراستیدا پێشبینی ئەوەمان نەدەكرد ئەو رێژە زۆرەی یانەكان لەسەر ئاستی لاوان بەشداربن ئەوەش بۆ ئێمە جێگەی دڵخۆشییە كە یانەكان بەو شێوەیە گرنگی بەتواناكانی لاوان دەدەن، بۆیە دەمانەوێت دوای تەوابوونی ئەم پاڵەوانێتیە هەڵبژاردەی لاوانی سلێمانی دروست بكەین‌و ئامادەییان بكەین بۆ هەر پاڵەوانێتیەك كە ئەنجام بدرێت.

دوای ركابەریەكی بەهێزیش لەنێوان یانە بەشداربووەكان ئەنجامی كۆتایی بەمشێوەیە بوو.

یانەی رزگاری پلەی یەكەم 12خاڵ

یانەی هەڵەبجەی شەهید پلەی دووەم 9خاڵ

یانەی رانیە پلەی سێیەم 8خاڵ

هەر لەپاڵەوانێتیەكەدا لەلایەن یەكێتی كیك بۆكسینگی سلێمانیەوە تاقیكردنەوە بەچەندین كچە یاریزان كرا بۆ ئەوەی لەتواناكانیان دڵنیابن‌و لەداهاتوودا بۆ یەكەمینجار پاڵەوانێتیان بۆ ئەنجام بدرێت.